Mathiơ 18:3 - Sơ̆p Hlabơar Nơ̆r 'Bok Kei-Dei

³ Na Yêsu khan: “Iĕm lăng bơngai 'lơ̆p âu sư ưh kơ đei layơ pơma pơang akâu kơdih. Inh khan kơ iĕm tơpă, dah iĕm khan wă kơ 'Bok Kei-Dei pơgơ̆r iĕm, lei iĕm athei tơplih ming jơhngơ̆m đon iĕm kiơ̆ thoi bơngai 'lơ̆p âu.

Mathiơ 18:3 Kruisverwysings

Horiso 131:2

Mă-lei bơhngol inh hiôk hơđơ̆ng. Kŭm thoi kon nge pơdơh kơ mŏm oei cheng mĕ sư. Bơhngol inh hiôk hơđơ̆ng tơ lăm inh kư̆m thoi nge pơdơh kơ mŏm.

Êsai 6:10

Pơm bĕ kơ kon pơlei 'nâu jơhngơ̆m lu sư arăng, đon tơngơl, măt lu sư bơbôl, Hli kơ măt lu sư gơh 'bôh đon lu sư kơtơ̆ng jơhngơ̆m lu sư hlôh kơnh lu sư wơ̆t brŏk păng gơh klaih.”

Mathiơ 13:15

Yua kơ đon lu sư kơtul dêh, Mă-lei lu sư oei wă pơchĭt đon sư kơdih khŏm khŏm 'mơ̆i, Păng măt lu sư wă kơ tep ling-lang. Dah lu sư 'nĕ kơ pơm đon thoi noh, lei măt lu sư gơh 'bôh, Đon lu sư gơh kơtơ̆ng nhên, lu sư gơh tơchĕng kơdih băt wih tơ 'Bok Kei-Dei, Na Sư gô pơklaih đĭ dôm tơdrong yoch lu sư.’

Mathiơ 18:2

Na Yêsu krao minh 'nu bơngai 'lơ̆p ăn kơ sư oei tŏk-bŏk lu sư.

Mathiơ 18:4

Dah iĕm pơm kiơ̆ bơngai 'lơ̆p âu ưh kơ pơang akâu, lei bơngai noh boih pơm tih lu bơngai mă 'Bok Kei-Dei pơgơ̆r.

Mathiơ 19:14

Na Yêsu khan: “Lê̆ lu hơ'lơ̆p năm tơ Inh, 'nĕ pă khă lu sư, yua kơ bơngai bu lui thoi lu hơ'lơ̆p âu lui, bơngai noh 'Bok Kei-Dei pơgơ̆r wei-lăng sư ling-lang.”

Mathiơ 19:23

Na Yêsu khan kơ lu bơngai pơhrăm păng Sư: “Inh khan kơ iĕm tơpă, lu bơngai mơdrŏng wă mơ̆t tơ dêh char 'Bok Kei-Dei pơgơ̆r anat dêh.

Mathiơ 5:18

Inh khan kơ iĕm tơpă, tơdrong juăt Môis oei oei ling-lang mă truh năr tôch ning-mônh ưh kơ đei hiong minh apăk dah minh nơ̆r ôh.

Mathiơ 5:20

Lu thây bơtho tơdrong juăt đe Juđê păng lu bơngai Juđê mă lui kơ 'Bok Kei-Dei kiơ̆ kơ tơdrong Pharisi, lu sư ưh kơ kiơ̆ tơdrong juăt tơpă ôh. Na Inh khan kơ iĕm tơpă, dah iĕm ưh kơ adrin kiơ̆ tơdrong juăt hloh kơ lu đe noh, lei iĕm ưh kơ gơh mơ̆t tơ dêh char 'Bok Kei-Dei ôh.

Mathiơ 6:16

“Năr iĕm ơ̆t kơ por wă kơkuh kơ 'Bok Kei-Dei, iĕm 'nĕ pơm đon sơ'ngon thoi lu bơngai pơang akâu. Lu sư pơm kơ akâu akar muh măt sư sơ'ngon, wă kơ đe băt tơdrong lu sư ơ̆t kơ por. Inh khan kơ iĕm tơpă, lu bơngai thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Mathiơ 6:2

Yua thoi noh na mưh iĕm wă tơgŭm đe tơmam, dah jên, iĕm 'nĕ ăn 'bơ̆t anăp đe bôl buăl 'bôh thoi lu bơngai pơang akâu kơdih lu sư chă ăn kơ đe tơmam tơ hnam akŭm 'Bok Kei-Dei, tơ kơphô̆, tơ kơchơ, wă kơ đe ư-ang kơ sư khan sư bơngai băt tơgŭm đe. Inh khan kơ iĕm tơpă, lu bơngai mă pơang kơ đe thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Mathiơ 6:5

