Mathiơ 15:22 - Sơ̆p Hlabơar Nơ̆r 'Bok Kei-Dei

²² Đei minh 'nu drŏ-kăn bơngai Kanaan đơ̆ng tơring kiơ̆ ei năm tơ Yêsu apinh thoi âu: “Ơ 'Bok, Ih kon sâu Đawit mă 'Bok Kei-Dei wơh wă pơm pơtao kon bơngai. Dang ei inh apinh Ih mơnat kơ inh năm pơklaih kon adruh inh yang kơnê̆ mơ̆t, sư pơmat măng năr.”

Mathiơ 15:22 Kruisverwysings

Horiso 4:1

Ơ Kră Yang 'Bok Kei-Dei inh, mă 'lơ̆ng tơpăt, Tơl tơwih nơ̆r inh, dah inh krao khan. Ih pơklaih inh boih, lăm năr inh oei pơmat, Apinh Ih mơnat kơ inh, păng tơl nơ̆r inh krao khan.

Horiso 45:12

Kon adruhh Tir gô năm ba ăn tơmam, Păng lu bơngai mơdrŏng hloh lăm kon pơlei gô năm apinh tơdrong mơnat ih.

Horiso 6:2

Ơ Kră Yang, apinh Ih mơnat kơ inh, yua kơ inh rơdu tơrăn; Ơ Kră Yang, pơklaih inh, yua kơ kơting inh tơtơ̆.

Êsêkiên 3:6

Ưh kơ sĭ Inh wơh ih năm tơ lu kon pơlei tơmoi wă pơma nơ̆r anat kơ hlôh, nơ̆r pơma lu sư noh ih ưh kơ hlôh ôh, tơpă tơdah Inh wơh ih truh tơ lu sư, lu sư gô mơ̆ng ih.

Mathiơ 1:1

Yêsu Krist kon sâu pơtao Đawit, mă 'bok kơdră lu sư Abraham. Na tơ ala âu jô̆ tôm lu anăn 'bok kơdră Yêsu Krist sơ̆:

Mathiơ 15:23

Mă-lei Yêsu ưh kơ tơl sư. Na lu bơngai pơhrăm păng Sư khan kơ Sư thoi âu: “Apinh Ih jah tơgŭm sư, na sư jah brŏk, sư kiơ̆ bơ̆n nŏng kơ pơma 'bơ̆r re.”

Mathiơ 17:15

“Ơ 'Bok, apinh Ih mơnat 'biơ̆ kơ kon inh sư bơngai hơwing, yang kơnê̆ nŏng kơ glơ̆m sư, phŏ pơ̆k tơ ŭnh phŏ pơ̆k tơ đak pơmat-tat măng năr.

Mathiơ 4:24

Jơ̆p kơ dêh Siri kơtơ̆ng ang Sư, na đe năm ba tơ Sư dôm lu bơngai jĭ jăn, bơngai hơwing, bơngai wơnh, bơngai jơ̆ng ti jo, Sư pơklaih ăn ngăl.

Mathiơ 9:27

Yêsu lĕch đơ̆ng noh, kơplah oei rok trong đei 'bar 'nu bơngai măt tol năm kiơ̆ Sư. Na bre sư pơma 'bơ̆r re khan: “Ơ 'Bok Krist Kon Sâu pơtao Đawit, apinh Ih mơnat kơ nhi 'biơ̆ bĕ.”

Luka 17:13

na lu sư krao 'bơ̆r re thoi âu: “Ơ 'Bok Thây ơi, Ih mơnat kơ nhôn 'biơ̆ bĕ.”

Luka 18:13

“Mă-lei bơngai mă chă iŏk jên thuê̆ noh oei ataih đơ̆ng bơngai Pharisi ei. Sư ưh kơ pơ̆n ngơk muh măt sư tơ plĕnh, mă-lei sư tŭr kơdih kơtơh păng khan: ‘Ơ 'Bok Kei-Dei, apinh Ih mơnat kơ inh 'biơ̆ yua kơ inh bơngai yoch.’ ”

Luka 6:18

Lu bơngai pơmat-tat yua kơ yang kơnê̆ mơ̆t, Yêsu kư̆m pơklaih ăn mơ̆n.