Mathiơ 2:18 - Sơ̆p Hlabơar Nơ̆r 'Bok Kei-Dei

¹⁸ “Đe kơtơ̆ng nơ̆r ôr pơret tơ Pơlei Ramma, 'bơ̆r đe nhơ̆m hmoi ơh tơpă. Yă Rachel hmoi ơh kơ kon sư lôch, sư nhơ̆m hmoi khŏm khŏm đe ưh pă gơh pơlung sư thoi yơ, yua kơ kon sư lôch đĭ.”

Mathiơ 2:18 Kruisverwysings

Bl 37:30

Năm tơ lu 'nhŏng oh sư păng khan: Ôu! Bơngai 'lơ̆p tơ yơ boih! Pơm liơ 'nâu kơnh? Bê̆ inh âu wă năm tơ yơ?

Bl 42:36

Jakôp, 'bă lu sư khan thoi âu: Lu iĕm tă kơ pơm tơhiong lê̆ kon inh; Jôsep hiong hloi boih Simêôn kư̆m hiong mơ̆n; na dang ei wă chông anhăk Bênjamin năm dơ̆ng hă? Dôm tơdrong ơh sơ'ngon âu tă tuh kơ inh ngăl.

Jop 14:10

Mă-lei kon bơngai dah lôch bơih, pă đei kiơ, kon bơngai kơtĕch jơhngơ̆m năm tơ yơ?

Je 31:15

Kră Yang khan: “Tơ pơlei Rama đei kơtơ̆ng nhơ̆m hmoi, nhơ̆m ơh sơ'ngon, noh Rachel nhơ̆m hmoi kơ lu kon sư, hmoi ơh ưh kơ đei bu gơh pơlung sư gah lu kon sư, yua kơ lu kon sư ưh pă đei arih boih.”

Je 4:31

Inh kơtơ̆ng nơ̆r ôr thoi drŏ-kăn tơpŭ, ôr hơdrăi thoi bơngai adruh tơpŭ kon blŭng-a. Noh nơ̆r ôr lu kon Adruh Siôn, ôr tơngưih plaih ti na khan răm dêh kơ inh, “inh lôch hơngơ̆t bơih, 'bơ̆t anăp lu bơngai chă pơlôch inh!”

Êsêkiên 2:10

Sơnôm hla bơar noh bơlang 'bơ̆t anăp inh, đei chih, lăm păng đaih, noh đei chih lu tơdrong nhơ̆m hmoi ơh sơ'ngon păng tơdrong pơmat-tat.

Mathiơ 2:17

Thoi noh boih na 'blep thoi Jêrêmi chih khan sơ̆ thoi âu:

Luka 8:52

Đei lơ bơngai 'bơ̆t ei tơjrông tơjrang mang oei nhơ̆m hmoi. Na Yêsu khan kơ lu đe ei: “Iĕm 'nĕ pă nhơ̆m hmoi kơ sư wăi, sư ưh kơ lôch ôh, sư tep đĕch.”

Tơdrông Tơ'bôh 8:13

Inh 'bôh păng kơtơ̆ng minh pôm sem klang păr tŏk-bŏk rơwơ̆ng ti, sư pơma 'bơ̆r re khan: “Ô glăi, ô glăi, ô glăi, lu bơngai mă oei tơ teh, pă 'biơ̆ pêng 'nu linh jang 'lơ̆ng hlôm keng wă pơrăm iĕm.”