Mathiơ 10:41 - Sơ̆p Hlabơar Nơ̆r 'Bok Kei-Dei

⁴¹ Bu sơng iŏk bơngai pơtruh nơ̆r 'Bok Kei-Dei, sư băt kơ bơngai noh pơtruh nơ̆r 'Bok Kei-Dei tơpă, bơngai 'noh gô đei tơdrong apah thoi 'Bok Kei-Dei apah bơngai mă pơtruh nơ̆r Sư noh. Bu sơng iŏk bơngai 'lơ̆ng tơpăt, sư băt kơ bơngai noh tơpăt tơpă, bơngai 'noh gô đei tơdrong apah thoi 'Bok Kei-Dei apah bơngai mă 'lơ̆ng tơpăt noh mơ̆n.

Mathiơ 10:41 Kruisverwysings

Bl 20:7

Dang ei pơdrâu bĕ drŏ-kăn noh kơ klo sư, yua kơ klo sư bơngai khan lê̆ adrol, sư gô krao khan kơ ih na ih gô arih. Dah ưh kơ pơdrâu, ih athei băt ih hăm lu bơngai oei hơdai ih sĭt gô lôch.”

Êsai 3:10

Khan bĕ kơ lu bơngai 'lơ̆ng tơpăt. Pŭn hiôk kơ lu sư; yua kơ lu sư gô đei sa plei đơ̆ng lu sư jang kơdih.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 25:44

Kơplah noh lu sư kư̆m pơma dŏng kơdih khan: ‘Ơ Kră Yang, layơ nhôn 'bôh Ih pơngot, layơ nhôn 'bôh Ih ol kơ đak, dah bơngai tơmoi, dah kơ'bah kơ hơbĕn ao, dah jĭ jăn păng Ih khan đe tah Ih tơ hnam phak mă nhôn ưh kơ năm ngôi păng tơgŭm?’

Mathiơ 25:45

Na Inh gô khan kơ lu sư: ‘Inh khan kơ iĕm tơpă, yua kơ sơ̆ iĕm ưh kơ tơgŭm mơnat kơ lu 'nhŏng oh Inh âu, lu sư bơngai iĕ hloh kơ iĕm, noh dang iĕm ưh kơ tơgŭm Inh mơ̆n.’

Mathiơ 6:1

“Iĕm athei kơchăng, 'nĕ pơang tơdrong 'lơ̆ng iĕm pơm kơ đe 'bôh; dah iĕm pơang tơ'bôh kơ đe tơdrong 'lơ̆ng iĕm pơm, lei 'Bă bơ̆n tơ plĕnh ti ưh kơ bơnê kơ iĕm ôh.

Mathiơ 6:18

wă kơ đe ưh kơ băt tơdrong iĕm ơ̆t kơ por. Thoi noh na 'Bă bơ̆n Yang mă iĕm ưh kơ gơh 'bôh, Sư 'bôh tơdrong hrĕp iĕm pơm noh na Sư mơnat, Sư asong tơdrong iĕm apinh Sư noh tơpă.

Mathiơ 6:4

Iĕm thĕng đĕch mă-lei 'Bă bơ̆n tơ plĕnh ti 'bôh boih tơdrong iĕm pơm 'noh, thoi noh na Sư gô bơnê kơ iĕm tơpă.

Mathiơ 6:6

Dah iĕm wă krao khan, iĕm athei tang 'măng kơdrô̆ tơ anih hrĕp. Iĕm krao khan thoi noh na iĕm tơchĕng truh tơ 'Bă bơ̆n Yang mă bơ̆n ưh kơ gơh 'bôh. Mă iĕm krao khan tơ anih hrĕp Sư kư̆m 'bôh mơ̆n, Sư ăn tơdrong iĕm apinh noh tơpă.

Mathiơ 7:8

Bơngai bu krao khan apinh 'Bok Kei-Dei kiơ kiơ, 'Bok Kei-Dei gô asong. Bơngai bu chă kiơ kiơ, 'Bok Kei-Dei gô tơ'bôh ăn. Bơngai bu dơdŭ 'măng 'Bok Kei-Dei, 'Bok Kei-Dei gô pơih ăn.

Jang 16:15

Na yă Liđa păng đĭ-đăng hnam dơnŏ sư iŏk 'batem. Sư khan kơ nhôn: “Yah iĕm băt tơchĕng inh lui kơ Kră Yang Yêsu boih, inh apinh iĕm tŏk 'bĭch tơ hnam inh.” Sư pơtơm 'bĭch tơ hnam sư na nhôn tŏk 'bĭch pơdơh tơ hnam sư hloi.

Rom 16:23

Na âu akâu inh kơdih Pôl pơma dơ̆ng. Inh oei tơ hnam Guơs păng đĭ kơ nhôn juăt akŭm tơ hnam sư, sư kư̆m đei nơ̆r jet gia pơma dơnuh hăm iĕm mơ̆n.

I Kor 9:17

Dah inh jang bơtho đe yua kơ inh wă kơdih đĕch, lei inh gơh iŏk jên đe apah. Mă-lei inh ưh kơ gơh iŏk, yua kơ Kră Yang wơh inh jang, na inh athei jang ăn kơ Sư đĕch.

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.

II Yo 1:8

Kơlih kơ thoi noh na iĕm athei kơchăng hŏ hli kơ lu sư hơlĕnh kơ iĕm, na iĕm lui kơ lu sư. Dah iĕm kơchăng tơpă lei dôm tơdrong iĕm jang iĕm huay kơ hiong ôh. Na iĕm gô đei iŏk tôm tơdrong apah ning-mônh.