“Iĕm 'nĕ krao khan thoi lu bơngai pơang akâu, lu sư wă kơ đe ư-ang kơ sư na lu sư pơm iung dơ̆ng krao khan kơ 'Bok Kei-Dei 'bơ̆t anăp bôl tơ lăm hnam akŭm, phŏ tơ kơphô̆, phŏ tơ kơchơ, wă kơ đe 'bôh na ư-ang kơ sư khan sư bơngai 'lơ̆ng. Inh khan kơ iĕm tơpă, lu bơngai thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Markôs 4:12

‘Wă kơ sư lăng khŏm khŏm ră, mă-lei ưh kơ 'bôh tơdrong kiơ; wă kơ sư mơ̆ng khŏm khŏm ră mă-lei ưh kơ hlôh. Dah sư hlôh kơnh sư gơh tơchĕng kơdih băt wih tơ 'Bok Kei-Dei, 'Bok Kei-Dei gô pơklaih đĭ dôm tơdrong yoch sư.’ ”

Luka 13:24

“Iĕm athei adrin mơ̆t trong 'măng iĕ bĕ yua kơ đei lơ bơngai nŏng wă mơ̆t ră ưh kơ gơh.

Luka 22:32

Mă-lei Inh krao khan kơ 'Bok Kei-Dei wă kơ Sư tơgŭm ih huay kơ tŭk lê̆ tơdrong lui ih. Na lăp ih kơnăl tơdrong ih wă sơngah kơ Inh noh kơnh, na ih athei pơlung lu 'nhŏng oh ih âu wă kơ lu sư kư̆m lui kơjăp dơ̆ng.”

Yo 1:51

Yêsu khan kơ lu sư: “Inh khan kơ iĕm tơpă, ning-mônh iĕm gô 'bôh plĕnh tơpơih na iĕm 'bôh lu linh jang 'lơ̆ng 'Bok Kei-Dei jur tơ Inh Kon Bơngai păng iĕm kư̆m 'bôh lu sư tŏk tơ plĕnh.”

Yo 3:3

Na Yêsu khan kơ sư: “Inh wă khan kơ ih tơpă, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh.”

Yo 3:5

Yêsu khan kơ sư: “Inh khan kơ ih boih, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh. Tơdrong tơpŭ ming 'nao 'noh đơ̆ng Yang Bơhngol 'Lơ̆ng. Sư pơm kơ bơ̆n jơhngơ̆m 'lơ̆ng, na bơ̆n iŏk 'batem păng đak, thoi noh boih tơdrong tơpŭ ming 'nao.

Jang 14:22

Tơ rim pơlei ei bre sư bơtho khan kơ lu bơngai lui, wă kơ lu sư lui mă kơjăp. Bre sư khan bơ̆n athei đei lơ tơdrong pơmat-tat adrol 'mơ̆i na gơh mơ̆t tơ dêh char 'Bok Kei-Dei.

Jang 28:27

Ih năm bơtho lu sư thoi noh yua kơ đon lu sư jing kơtul dêh; mă-lei lu sư oei wă pơchĭt đon sư kơdih khŏm khŏm 'mơ̆i, păng măt lu sư wă kơ tep ling-lang. Dah lu sư 'nĕ kơ pơm đon thoi noh, lei măt lu sư gơh 'bôh, đon lu sư kơtơ̆ng nhên, lu sư gơh tơchĕng kơdih băt wih tơ Inh 'Bok Kei-Dei, na Inh gô pơklaih đĭ dôm tơdrong yoch sư.’ ”

Jang 3:19

Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt;

I Kor 14:20

Ơ 'nhŏng oh, gah tơdrong iĕm 'maih pơma nơ̆r hlĭch, iĕm athei tơchĕng kiơ̆ đon kră, 'nĕ pă kiơ̆ thoi đon bơngai nge. Bơ̆n băt kơ lu bơngai nge ưh kơ gơh pơm kơnê̆ kơ đe, dah bơ̆n kiơ̆ thoi noh 'lơ̆ng mơ̆n, mă-lei bơ̆n 'nĕ kơ kiơ̆ kơ đon sư tơchĕng, yua kơ sư ưh kơ hlôh ôh.

I Pet 2:2

Bơ̆n athei pơm thoi kon nge 'nao tơpŭ, sư ling-lang 'maih kơ mŏm đak toh ngăl. Na iĕm kư̆m lei-lăi athei hưch hanh kơdih kơdih 'maih mơ̆ng tơdrong 'lơ̆ng tơpăt 'Bok Kei-Dei pơma, wă kơ iĕm rai đunh rai wơ̆ gah tơdrong Sư, na ning-mônh Sư gô iŏk iĕm.

II Pet 1:11

Thoi noh na 'Bok Kei-Dei pơchoh kơ bơ̆n trong să, ăn kơ bơ̆n tŏk oei tơ dêh char Yêsu Krist pơgơ̆r ling-lang hloi, yua kơ Yŏng bơ̆n Yêsu Krist dŏng pơklaih bơ̆n.