Mathiơ 16:1 - Sơ̆p Hlabơar Nơ̆r 'Bok Kei-Dei

¹ Khŭl Pharisi păng khŭl Sađusê năm apinh Yêsu pơm tơdrong mơsêh đơ̆ng plĕnh ti. Lu sư khan wă kơ băt Yêsu đơ̆ng 'Bok Kei-Dei tơpă dah ưh. Mă tơpă sư wă pơlong Yêsu hăm gơh pơm dah ưh.

Mathiơ 16:1 Kruisverwysings

Tơdrông Pơđơk 26:5

'Nĕ tơl tơwih kơ bơngai kơwao thoi tơdrong kơtul sư. Kơnh sư khan sư bơngai hơgei đei đon hlôh wao.

Mathiơ 12:14

Lu khŭl Pharisi noh lĕch đơ̆ng hnam akŭm noh năm pơđâu chă tơdrong wă kơ gơh rôp pơlôch Yêsu.

Mathiơ 15:1

Đơ̆ng noh na lu bơngai Pharisi păng lu thây bơtho tơdrong juăt Juđê đơ̆ng Pơlei Jêrusalem năm tơ Yêsu. Lu sư jet Yêsu khan:

Mathiơ 16:6

Yêsu khan kơ lu sư: “Iĕm athei kơchăng weh ataih kơ 'buih pông đe Pharisi păng đe Sađusê.”

Mathiơ 19:3

Đei bơngai Pharisi năm jet pơlong Sư, wă kơ Sư pơma ưh kơ trŏ tơdrong juăt. Lu sư jet thoi âu: “Kiơ̆ tơdrong juăt bơ̆n, bơ̆n achăng akăn tơdrong kiơ kư̆m bưh dah thoi yơ?”

Mathiơ 22:15

Yêsu pơma tơdrong 'noh hei đang boih, na lu bơngai Pharisi pơđâu băl, lu sư wă jet pơlong Yêsu pơma hăm trŏ kơ tơdrong juăt dah ưh. Dah ưh kơ trŏ, lu sư wă kêng.

Mathiơ 22:18

Yêsu băt kơ lu đe âu wă plơ̆ plĕch kơ Sư, na Sư khan thoi âu: “Ơ lu bơngai 'bơ̆r đak klak ŭnh, yua kơ kiơ iĕm wă jet pơlong Inh?

Mathiơ 22:23

Lu bơngai Juđê mơ'nah lui kơ 'Bok Kei-Dei kiơ̆ tơdrong Sađusê. Lu sư khan kon bơngai lôch ưh kơ iung arih dơ̆ng ôh. Lăm năr noh mơ̆n lu sư năm pơjah pơjăng păng Yêsu na lu sư jet Yêsu thoi âu:

Mathiơ 23:2

“Lu thây bơtho tơdrong juăt đe Juđê păng lu khŭl Pharisi lu sư bơtho bơ̆n tơdrong juăt Môis pơkă.

Mathiơ 27:62

Năr Yêsu lôch noh, năr đe hơmet tôm tơdrong tơmam wă yua lăm năr pơdơh Sa'bat. Na truh dơning, wă khan năr pơdơh Sa'bat, na lu 'bok soi tih hăm lu bơngai Pharisi năm akŭm păng Pilat.

Mathiơ 5:20

Lu thây bơtho tơdrong juăt đe Juđê păng lu bơngai Juđê mă lui kơ 'Bok Kei-Dei kiơ̆ kơ tơdrong Pharisi, lu sư ưh kơ kiơ̆ tơdrong juăt tơpă ôh. Na Inh khan kơ iĕm tơpă, dah iĕm ưh kơ adrin kiơ̆ tơdrong juăt hloh kơ lu đe noh, lei iĕm ưh kơ gơh mơ̆t tơ dêh char 'Bok Kei-Dei ôh.

Mathiơ 9:11

Lu bơngai Pharisi 'bôh thoi noh na jet lu bơngai pơhrăm păng Sư thoi âu: “Yua kơ kiơ Yêsu sŏng sa hơdai păng lu bơngai iŏk jên thuê̆ hăm lu bơngai pơm yoch?”

Markôs 10:2

Đei bơngai Pharisi năm jet pơlong Sư wă kơ Sư pơma ưh kơ trŏ tơdrong juăt. Lu sư jet thoi âu: “Kiơ̆ tơdrong juăt bơ̆n hăm gơh achăng akăn?”

Markôs 12:15

Bơ̆n wă chu ăn dah ưh? Lu sư pơma thoi noh, Yêsu băt kơ lu sư wă plơ̆ plĕch kơ Sư na Sư khan kơ lu sư: “Yua kơ kiơ iĕm wă jet pơlong lăng Inh? Iĕm ăn kơ Inh minh hlak jên iĕm tơ âu wă kơ Inh lăng.”

Markôs 12:18

Lu bơngai Juđê mơ'nah lui kơ 'Bok Kei-Dei kiơ̆ kơ tơdrong Sađusê. Lu sư khan kon bơngai lôch ưh kơ iung arih dơ̆ng ôh. Lu sư mơ'nah năm pơjah pơjăng păng Yêsu na lu sư jet Yêsu thoi âu:

Luka 10:25

Đei minh 'nu 'bok thây bơtho tơdrong juăt đe Juđê iung jet pơlong lăng Yêsu thoi âu: “Ơ 'Bok Thây, inh pơm thoi yơ wă kơ arih ling-lang?”

Luka 11:16

Đei lu mơ'nah dơ̆ng wă pơlong lăng Sư, athei Sư pơm tơdrong mơsêh mơyang đơ̆ng 'Bok Kei-Dei, mă-lei Yêsu ưh kơ wă pơm ôh.

Luka 20:23

Na Yêsu băt kơ lu đe noh wă plĕch-ploch kơ Sư na Sư khan kơ lu đe noh thoi âu:

Luka 20:27

Lu bơngai Juđê mơ'nah lui kơ 'Bok Kei-Dei kiơ̆ kơ tơdrong Sađusê. Lu sư khan kon bơngai lôch ưh kơ iung arih dơ̆ng ôh. Lu sư mơ'nah năm pơjah pơjăng păng Yêsu na lu sư jet Yêsu thoi âu:

Yo 8:6

Lu sư jet thoi noh, lu sư wă pơlong lăng Yêsu, wă kơ Sư pơma ưh kơ trŏ tơdrong juăt đe Juđê, na lu sư wă jâu Yêsu 'bơ̆t anăp đe kră sek tơlang. Mă-lei Yêsu kŭp kơ̆l, ti Sư chih ngôi tơ teh.

Jang 4:1

Kơplah bre Pêtrôs păng Yôhan oei pơma kơ lu đe ei, na blư kơ lu 'bok soi truh tơ ei. 'Bok yŏng lu linh wei-lăng hnam akŭm 'Bok Kei-Dei tơm păng lu bơngai Sađusê kư̆m kiơ̆ sư mơ̆n.

Jang 5:17

Thoi noh na 'bok soi tơm păng lu bôl sư khŭl đe Sađusê areh klai khŭl bơngai jơ̆ng 'bang Yêsu, tah lu sư tơ hnam phak.

I Kor 1:22

Khŭl bơngai Juđê, lu sư wă kơ 'bôh tơdrong mơsêh 'mơ̆i na lui; gah khŭl bơngai Grĕk, lu sư lui kiơ̆ kơ đe bơtho hơgei đĕch.