Mathiơ 10:6 - Sơ̆p Hlabơar Nơ̆r 'Bok Kei-Dei

⁶ Iĕm athei năm tơ tơring bơngai Isơrael bơ̆n, yua kơ lu sư dang triu jrok trong.

Mathiơ 10:6 Kruisverwysings

Horiso 119:176

Inh wơ̆l jrok thoi triu hiong; apinh chơchă inh đĭch đam Ih. Yua kơ inh ưh kơ hiơt nơ̆r Ih tơtă.

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Je 50:17

Isơrael boih khŭl triu jrok, Đei dăm-brang druh rôp. Adrol sơ̆ pơtao Asiri hek sa lu sư boih; Đơ̆ng rŏng Nebukatnessar, pơtao Babilôn, kăp rĕn kơting sư.”

Je 50:6

Kon pơlei Inh thoi khŭl triu lôch hiong boih; Lu bơngai wei triu ba lu sư wơ̆l jrok, Achăng lê̆ lu sư jrok kơpal kông, lu sư chă sa đơ̆ng kông păng tơ groi, Pă băt boih trong wih tơ hơdrong kơdih.

Êsêkiên 34:16

Inh gô chă lu triu tơklah, Inh gô anhăk ba lu triu jrok wih brŏk, Inh gô pơ̆n hơmet lu triu rơka păng tơgŭm triu ayơ đei jĭ jăn jing pran. Mă-lei lu triu bek, pran Inh gô pơlôch, yua kơ Inh gô wei rong lu triu inh hăm tơdrong 'lơ̆ng tơpăt.

Êsêkiên 34:4

Lu kon triu tơrăn, iĕm ưh kơ tơgŭm ăn kơ lu sư pran; lu triu jĭ, iĕm ưh kơ ming hơmet wă kơ klaih; lu triu rơka, iĕm ưh kơ đei hơmet lu triu mă jrok tơklah tơklang, lu iĕm ưh kơ chông brŏk lu kon triu mă jrok hiong lu iĕm ưh kơ năm chă. Lu iĕm wei rong sư hăm tơdrong pơgŏ pơđep.

Êsêkiên 34:6

Lu triu Inh tơklah jơ̆p kơ kông kŏ păng groi kơjung. Lu triu Inh tơklah tơklang jơ̆p-jang kơ lăm teh đak, ưh kơ đei bu 'moi ưh kơ đei bu chơchă.

Êsêkiên 34:8

Kră Yang khan: Thoi Inh mă arih, yua kơ ưh kơ đei bơngai wei, triu Inh jing tơmam tơgar iŏk, jing tơmam sa kơ lu sem bri brah; lu bơngai wei ưh kơ chơchă triu Inh, lu sư hăt wei kơdih akâu ưh kơ wei khŭl triu Inh.

Mathiơ 18:10

Inh khan kơ iĕm tơpă, iĕm 'nĕ chă pơjăm pơjuă lu bơngai hơ'lơ̆p yua kơ lu sư đei linh jang 'lơ̆ng wei-lăng. Linh jang 'lơ̆ng noh oei hơdai hăm 'Bok Kei-Dei 'Bă Inh ling-lang.

Mathiơ 18:11

Inh Kon Bơngai truh wă pơklaih kon bơngai hiong hiơt kơ 'Bok Kei-Dei.

Luka 24:47

Na đe gô bơtho đơ̆ng Pơlei Jêrusalem truh tơ jơ̆p kơ teh đak athei đĭ-đăng khŭl bơngai tơbral kơdih tơdrong yoch na 'Bok Kei-Dei gô pơklaih yoch lu sư, yua kơ Inh lôch tang lu sư.

Jang 13:46

Mă-lei bre Pôl păng 'Barna'ba pơma tơwih kơ lu sư kư̆m nuih tơpă mơ̆n. Bre sư khan thoi âu: “Nhi bơtho tơdrong 'Bok Kei-Dei kơ lu iĕm bơngai Juđê hơdrol 'mơ̆i ră mă trŏ. Mă-lei iĕm ưh kơ wă mơ̆ng tơdrong 'Bok Kei-Dei. Iĕm ưh kơ chu thoi noh iĕm ưh kơ đei arih păng Sư ling-lang ôh ning-mônh, lei nhi lê̆ kơ bơtho iĕm đĕch. Nhi bơtho pôm lu bơngai nai.

Jang 18:6

Na lu bơngai Juđê areh kơ Pôl păng che bơle kơ sư. Na Pôl sơpuih 'bruih tơ ao sư kơdih păng khan: “Dah 'Bok Kei-Dei phak iĕm ning-mônh măk ai iĕm boih hŏ, yua kơ iĕm ưh kơ lui kơ Yêsu. Đơ̆ng âu tơ anăp inh năm bơtho lu bơngai nai đĕch boih, inh pă wă boih bơtho khŭl Juđê bơ̆n pơlei âu.”

Jang 26:20

Thoi noh na inh bơtho đe tơ Pơlei Đamas hơdrol, klaih kơ noh inh năm bơtho tơ Pơlei Jêrusalem, hăm inh năm bơtho jơ̆p-jang dêh char Juđê păng lu dêh char tơmoi. Inh bơtho athei lu sư tơbral kơdih đơ̆ng tơdrong yoch hăm lui kơ 'Bok Kei-Dei, na pơm kiơ̆ tơdrong 'lơ̆ng wă kơ đe băt kơ lu sư tơbral kơdih tơpă.

Jang 3:26

'Bok Kei-Dei wơh Kon Sư năm tơ bơ̆n đe khŭl Isơrael hơdrol 'mơ̆i wă pơklaih đĭ-đăng kơ bơ̆n đơ̆ng tơdrong yoch ăn kơ bơ̆n hiôk ling-lang.”

I Pet 2:25

Sơ̆ bơ̆n thoi triu jrok trong hiong tơ bri brah, mă-lei dang ei bơ̆n băt kơ trong brŏk tơ Yêsu Krist tơ'ngla wei bơ̆n.