Mathiơ 10:5 - Sơ̆p Hlabơar Nơ̆r 'Bok Kei-Dei

⁵ Yêsu wơh mơjĭt-'bar 'nu bơngai pơhrăm păng Sư âu, Sư khan: “Iĕm 'nĕ kơ năm tơring đe mă ưh kơ khŭl Isơrael păng 'nĕ kơ năm tơring đe Samri.

Mathiơ 10:5 Kruisverwysings

Mathiơ 22:3

Na sư wơh lu bơngai jang kơ sư năm krao lu bơngai mă sư wơ̆n năm sŏng sa tơ hnam sư, mă-lei lu bơngai mă sư wơ̆n noh ưh kơ wă năm sŏng sa.

Mathiơ 4:15

“Tơring Sabalôn păng tơring Naptali, Mă oei jê̆ đak dơsĭ, pah to krong Jôrđăn lăm dêh Galilê tơmoi mă ưh kơ lui.

Markôs 6:7

Yêsu krao mơjĭt-'bar 'nu bơngai pơhrăm păng Sư năm tơ Sư; Sư athei năm chă bơtho đe 'bơ'bar 'nu. Sư ăn kơ lu sư gơh pơpuh tơlĕch yang kơnê̆ đơ̆ng akâu bơngai.

Luka 10:1

Đơ̆ng noh Kră Yang Yêsu rơih tơpơh-jĭt 'nu bơngai, na wơh lu sư chă năm bơtho rim pơlei 'bơ'bar 'nu hơdrol kơ Yêsu wă năm.

Luka 10:33

Tơpo hơtuch đei minh 'nu bơngai dêh đe Samri kư̆m năm truh tơ noh. Sư 'bôh bơngai noh na sư đei đon 'brơ̆k mơnat.

Luka 17:16

Sư kŭp kơ̆l bon 'bơ̆t jơ̆ng Yêsu păng khan: “Bơnê kơ Ih.” Bơngai noh đơ̆ng dêh char Samri, ưh kơ sĭ bơngai Juđê ôh.

Luka 9:1

Yêsu krao mơjĭt-'bar 'nu bơngai pơhrăm păng Sư, ăn kơ lu sư gơh pơpuh tơlĕch lu yang kơnê̆ đơ̆ng akâu bơngai păng ăn kơ lu sư gơh pơklaih tơdrong jĭ jăn.

Luka 9:2

Đơ̆ng noh na Yêsu wơh lu sư năm chă bơtho đe tơdrong 'Bok Kei-Dei wă pơgơ̆r kon bơngai păng pơklaih lu đe jĭ jăn.

Yo 17:18

Inh wơh lu sư năm jơ̆p-jang kơ teh đak âu, kư̆m thoi Ih wơh Inh jur tơ ala teh âu mơ̆n.

Yo 20:21

Thoi noh Yêsu khan kơ lu sư dơ̆ng: “Oei hiôk bĕ lu iĕm. Thoi lĕ kơ đêl 'Bă Inh wơh Inh, 'noh Inh kư̆m wơh iĕm mơ̆n.”

Yo 4:20

Lu yă 'bok nhôn sơ̆ khan trŏ kơ kơkuh kơ 'Bok Kei-Dei tơ kông âu. Mă gah iĕm khan athei đe năm kơkuh kơ 'Bok Kei-Dei tơ Pơlei Jêrusalem đĕch trŏ.”

Yo 4:5

Yêsu năm truh tơ Pơlei Sikar lăm dêh Samari. Pơlei ei jê̆ mir Jakôp mă ăn kơ kon sư Yôsep sơ̆.

Yo 4:9

Na duch Samari ei khan kơ Sư: “Liơ Ih bơngai Juđê apinh inh drŏ-kăn Samari athei inh asong Ih đak nhă? Sư pơma thoi noh yua kơ lu bơngai Juđê kơ̆m kơ pơma dơnuh hăm bơngai Samari.”

Yo 7:35

Lu bơngai Juđê pơma dih băl khan: “Bơngai âu Sư wă năm tơ yơ, Sư khan bơ̆n ưh kơ gơh 'bôh Sư dơ̆ng? Rŏ lăng Sư wă năm oei păng lu bơngai Juđê mă oei tơ dêh đe na bơtho lu bơngai dêh đe.

Yo 8:48

Lu bơngai Juđê khan kơ Sư: “Trŏ boih nhôn khan Ih bơngai Samari yang mơ̆t.”

Jang 1:8

Mă-lei lăp Yang Bơhngol 'Lơ̆ng jur oei păng iĕm, iĕm gô đei jơhngơ̆m pran năm bơtho tơdrong Inh tơ Pơlei Jêrusalem, jơ̆p kơ dêh char Juđê păng dêh Samari, đơ̆ng noh jơ̆p kơ teh đak.”

Jang 10:45

Lu bơngai lui đơ̆ng Pơlei Japa mă kiơ̆ Pêtrôs ei sư bơngai Juđê. Sư kơtơ̆ng lu kon pơlei ei pơma nơ̆r hlĭch ư-ang kơ 'Bok Kei-Dei, na sư băt 'Bok Kei-Dei ăn Yang Bơhngol 'Lơ̆ng kơ lu kon pơlei ei boih. Na sư sơleng kơ đon kơlih kơ sư lăng lu bơngai akŭm ei ưh kơ trŏ kơ khŭl bơngai Juđê thoi sư. Sư ngêh kơ 'Bok Kei-Dei wă ăn Yang Bơhngol 'Lơ̆ng kơ khŭl Juđê đĕch. Na Pêtrôs pơma kơ lu bôl sư thoi âu:

Jang 8:1

Đơ̆ng rŏng kơ đe pơlôch Êtien ei, lu bơngai ưh kơ lui pơm lơ tơdrong kơnê̆ kơ lu bơngai lui kiơ̆ kơ Yêsu tơ Pơlei Jêrusalem. Na đĭ-đăng lu bơngai lui ei jăk tơklah tơklang jơ̆p-jang kơ dêh Juđê păng dêh Samari. Pôm lu jơ̆ng 'bang Yêsu đĕch ưh kơ jăk.

I Tes 2:16

Lu bơngai Juđê găn nhôn bơtho tơdrong 'Bok Kei-Dei kơ bơngai ưh kơ khŭl lu sư. Mă-lei nhôn oei bơtho mơ̆n. Lu sư ưh kơ wă bơngai khŭl nai thoi iĕm klaih đơ̆ng tơdrong yoch. Lu sư pơm thoi noh lu sư yoch tơpă hloi. Lu sư ling-lang pơm yoch thoi noh. Ning-mônh 'Bok Kei-Dei gô phak lu sư tơpă.