Mathiơ 19:4 - Sơ̆p Hlabơar Nơ̆r 'Bok Kei-Dei

⁴ Yêsu khan kơ lu sư: “Iĕm ưh tam mă đŏk lăng ôh hă sơ̆p hla bơar 'Bok Kei-Dei chih khan thoi âu: ‘Blŭng-a sơ̆ 'Bok Kei-Dei pơjing minh 'nu drŏ-nglo, minh 'nu drŏ-kăn.’

Mathiơ 19:4 Kruisverwysings

Bl 1:27

Kră Yang 'Bok Kei-Dei đei pơjing kon bơngai hơbŏ thoi rup Sư kơdih; Sư pơjing kon bơngai hơbŏ nhen thoi Kră Yang 'Bok Kei-Dei; Sư pơjing bơngai drŏ-nglo păng bơngai drŏ-kăn.

Bl 2:18

Kră Yang 'Bok Kei-Dei khan thoi âu: “Kon bơngai oei minh 'nu minh drô̆ ưh kơ 'lơ̆ng ôh; Inh gô pơjing ăn minh 'nu dơ̆ng wă tơgŭm sư păng hơbŏ thoi sư.”

Bl 2:23

Ađam khan thoi âu: “Bơngai âu kơting đơ̆ng kơting inh, sĕch đơ̆ng sĕch inh. Bơngai âu gô krao anăn sư bơngai drŏ-kăn, yua kơ sư đei đơ̆ng bơngai drŏ-nglo.”

Bl 5:2

Sư pơjing bơngai drŏ-nglo păng bơngai drŏ-kăn, ăn tơdrong pŭn hiôk kơ bre sư păng năr Sư pơjing ei Sư anăn bre sư bơngai.

II Ho 24:3

Jêhôiada chă ăn kơ Jôas 'bar 'nu akăn, sư đei kon hơ'lơ̆p drŏ-nglo drŏ-kăn.

Malachi 2:15

Đơ̆ng noh, mă khan tơdrong arih Kră Yang 'Bok Kei-Dei đei lơ rơkah rơkai ră, mă-lei Sư pơjing ăn kơ ih lăp minh 'nu drŏ-kăn đĕch. Mă-lei yua kơ kiơ Sư pơjing ăn kơ ih lăp minh 'nu bơngai drŏ-kăn đĕch? Noh yua kơ wă chă adrĕch adrung 'lơ̆ng rơgoh, thoi noh lu iĕm athei mă kơchăng lăm jơhngơ̆m bơ̆n kơdih, 'nĕ kơ oei sa hơlĕnh pơdăr hăm akăn bơ̆n kơdih mă iŏk oei đơ̆ng 'lơ̆p.

Mathiơ 12:3

Yêsu khan kơ lu bơngai Pharisi: “Iĕm tam biơh đŏk lăng lăm hla bơar tơdrong pơtao Đawit ôh hă? Sơ̆ sư kư̆m pơm ưh kơ trŏ kơ tơdrong juăt mơ̆n, sư păng bôl sư pơngot ưh kơ đei tơmam sa.

Mathiơ 21:42

Yêsu jet lu sư: “Tơdrong 'Bok Kei-Dei âu iĕm tam mă đŏk lăng tơpă hă? ‘Tơmo lu bơngai man hnam tŭk boih, tơmo noh 'Bok Kei-Dei lăng gĭt tơpă man sư 'bơ̆t mum hnam. Sư pơm thoi noh trŏ tơpă, mă măt bơ̆n lăng kư̆m 'lơ̆ng mơ̆n.’

Mathiơ 21:6

Thoi noh na 'bar 'nu bơngai pơhrăm păng Sư năm kiơ̆ kơ nơ̆r Sư pơkă.

Mathiơ 22:31

Tơdrong 'Bok Kei-Dei pơma kơ iĕm gah tơdrong kon bơngai iung arih đơ̆ng lôch, iĕm kư̆m đŏk lăng boih mă liơ iĕm ưh kơ hlôh?

Markôs 12:10

Mă tơdrong 'noh kư̆m thoi iĕm đŏk boih đe chih lăm sơ̆p hla bơar tơdrong 'Bok Kei-Dei thoi âu: ‘Tơmo lu bơngai man hnam tŭk boih, tơmo noh 'Bok Kei-Dei lăng gĭt tơpă man pơklop sư 'bơ̆t mum hnam.

Markôs 12:26

Tơdrong kon bơngai iung arih đơ̆ng lôch, iĕm kư̆m đŏk lăng boih lăm sơ̆p hla bơar tơdrong juăt Môis chih, sư roi tơdrong 'Bok Kei-Dei pơma kơ sư tơ tơm 'long ŭnh sa. 'Bok Kei-Dei khan kơ sư: ‘Inh boih Kră Yang Abraham, Kră Yang wei-lăng Isăk, Kră Yang wei-lăng Jakôp.’ ”

Markôs 2:25

Yêsu khan kơ lu sư: “Iĕm tam biơh đŏk lăng lăm hla bơar tơdrong pơtao Đawit ôh hă? Sơ̆ sư kư̆m pơm ưh kơ trŏ kơ tơdrong juăt mơ̆n, sư păng lu bôl sư pơngot ưh kơ đei tơmam sa.

Luka 10:26

Yêsu khan kơ sư: “Bĭ đe chih lăm sơ̆p hla bơar tơdrong juăt 'Bok Kei-Dei thoi yơ? Ih hlôh hla bơar noh thoi yơ?”

Luka 6:3

Na Yêsu khan kơ lu sư: “Iĕm tam biơh đŏk lăng lăm hla bơar tơdrong pơtao Đawit ôh hă? Sơ̆ sư kư̆m hơdai pơm ưh kơ trŏ kơ tơdrong juăt mơ̆n, sư păng bôl sư pơngot ưh kơ đei tơmam sa.