Mathiơ 11:11 - Sơ̆p Hlabơar Nơ̆r 'Bok Kei-Dei

¹¹ Inh khan kơ iĕm tơpă, Yôhan sư tih hloh kơ đĭ-đăng bơngai mơ̆n, mă-lei bơngai bu iĕ hloh kơ đe lăm chăl 'nao mă 'Bok Kei-Dei pơgơ̆r dang ei, sư kư̆m hlôh wao tơdrong 'Bok Kei-Dei nhên hloh kơ Yôhan dơ̆ng.

Mathiơ 11:11 Kruisverwysings

Jop 14:1

Kon bơngai đơ̆ng bơngai drŏ-kăn rơneh, arih 'nao tŏ sĕt năr đĕch ră, mă-lei 'bĕnh kơ tơdrong pơmat-tat.

Jop 14:4

Bu gơh pơm đơ̆ng bơngai pơm kơnê̆ 'mê̆-'mach mă jing 'lơ̆ng rơgoh? Ưh kơ đei bu!

Jop 15:14

Kon bơngai kiơ, mă gơh 'lơ̆ng rơgoh? Kon bơngai đơ̆ng drŏ-kăn rơneh liơ gơh 'lơ̆ng tơpăt?

Jop 25:4

Liơ mă kon bơngai gơh jô̆ 'lơ̆ng tơpăt 'bơ̆t anăp Kră Yang 'Bok Kei-Dei? Bơngai đơ̆ng drŏ-kăn tơpŭ ngăl, liơ mă gơh 'lơ̆ng rơgoh?

Horiso 51:5

Tơpă, tơpŭ kơ inh lăm tơdrong kơnê̆, mĕ inh anăp kơ inh lăm tơdrong yoch.

Êsai 30:26

Măt khei gô hơdah rang nhen hơdah măt 'năr păng tơdrong hơdah măt 'năr gô hơdah hloh tơpơh wơ̆t, thoi tơdrong hơdah kơ tơpơh năr, lăm năr Kră Yang ming rơka jĭ kon pơlei Sư păng ming hơmet pơklaih đêl rơka Sư teh.

Sa 12:8

Lăm năr noh, Kră Yang boih Tơ'ngla dŏng tơgŭm kon pơlei oei lăm Jêrusalem păng lăm năr noh lu bơngai mă tơrăn hloh gô pran thoi Đawit, hnam Đawit gô nhen thoi Kră Yang 'Bok Kei-Dei, gô thoi linh jang 'lơ̆ng Kră Yang oei 'bơ̆t anăp lu sư.

Mathiơ 11:10

Yua kơ Yôhan boih na đe mah chih lăm sơ̆p hla bơar 'Bok Kei-Dei sơ̆ thoi âu: 'Bok Kei-Dei khan: ‘Âu Inh wơh minh 'nu bơngai pơtruh nơ̆r Inh hơdrol, wă kơ sư hơmet trong kơ Ih.’

Mathiơ 11:12

Đơ̆ng Yôhan bơtho sơ̆ truh dang ei đei lơ bơngai adrin tơpă wă kơ 'Bok Kei-Dei pơgơ̆r lu sư.

Mathiơ 3:1

Kơplah ei sơ̆ đei Yôhan bơngai mă pơm kơ đe 'batem, sư năm bơtho đe tơ char glă lăm dêh Juđê.

Mathiơ 3:11

Inh pơm kơ iĕm 'batem păng đak, wă kơ đe băt kơ iĕm tơbral kơdih tơdrong yoch boih. Mă-lei đei minh 'nu 'Bok wă truh đơ̆ng rŏng kơ inh, Sư 'Bok tih tơpă. Dah Sư athei inh chĕp ăn pôm chơkhŏ Sư đĕch, inh kư̆m ưh kơ hơnhŏ 'mơ̆i, ưh kơ pơ̆n ngơk lăng Sư ôh. Sư ei gô pơm kơ iĕm 'batem thoi âu: Sư gô ăn kơ iĕm Yang Bơhngol 'Lơ̆ng pơm kơ iĕm tŭk lê̆ dôm tơdrong kơnê̆ kư̆m thoi ŭnh soh lê̆ hla đuih đăm.

Mathiơ 5:19

Thoi noh na dah bu tŭk minh apăk dah minh nơ̆r tơdrong juăt iĕ ioch păng sư bơtho đe wă kơ đe tŭk mơ̆n, bơngai 'noh 'Bok Kei-Dei jô̆ sư bơngai iĕ hloh kơ đĭ-đăng lăm lu bơngai lui. Mă-lei dah bu kiơ̆ trŏ kơ tơdrong juăt păng sư bơtho đe wă kơ đe pơm kiơ̆ mă trŏ mơ̆n, bơngai 'noh gơh pơm tih lăm lu bơngai lui.

Luka 1:15

Yua kơ ning-mônh sư gô pơm tih 'bơ̆t anăp 'Bok Kei-Dei. Sư ưh kơ gơh et sik dah dôm tơmam kiơ pơm ăn suai. Sư 'bĕnh blai Yang Bơhngol 'Lơ̆ng mă đơ̆ng đe tơpŭ kơ sư truh tơ ning-mônh.

