Mathiơ 21:1 - Sơ̆p Hlabơar Nơ̆r 'Bok Kei-Dei

¹ Lu đe Yêsu wă jê̆ truh tơ Pơlei Jêrusalem boih, truh tơ Pơlei Betphagê 'bơ̆t kông Ôliwơ. 'Bơ̆t ei Yêsu wơh 'bar 'nu bơngai pơhrăm păng Sư khan:

Mathiơ 21:1 Kruisverwysings

Sa 14:4

Lăm năr noh; jơ̆ng Sư gô dơ̆ng kơpal kông ôliwơ, kông mă tơklă Jêrusalem gah hơlĕch; păng kông ôliwơ gô pơchah tŏk-bŏk, minh pah gah hơlĕch, minh pah gah bơmơ̆t, dĭng mah jing minh pôm thong jrŭ să; minh puăt kông noh hiŏng tơ gah gơal, minh puăt hiŏng gah yă-nơ̆m.

Mathiơ 20:34

Yêsu lăng mơnat kơ bre sư dêh, na Sư pel măt bre sư, măt bre sư 'bôh hơdah hloi na bre sư kiơ̆ hloi Yêsu.

Mathiơ 21:2

“Biĕm năm tơ pơlei tơpăt anăp biĕm to. Lăp biĕm truh tơ noh, biĕm 'bôh minh pôm aseh iĕ yŏng đe chô̆ hơdai hăm kon sư, na biĕm yaih dui anhăk kơ Inh tơ âu.

Mathiơ 24:3

Đơ̆ng rŏng kơ noh Yêsu năm ngôi tơ kông Ôliwơ, na lu bơngai pơhrăm păng Sư jet Sư kơdrô̆ khan: “Apinh Ih roi kơ nhôn layơ đe wă pơrăm hnam akŭm 'Bok Kei-Dei to păng đei tơdra liơ wă kơ nhôn kơnăl kơ Ih wă jur tơ teh âu păng kơnăl kơ năr tôch wă truh.”

Mathiơ 26:30

Đang Sư pơma thoi noh boih lu sư hơri minh tơdrong 'Bok Kei-Dei, đơ̆ng noh lĕch năm hloi tơ kông Ôliwơ.

Markôs 13:3

Đơ̆ng rŏng kơ noh Yêsu năm ngôi tơ kông Ôliwơ pah to thong đơ̆ng hnam akŭm tơm ei. Na Pêtrôs, Yakơ, Yôhan, Andrê, lu sư jet Yêsu kơdrô̆ lu sư khan:

Markôs 14:26

Đang Sư pơma thoi noh boih lu sư hơri minh tơdrong 'Bok Kei-Dei, lĕch năm hloi tơ kông Ôliwơ.

Luka 21:37

Rim năr lăm hơdôm năr noh Yêsu bơtho đe tơ hnam akŭm 'Bok Kei-Dei tơm đơ̆ng pơgê truh kơsơ̆. Tơ kơsơ̆ Sư brŏk 'bĭch tơ pơlei đe tơ kơpal kông Ôliwơ.

Luka 22:39

Yêsu yak đơ̆ng ei năm tơ kông Ôliwơ kư̆m thoi brei mơsơ̆ mơ̆n. Lu bơngai pơhrăm păng Sư kư̆m kiơ̆ hơdai Sư.

Yo 8:1

Đơ̆ng noh Yêsu năm tơ kông Ôliwơ.

Jang 1:12

Đơ̆ng noh na lu bơngai jơ̆ng 'bang Yêsu đơ̆ng kông Ôliwơ brŏk tơ Pơlei Jêrusalem dang minh kơsô̆.