Mathiơ 19:10 - Sơ̆p Hlabơar Nơ̆r 'Bok Kei-Dei

¹⁰ Na lu bơngai pơhrăm păng Sư khan: “Bơ̆n băt kơ achăng lê̆ akăn ưh kơ gơh, dah lê̆ kơ iŏk akăn đĕch 'lơ̆ng hloh.”

Mathiơ 19:10 Kruisverwysings

Bl 2:18

Kră Yang 'Bok Kei-Dei khan thoi âu: “Kon bơngai oei minh 'nu minh drô̆ ưh kơ 'lơ̆ng ôh; Inh gô pơjing ăn minh 'nu dơ̆ng wă tơgŭm sư păng hơbŏ thoi sư.”

Tơdrông Pơđơk 18:22

Bơngai bu chă đei akăn chă đei boih pŭn hiôk; Păng đei mơnat tih đơ̆ng Kră Yang.

Tơdrông Pơđơk 21:19

Kơtrơ̆m oei hơdrô̆ lăm char glă. 'Lơ̆ng hloh oei hơdai bơngai drŏ-kăn hrăn tơhil jŏk.

Tơdrông Pơđơk 21:9

Kơtrơ̆m oei 'bơ̆t chaih jih bơbŭng hnam 'lơ̆ng hloh kơ oei hơdai akăn mơkoh.

Mathiơ 19:11

Yêsu khan dơ̆ng kơ lu sư: “Đĭ-đăng bơngai ngôi hơdrô̆ kư̆m ưh kơ trŏ ôh. Tơdrong 'noh gô mơ̆ng kơ 'Bok Kei-Dei đĕch.

Mathiơ 19:9

Yua kơ thoi noh na Inh wă khan kơ iĕm dang ei thoi âu: Bơngai bu achăng lê̆ akăn sư, akăn sư ưh kơ đei pơm pơyô kư̆ kă, na sư iŏk akăn plơ̆ng, bơngai 'noh pơm yoch pơ'brơh kơ akăn sư. Mă-lei dah akăn sư pơm pơyô kư̆ kă kơ klo sư hơdrol, 'noh klo sư gơh achăng. Klo sư mă hơdrol achăng lê̆ akăn sư boih, na dah bơngai nai đơ̆ng rŏng iŏk pơm akăn, bơngai noh kư̆m dang pơm yoch mơ̆n, yua kơ klo sư mă hơdrol achăng kư̆ kă ưh kơ trŏ kơ tơdrong achăng.”

I Kor 7:8

Inh wă khan kơ lu bơngai ưh kơ đei klo kăn păng lu bơngai drŏ-kăn adro thoi âu: Dah iĕm ngôi hơdrô̆ thoi inh 'lơ̆ng mơ̆n.

I Tim 4:3

Lu bơngai ei chă bơtho đe khan ưh kơ gơh iŏk klo kăn păng kơ̆m kơ lu tơmam sa. Mă-lei 'Bok Kei-Dei pơjing tơmam sa 'noh wă kơ bơ̆n gơh sa. Na lu bơ̆n bơngai lui băt tôm tơdrong 'Bok Kei-Dei, bơ̆n athei krao khan bơnê kơ Sư 'mơ̆i, klaih kơ noh bơ̆n gơh sa boih.