Mathiơ 17:1 - Sơ̆p Hlabơar Nơ̆r 'Bok Kei-Dei

¹ Tơdrâu năr đơ̆ng rŏng kơ năr noh, Yêsu anhăk pêng 'nu bơngai pơhrăm păng Sư, anăn lu sư Pêtrôs, Yakơ, Yôhan oh Yakơ, lu sư tŏk tơ kông kơjung kơdrô̆ lu sư.

Mathiơ 17:1 Kruisverwysings

Mathiơ 17:2

Na Yêsu tơwir akâu Sư kơdih 'bơ̆t anăp lu đe pêng 'nu noh, muh măt Sư, ao Sư, rang hơdah dang măt 'năr.

Mathiơ 26:37

Yêsu anhăk ba lăp pêng 'nu đĕch truh tơ anih Sư krao khan. Pêtrôs păng 'bar 'nu bre 'nhŏng oh kon Sêbêđê. Yêsu sơ'ngon dêh yua kơ Sư băt kơdih wă đei tơdrong gleh truh.

Markôs 13:3

Đơ̆ng rŏng kơ noh Yêsu năm ngôi tơ kông Ôliwơ pah to thong đơ̆ng hnam akŭm tơm ei. Na Pêtrôs, Yakơ, Yôhan, Andrê, lu sư jet Yêsu kơdrô̆ lu sư khan:

Markôs 5:37

Yêsu ưh kơ ăn đe kiơ̆ Sư, Sư ăn lu bơngai âu đĕch kiơ̆ Sư: Pêtrôs, Yakơ păng Yôhan mă oh Yakơ.

Luka 8:51

Lăp lu sư truh tơ hnam Jairut boih, na Yêsu ăn lăp Pêtrôs, Yôhan, Yakơ păng mĕ 'bă adruh ei đĕch mơ̆t tơ hnam noh.

II Kor 13:1

Wă pêng 'măng kơ âu boih inh năm tơ iĕm, mă-lei ưh kơ sĭ năm chă jâu đe kư̆ kă ôh; tơ̆ng 'bar pêng 'nu 'bôh sư pơm yoch tơpă, na gơh pơma kơ sư.

II Pet 1:16

Nhôn roi kơ iĕm tơdrong Kră Yang Yêsu Krist Sư mơsêh mơyang đơ̆ng sơ̆ 'mơ̆i păng tơdrong Sư wă jur tơ teh ning-mônh; ưh kơ sĭ nhôn chă pơjing kơdih thoi lu bơngai 'bơ̆r đon hơgei chă pơjing, ưh ôh. Nhôn 'bôh Sư mơsêh mơyang, Sư 'lơ̆ng rŏ tơpă, na nhôn gơh roi kơ lu iĕm thoi noh.