Mathiơ 19:7 - Sơ̆p Hlabơar Nơ̆r 'Bok Kei-Dei

⁷ Lu bơngai Pharisi jet dơ̆ng: “Lơliơ Môis pơkă khan dah pơm hla bơar trŏ gơh achăng?”

Mathiơ 19:7 Kruisverwysings

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

Je 3:8

Sư 'bôh boih yua kơ tơdrong luĕl 'blal lu bơngai Isơrael pơm pơyô ngôi kư̆ kă. Na Inh achăng lê̆ sư pơm hla bơar hrĕch păng puh tơweh sư. Mă-lei oh sư bơngai Juđa ưh kơ hli ôh, kư̆m wang pơm pơyô kư̆ kă noh.

Malachi 2:16

Yua kơ Kră Yang 'Bok Kei-Dei Isơrael đei khan boih thoi âu: “Inh areh dêh kơ bơngai bu mă hrĕch achăng akăn păng bơngai bu mă gom lê̆ sư kơdih hăm tơdrong khĕnh hơwĕng thoi bơngai mă gom lê̆ akâu sư hăm hơbĕn ao sư.” Kră Yang Tih Hloh khan thoi noh: Thoi noh athei wei bĕ jơhngơ̆m lu iĕm kơdih, 'nĕ pă chă hơlĕnh pơdăr băl.

Mathiơ 1:19

Klo sư Yôsep bơngai 'lơ̆ng tơpăt, sư ưh kơ pơjăm Mari ngôi kư̆ kă hăm đe wă kơ sư mơlâu kơ đe ôh. Sư tơchĕng wă achăng Mari ră, mă-lei sư ưh kơ đei roi kơ đe ôh.

Mathiơ 19:6

Bre sư ưh pă thoi 'bar 'nu bơngai boih, bre sư thoi minh 'nu bơngai đĕch. Yua kơ thoi noh na kon bơngai bơ̆n ưh kơ gơh achăng lê̆ akăn sư ôh, yua kơ 'Bok Kei-Dei pơgơ̆p bre sư jing klo kăn boih.”

Mathiơ 19:8

Yêsu khan: “'Noh yua kơ yă 'bok iĕm sơ̆ arăng kơ̆l na Môis pơkă khan gơh achăng. Mă tơpă đơ̆ng blŭng-a sơ̆ 'Bok Kei-Dei ưh kơ đei pơkă khan thoi noh ôh.

Mathiơ 5:31

“Đe đei bơtho sơ̆ thoi âu: ‘Bơngai bu wă achăng akăn sư, sư athei pơm hla bơar mă trŏ 'mơ̆i na gơh achăng.’

Markôs 10:4

“Môis pơkă kơ nhôn sơ̆ athei drŏ-nglo bơ̆n pơm hla bơar mă trŏ na gơh achăng akăn sư.”