Mathiơ 21:3 - Sơ̆p Hlabơar Nơ̆r 'Bok Kei-Dei

³ Dah đe khan: ‘Biĕm iŏk pơm kiơ?’ Biĕm khan kơ sư thoi âu: ‘Kră Yang wă yua 'biơ̆.’ Thoi noh na sư ăn kơ biĕm dui anhăk aseh iĕ noh tơ âu.”

Mathiơ 21:3 Kruisverwysings

I Pot 17:9

“Ih athei iung weh đơ̆ng anih 'nâu năm bĕ tơ Pơlei Sarepha lăm dêh char Siđôn ih oei hloi tơ noh. Na Inh đei pơkă bơih kơ minh 'nu drŏ-kăn adro 'me rong ih tơ noh”.

Esơra 1:1

Sơnăm blŭng-a lăm chăl Sirus, pơtao pơgơ̆r dêh char Phersia, Kră Yang wă pơsĭt nơ̆r Sư đei yua 'bơ̆r Jêrêmi đei khan, na Sư pơm ăn kơ jơhngơ̆m Sirus, pơtao Phersia ră roi jơ̆p-jang kơ teh đak sư kơdih păng kư̆m đei chih hla bơar tơjur nơ̆r sư thoi âu:

Esơra 1:5

Kơplah noh, lu kơdră adrĕch Juđa păng Bênjamin, lu 'bok soi păng bơngai Lêwi, đĭ-đăng dôm lu đe bu mă Kră Yang 'Bok Kei-Dei đei pơtrŭt lăm jơhngơ̆m lu sư wă, năm pơjing hnam akŭm Kră Yang tơ pơlei Jêrusalem.

Esơra 7:27

Na Esơra khan thoi âu: Trŏ bơnê ư-ang dêh tơpă kơ Kră Yang Kră Yang 'Bok Kei-Dei lu 'bok yă bơ̆n, đei hơmet jơhngơ̆m pơtao wă hơmet pơrŏ ming hnam akŭm Kră Yang tơ pơlei Jêrusalem.

Horiso 24:1

Teh păng dôm tơmam kơpal teh, Teh đak păng lu bơngai oei tơ lăm noh. Tă kơ tơmam Kră Yang ngăl.

Mathiơ 21:2

“Biĕm năm tơ pơlei tơpăt anăp biĕm to. Lăp biĕm truh tơ noh, biĕm 'bôh minh pôm aseh iĕ yŏng đe chô̆ hơdai hăm kon sư, na biĕm yaih dui anhăk kơ Inh tơ âu.

Mathiơ 21:4

Tơdrong âu 'blep trŏ thoi minh 'nu 'bok chih khan lê̆ hơdrol sơ̆ thoi âu:

Yo 17:2

Thoi Ih ăn kơ Inh pơgơ̆r đĭ-đăng bơngai, Inh gơh ăn kơ kon bơngai mă Ih pơjao kơ Inh gô arih ling-lang păng ba.

Yo 3:35

'Bă Sư 'Bok Kei-Dei lăp đon kơ Kon Sư tơpă, na pơchĕp ăn kơ Sư gơh pơm tôm tơdrong.

Jang 17:25

Kră Yang 'Bok Kei-Dei ưh kơ kăl kơ bơ̆n tơgŭm Sư ôh yua kơ Sư boih ăn kơ bơ̆n arih păng ăn kơ bơ̆n đĭ-đăng tơmam bơ̆n kăl yua.

II Kor 8:16

Inh bơnê kơ 'Bok Kei-Dei pơm kơ Tĭt hưch hanh kơ năm tơgŭm iĕm kư̆m thoi inh hưch hanh kơ tơgŭm iĕm ling-lang.

II Kor 8:9

Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

I Sam 10:26

Sôl kư̆m brŏk tơ hnam sư kơdih tơ Gibêah, đei lu linh pran kơtang mă Kră Yang 'Bok Kei-Dei ăn lu sư kư̆m brŏk kiơ̆ Sôl.