Luka 7:28

Inh khan kơ iĕm tơpă, Yôhan sư tih hloh kơ đĭ-đăng kon bơngai mơ̆n, mă-lei bơngai bu iĕ hloh kơ đe lăm chăl 'nao mă 'Bok Kei-Dei pơgơ̆r dang ei, sư kư̆m hlôh wao tơdrong 'Bok Kei-Dei nhên hloh kơ Yôhan dơ̆ng.”

Luka 9:48

na khan kơ lu đe ei: “Bơngai bu sơng iŏk bơngai 'lơ̆p âu, yua kơ bơngai 'lơ̆p âu lui kơ Inh, bơngai noh dang sơng iŏk Inh. Bơngai bu sơng iŏk Inh, bơngai noh dang sơng iŏk 'Bok Kei-Dei mă wơh Inh mơ̆n. Bơngai bu lăm lu iĕm pơm iĕ hloh, bơngai noh boih pơm tih.”

Yo 1:15

Hơtai ei sơ̆, Yôhan bơtho tơdrong Yêsu Krist 'bơ̆t anăp đe tơpôl lơ. Sư pơma re bơtho đe thoi âu: “Gah 'Bok âu boih inh bơtho iĕm sơ̆, 'Bok mă inh khan gô truh đơ̆ng rŏng inh, Sư tih hloh kơ inh tơpă. Inh tơpŭ sơ̆, Sư đei hơdrol loi kơ inh boih.”

Yo 1:27

Sư boih 'Bok mă truh đơ̆ng rŏng kơ inh, Sư 'Bok tih hloh kơ inh tơpă. Mă khan athei inh yaih ăn tơlei chơkhŏ Sư, inh kư̆m ưh kơ hơnhŏ 'mơ̆i, inh ưh kơ pơ̆n ngơk lăng Sư ôh.”

Yo 10:41

Đei lơ bơngai năm tơ Yêsu tơ ei. Lu sư khan: “Yôhan ưh kơ pơm tơdrong mơsêh mơyang ôh, mă-lei sư khan tôm tơdrong gah Yêsu trŏ tơpă.”

Yo 3:30

Sư rai đunh rai pơm tih; gah inh rai đunh rai sruh rai iĕ.

Yo 5:35

Yôhan thoi ŭnh kơđeng nhơk hơdah. Iĕm mơ̆ng sư bơtho hiôk chơt tơpă ră, mă-lei lăp minh yuh đĕch.

Yo 7:39

Sư khan thoi noh dang khan kơ lu bơngai lui kơ Sư gô đei Yang Bơhngol 'Lơ̆ng đơ̆ng 'Bok Kei-Dei ăn jur oei păng lu sư. Mă-lei kơplah noh 'Bok Kei-Dei tam mă ăn Yang Bơhngol 'Lơ̆ng ôh, kơlih Yêsu tam mă lôch iung arih tŏk tơ plĕnh.

I Kor 15:9

yua kơ inh bơngai jơ̆ng 'bang iĕ hloh kơ lu jơ̆ng 'bang nai. Inh ưh kơ hơnhŏ đe krao inh jơ̆ng 'bang Sư ôh, yua kơ inh đei pơrăm lu bơngai lui kơ 'Bok Kei-Dei.

I Kor 6:4

Tơdah tơduă bơngai lui đei tơdrong wă jâu băl, liơ iĕm chă kră bơngai mă ưh kơ lui sek ăn kơ iĕm, kuă kơ kiơ chă kră bơngai lui sek ăn? Kră bơngai ưh kơ lui, sư ưh kơ băt ôh kơ tơdrong bơngai lui.

Êphêsô 2:3

Mă đĭ kơ nhôn bơngai Juđê kư̆m pơm thoi noh mơ̆n sơ̆. Nhôn kư̆m hưch hanh kơ tơdrong âu tơdrong to, pơm kiơ̆ kơ nhôn wă kơdih kơnê̆ dêh, trŏ kơ 'Bok Kei-Dei hil thoi lu bơngai nai tơpă.

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

II Tim 1:10

Na dang ei Sư wơh Kon Sư Yêsu Krist dŏng pơklaih bơ̆n boih, na bơ̆n băt Sư 'mêm mơnat kơ bơ̆n tơpă. Yêsu Krist ăn kơ bơ̆n arih ling-lang. Bơ̆n huay kơ lôch răm ôh. 'Bok Kei-Dei tơbăt ăn kơ bơ̆n tơdrong arih ling-lang lăm tơdrong 'nao 'lơ̆ng Sư.

Hêbrơ 11:40

'Bok Kei-Dei wă kơ lu sư gô hơdai bơ̆n dang ei iŏk tơdrong hiôk 'lơ̆ng đêl Sư pơkă, wă khan tơdrong Yêsu Krist jur dŏng pơklaih bơ̆n.

I Pet 1:10

Lu bơngai pơtruh nơ̆r 'Bok Kei-Dei sơ̆, lu sư khan lê̆ kơ bơ̆n hơdrol gah tơdrong 'Bok Kei-Dei 'mêm mơnat wă tơgŭm bơ̆n dang ei. Kơplah noh sơ̆ lu sư ưh tam băt tôm tơdrong 'Bok Kei-Dei wă pơklaih bơ̆n ôh. Na lu sư adrin pơhrăm tơdrong noh.

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.