Mathiơ 11:23 - Sơ̆p Hlabơar Nơ̆r 'Bok Kei-Dei

²³ Bĭ iĕm, ơ Pơlei Kapernum, iĕm tơchĕng iĕm tih dang yơ, iĕm tih atŏ truh tơ plĕnh ti hă? Mă-lei 'Bok Kei-Dei wă tơhuŏng iĕm truh tơ dơnâu ŭnh sŭng. Dah Inh pơm lơ tơdrong mơsêh mơyang tơ Pơlei Sôđôm sơ̆ dang Inh pơm tơ pơlei iĕm dang ei, lei Pơlei Sôđôm tơbral kơdih tơdrong yoch 'bônh đĕch. Lei 'Bok Kei-Dei huay kơ soh pơlei sư ôh sơ̆, pơlei sư oei truh dang ei đĕch.

Mathiơ 11:23 Kruisverwysings

Bl 13:13

Kon pơlei Sôđôm kơnê̆ păng lu mơ'nah pơm yoch tih dêh hăm Kră Yang.

Nhom 2:1

Yua kơ kiơ Ih hil thoi hơmơ̆l gom kon adruh Siôn? Sư klơ̆m hŭt lê̆ tơdrong ư-ang Isơrael đơ̆ng plĕnh tơ teh. Lăm năr Sư hil, Sư ưh pă đei 'blŏk boih 'long đêl Sư hơgơn jơ̆ng.

Êsêkiên 26:20

Kơplah noh Inh gô tơjur ih tơ lăm sơlŭng jrŭ hơdai hăm kon pơlei oei chăl sơ̆. Inh gô ăn kơ ih oei tơ anih jrŭ lăm teh sŭng hơdai hăm lu bơngai răm rai chăl sơ̆. Thoi noh, na kon pơlei ưh pă đei oei lăm ih dơ̆ng; ih kư̆m ưh kơ đei oei lăm teh lu bơngai arih mơ̆n.

Êsêkiên 31:14

Thoi ei na ưh kơ đei 'long ayơ jê̆ đak mă đei chăt kơjung, dah kơnhŏng sư kơjung truh tơ hơmơ̆l păng kư̆m ưh pă đei 'long ayơ mă đei đak ruh hơiuh lơ̆m chăt tih kơjung tih hloh thoi noh yua kơ lu sư đĭ-đăng pơjao kơ tơdrong lôch, jrŭ tơ hơla teh, hơdai hăm lu bơngai yoch mă lôch jur tơ lăm sơlŭng jrŭ.

Êsêkiên 32:18

“Ơ, kon bơngai nhơ̆m hmoi bĕ, kơ lu kon pơlei lơlap lăm char Êyiptơ, puh tơlơ̆ bĕ sư hăm đĭ-đăng lu kon drŏ-kăn adrĕch adrung pơang huŏng tơ ala teh sŭng, hơdai hăm lu bơngai jur tơ hơlŭng jrŭ!

Êsêkiên 32:24

Elam hăm đĭ-đăng lu sư oei tơ noh, bơsat lu sư tăp dăr; đĭ-đăng lu sư pơ̆k lôch đe pơlôch hăm đao. Lu sư bơngai ưh kơ chu kăt tơdra akar jur lăm bơsat; lu sư bơngai mă hlôi pơm kơ lu char bơngai arih hli tơrơ. Lu sư pŭ iŏk mơlâu hơdai hăm lu bơngai jur lăm sơlŭng jrŭ.

Ob 1:4

Mă iĕm păr kơjung thoi sem klang, mă ih pơm tơpu lăm lu sơnglŏng, Inh gô tơlơ̆ ih huŏng đơ̆ng noh tơ teh Kră Yang khan thoi noh!

Mathiơ 10:15

Inh khan kơ iĕm tơpă, truh năr 'Bok Kei-Dei wă sek tơlang ning-mônh Sư gô phak kon pơlei Sôđôm păng kon pơlei Gômôrơ hơiơch 'biơ̆ kơ pơlei mă ưh kơ sơng iŏk iĕm, mă khan 'bar tŏ pơlei noh pơm kơnê̆ dêh ră sơ̆.

Mathiơ 16:18

Ơ Pêtrôs, Inh wă khan kơ ih, ih thoi lĕ kơ tơmo kŭk; kơpal tơmo kŭk noh boih Inh wă pơm hnam Inh, hnam noh wă khan lu bơngai lui kơ Inh. Na dôm lu yang kơnê̆ ưh kơ kĕ blah lu bơngai lui noh ôh.

Mathiơ 17:24

Lăp lu sư truh tơ Pơlei Kapernum, lu bơngai ra iŏk jên thuê̆ jet Pêtrôs khan: “Thoi yơ, 'bok thây ih hăm wă ăn thuê̆?”

