Mathiơ 21:10 - Sơ̆p Hlabơar Nơ̆r 'Bok Kei-Dei

¹⁰ Truh Yêsu mơ̆t tơ Pơlei Jêrusalem na đĭ-đăng kon bơngai yơyông yơyang mang, lu sư hli, na jet lu bơngai mă kiơ̆ jơ̆ng Yêsu khan: “Bu noh?”

Mathiơ 21:10 Kruisverwysings

Hơri Hiôk 3:6

Bơngai bu lĕch đơ̆ng char glă to noh, Dơhmôl thoi jrăng 'nhui Bluh hơyuh 'bâu phu. Hăm tôm tơdrong 'bâu phu đơ̆ng kơ lu bơngai mơdro tĕch?

Êsai 63:1

Bu Tơ'ngla mă truh đơ̆ng char Eđôm. Đơ̆ng pơlei Bôsra? Na hrŭk hơbĕn ao gôh rang hơdah, yak năm hăm tơdrong pran kơtang. Noh Inh bơih Tơ'ngla pơma nơ̆r 'lơ̆ng tơpăt Tơ'ngla mơsêh mơyang tih-tin wă dŏng pơklaih.”

Mathiơ 2:3

Lăp pơtao Hêrôt kơtơ̆ng tơdrong noh sư sơleng kơ đon păng jơhngơ̆m sư hli. Đĭ-đăng bơngai lăm Pơlei Jêrusalem kư̆m hli lei-lăi mơ̆n.

Mathiơ 21:11

Lu bơngai tơpôl kiơ̆ jơ̆ng Yêsu ei khan: “Sư 'noh Yêsu, Sư bơngai pơtruh nơ̆r 'Bok Kei-Dei, Sư đơ̆ng Pơlei Nasaret, dêh Galilê.”

Mathiơ 21:9

Yêsu hao aseh iĕ yak rok trong ei na lu bơngai tơpôl ei mơ'nah yak hơdrol kơ Sư, mơ'nah đơ̆ng rŏng kơ Sư. Lu sư chhôk na pơma 'bơ̆r re khan: “Hôsana, bơnê kơ 'Bok Krist Kon Sâu pơtao Đawit. Bơnê kơ Sư truh tơ bơ̆n năr âu yua kơ Kră Yang wơh. Păng bơnê kơ 'Bok Kei-Dei kơpal plĕnh ti.”

Luka 5:21

Lu thây bơtho tơdrong juăt đe Juđê păng lu bơngai kiơ̆ tơdrong Pharisi kơtơ̆ng Sư pơma thoi noh na lu sư mơmơnh lăm to khan: “Bơngai bu âu pơm pơma blông kơ 'Bok Kei-Dei dêh? Bu mă gơh pơklaih yoch bơ̆n? Pôm 'Bok Kei-Dei đĕch gơh pơklaih yoch bơ̆n.”

Luka 7:49

Lu bơngai sŏng sa hơdai Yêsu tơ ei kơtơ̆ng thoi noh na lu sư mơmơnh lăm to khan: “'Nâu bơngai bu khan gơh pơklaih yoch đe?”

Luka 9:9

Hêrôt sư khan: “Gah Yôhan inh chơ̆ng ako sư boih, na bơngai mă pơm lơ tơdrong mơsêh noh bu dơ̆ng?” Na Hêrôt 'maih chă tơ'bơ̆p Yêsu.

Yo 2:18

Lu bơngai Juđê khan kơ Yêsu: “Ih pơm kơ nhôn mơsêh mơyang Ih bĕ, lei na nhôn lui kơ 'Bok Kei-Dei Sư ăn kơ Ih pơpuh lu đe âu đơ̆ng hnam akŭm âu.”

Jang 9:5

Sôl khan: “Ơ 'Bok, anăn Ih bu?” Kră Yang Yêsu khan: “Inh Yêsu mă ih areh kơ Inh.

Ru 1:19

Thoi noh na bre sư năm hơdai truh tơ pơlei Betlehem. Kơplah bre sư truh tơ pơlei Betlehem đĭ-đăng bơngai lăm pơlei 'bôh 'brơ̆k mơnat, lu drŏ-kăn tơpinh băl, noh hăm trŏ kơ Naômi ưh?

I Sam 16:4

Samuel pơm kiơ̆ dôm tơdrong Kră Yang bơtho khan kơ sư, năm truh tơ pơlei Betlehem. Lu kră pơlei tơkan sơng sư. Lu sư hli na apinh: Ih năm tơ âu ba tơdrong hiôk-hian dah kiơ?