Mathiơ 13:57 - Sơ̆p Hlabơar Nơ̆r 'Bok Kei-Dei

⁵⁷ Lu đe noh 'nhĕng Sư hơgei na jing kuă lui kơ Sư. Yêsu khan kơ lu sư: “Lu bơngai pơtruh nơ̆r 'Bok Kei-Dei sơ̆, mưh tơ pơlei đe, lơ bơngai lăp đon 'maih mơ̆ng dêh dôm nơ̆r lu sư bơtho. Mă-lei lu bơngai oei pôm pơlei hăm lu sư, hnam dơnŏ lu sư, ưh kơ 'maih wă mơ̆ng tơdrong bơtho ôh. Na truh tơ Inh dang ei kư̆m lei-lăi.”

Mathiơ 13:57 Kruisverwysings

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Êsai 8:14

Sư gô jing anih kơ'nơp kơjăp Mă Sư kư̆m thoi tơmo pơm kơ đe kơtơih pơ̆k păng tơmo tih pơm kơ Isơrael păng Juđa huŏng păng thoi hơđong hơnhuăl đăk kơ kon pơlei oei lăm pơlei Jêrusalem mơ̆n.

Mathiơ 11:6

Lu bơngai mă lui kơ Inh khŏm khŏm ưh kơ achăng lê̆ Inh, lu sư hiôk dêh.”

Mathiơ 13:58

Yêsu ưh kơ wă pơm tơ'bôh tơdrong mơsêh tơ pơlei Sư lơ ôh, yua kơ pơlei pơla Sư kuă lui kơ Sư.

Markôs 6:1

Yêsu đơ̆ng noh brŏk tơ pơlei Sư kơdih, lu bơngai pơhrăm păng Sư kiơ̆ Sư mơ̆n.

Markôs 6:14

Pơtao Hêrôt kơtơ̆ng ang tơdrong Yêsu, yua kơ đe ư-ang anăn Yêsu. Na lu mơ'nah khan Yôhan bơngai mă pơm 'batem kơ đe, sư lôch boih na dang ei sư iung arih dơ̆ng. Thoi noh na sư gơh pơm tôm tơdrong mơsêh âu.

Markôs 6:3

Bơngai âu Sư jang ot 'long đĕch lah. Sư kon Mari, 'nhŏng đe Yakơ, Jôsê, Jut, Simôn. Lu oh Sư drŏ-kăn oei tơ âu mơ̆n. Na lơliơ Sư gơh pơm dôm tơdrong noh?” Lu đe ei klai kơ Sư hơgei na jing kuă lui kơ Sư.

Markôs 6:4

Yêsu khan kơ lu đe ei: “Lu bơngai pơtruh nơ̆r 'Bok Kei-Dei sơ̆, mưh tơ pơlei đe, đei lơ bơngai lăp đon 'maih mơ̆ng dôm nơ̆r sư bơtho dêh. Mă-lei lu bơngai oei pôm pơlei hăm lu sư, kơtum lu sư, hnam dơnŏ lu sư, ưh kơ 'maih wă mơ̆ng tơdrong sư bơtho ôh. Na truh tơ Inh dang ei kư̆m lei-lăi.”

Luka 4:24

Na Yêsu khan dơ̆ng kơ lu sư thoi âu: “Inh khan kơ iĕm tơpă, lu bơngai pôm pơlei hăm bơngai pơtruh nơ̆r 'Bok Kei-Dei, lu sư ưh kơ wă sơng iŏk sư ôh.

Luka 7:23

Lu bơngai mă lui kơ Inh khŏm khŏm ưh kơ achăng lê̆ Inh, lu sư hiôk dêh.”

Yo 4:44

Yêsu khan thoi âu: “Lu bơngai pơtruh nơ̆r 'Bok Kei-Dei thoi Inh âu, lu bơngai pôm tơring păng sư ưh kơ wă chu yom kơ sư, lu bơngai tơring nai dơ̆ng chu yom kơ sư. Na Inh kư̆m thoi noh mơ̆n.”

Yo 6:42

Lu sư khan: “Bơngai âu ưh kơ trŏ Yêsu ôh hă, mă kon Yôsep? Bơ̆n băt kơ mĕ 'bă Sư. Mă-lei liơ Sư khan: ‘Inh jur đơ̆ng plĕnh?’ ”

Yo 6:61

Mă-lei Yêsu băt kơdih lu bơngai ei pơma mơmơnh kơ tơdrong Sư bơtho hei. Na Yêsu khan kơ lu sư: “Inh bơtho thoi noh hei trŏ tơpă, mă-lei iĕm ơh hă?