Mathiơ 4:13

Yêsu ưh pă oei tơ pơlei Sư Nasaret boih, na Sư năm oei tơ Pơlei Kapernum. Pơlei ei kiơ̆ jih đak dơsĭ Galilê lăm tơring Sabalôn păng tơring Naptali.

Mathiơ 8:5

Yêsu năm tơ Pơlei Kapernum. Tơ ei đei minh 'nu 'bok tih linh sư bơngai Rôm, chă Yêsu. Lăp 'bôh boih na sư apinh thoi âu:

Luka 10:15

Bĭ iĕm ơ Pơlei Kapernum, iĕm tơchĕng iĕm tih dang yơ, iĕm tih atŏ truh tơ plĕnh ti hă? Mă-lei 'Bok Kei-Dei wă tơhuŏng lê̆ iĕm truh tơ dơnâu ŭnh sŭng.”

Luka 14:11

Yua kơ bơngai bu pơang akâu kơdih, sư gô mơlâu. Bơngai bu ưh kơ hơnhŏ, sư 'noh boih đe gô pôk pơư kơ sư.”

Luka 16:23

Sư oei lăm dơnâu ŭnh tŏ hang tơpă. Na sư ngoi 'bôh Abraham tơ plĕnh ti păng kư̆m 'bôh Lasarơ oei jê̆ Abraham mơ̆n.

Luka 4:23

Na Yêsu khan kơ lu sư: “Iĕm wă jô̆ kơ Inh tơdrong đe juăt kơ pơma thoi âu: ‘Ơ 'bok thây pơgang, pơklaih tơdrong jĭ ih kơdih 'mơ̆i, yua kơ pơlei âu pơlei Ih kơdih na Ih athei pơklaih đe tơ âu kư̆m thoi nhôn kơtơ̆ng ang Ih pơklaih đe tơ Pơlei Kapernum ki.’ ”

Jang 2:27

kơlih kơ Ih ưh kơ đei achăng tŭk Inh lăm anih bơngai lôch ôh, Ih kư̆m ưh kơ ăn Kon 'Lơ̆ng Ih lôch ôm ôh.

Jang 2:31

Đawit băt kơ 'Bok Krist mă 'Bok Kei-Dei ăn wă pơgơ̆r bơ̆n, Sư gô iung arih dơ̆ng na Đawit khan thoi âu: 'Bok Kei-Dei ưh kơ đei achăng tŭk Sư lăm anih bơngai lôch, akâu Sư ưh kơ jing ôm ôh.

Ju 1:7

Kư̆m thoi noh mơ̆n lu kon Pơlei Sôđôm hăm Pơlei Gômôrơ hăm đĭ tơring lu sư kiơ̆ ei sơ̆, lu sư pơm kơnê̆ kư̆ kă. Lu bơngai drŏ-nglo pơm kư̆ kă tơduă lu sư drŏ-nglo. Na 'Bok Kei-Dei soh rông chhông hnam lu sư păng phak pơmat lu sư hăm ŭnh ling-lang măng năr pă pơdơh. 'Bok Kei-Dei tơ'bôh kơ bơ̆n tơdrong thoi noh, Sư wă kơ bơ̆n hli kuă kơ pơm thoi lu bơngai 'noh.

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.

Tơdrông Tơ'bôh 11:8

Bre sư pơ̆k lôch 'bơ̆t tŏk-bŏk trong pơlei tih, mă đe anăn ngôi Pơlei Sôđôm hăm dêh Êyiptơ, pơlei mă đe pơ̆ng pơlôch Yŏng bre sư tơ 'long pơglang sơ̆.

Tơdrông Tơ'bôh 20:13

'Bơ̆t ei gô 'bôh tôm bơngai lôch. Lu bơngai lôch glơ̆k kơ đak dơsĭ, đak dơsĭ tơlĕch sư. Yŏng pơgơ̆r tơdrong lôch achăng đĭ lu bơngai lôch đơ̆ng dêh atâu. Na 'Bok Kei-Dei sek tơlang lu sư kiơ̆ kơ tơdrong lu sư đêl pơm tơ ala teh.

Tơdrông Tơ'bôh 6:8

Na inh 'bôh minh pôm aseh hiang hơlơp ưh kơ đei jơhngơ̆m. Bơngai mă hao aseh ei đe anăn sư yŏng pơgơ̆r gah tơdrong lôch. Đei minh 'nu nai kiơ̆ đơ̆ng rŏng sư, sư bơngai pơgơ̆r dêh atâu. Bre sư, 'Bok Kei-Dei ăn pơgơ̆r pơm yŏng đe năm tơblah chĕp khêl đao chă pơlôch đe păng pơm kơ kon bơngai lôch kơ pơngot rơwĕt, lôch kơ jĭ jăn păn hnong, lôch kơ sem bri pơlôch. 'Bok Kei-Dei ăn kơ bre sư gơh pơm tơdrong noh truh kơ minh pah lăm puăn pah teh đak.