Mathiơ 17:10 - Sơ̆p Hlabơar Nơ̆r 'Bok Kei-Dei

¹⁰ Na lu sư jet Yêsu khan: “Lơliơ lu thây bơtho tơdrong juăt đe Juđê khan Êli jur hơdrol kơ 'Bok Krist?”

Mathiơ 17:10 Kruisverwysings

Mathiơ 11:14

Sơ̆p hla bơar 'Bok Kei-Dei khan Êli wă jur. Mă tơpă Yôhan noh boih Êli, hli kơ iĕm ưh kơ lui đĕch na khan ưh kơ trŏ kơ Êli.

Mathiơ 16:14

Lu sư khan: “Mơ'nah đe krao Ih Yôhan bơngai pơm kơ đe 'batem. Mơ'nah khan Ih Êli, bơngai mă pơtruh nơ̆r 'Bok Kei-Dei sơ̆. Đei bơngai mơ'nah dơ̆ng khan Ih 'bok Jêrêmi mă kư̆m pơtruh nơ̆r 'Bok Kei-Dei sơ̆, mơ'nah khan Ih bơngai nai mă pơtruh nơ̆r 'Bok Kei-Dei sơ̆.”

Mathiơ 17:11

Na Yêsu khan: “Trŏ boih Êli jur hơdrol kơ Krist yua kơ sư bơngai hơmet ming tôm tơdrong hơdrol.

Markôs 9:11

Na lu sư jet Yêsu: “Lơliơ lu thây bơtho tơdrong juăt đe Juđê khan Êli gô jur tơ teh hơdrol kơ 'Bok Krist?”

Yo 1:21

Lu sư jet dơ̆ng: “Lei hăm trŏ kơ ih Êli bơngai mă pơtruh nơ̆r 'Bok Kei-Dei sơ̆?” Yôhan khan: “Ưh ôh.” “Lei hăm trŏ kơ ih bơngai pơtruh nơ̆r 'Bok Kei-Dei mă nhôn chang gô đơ̆ng sơ̆?” Yôhan khan: “Ưh mơ̆n.”

Yo 1:25

Lu sư jet dơ̆ng Yôhan thoi âu: “Ih ưh kơ sĭ 'Bok Krist, ưh kơ sĭ Êli păng ih kư̆m khan ưh kơ sĭ 'bok pơtruh nơ̆r 'Bok Kei-Dei noh, lei ih bu? Liơ ih gơh pơm kơ đe 'batem?”