Mathiơ 10:4 - Sơ̆p Hlabơar Nơ̆r 'Bok Kei-Dei

⁴ Simôn mă kiơ̆ khŭl đe Sêlôt sơ̆ hăm Juđa Ikariôt, bơngai mă plơ̆ plĕch kơ Yêsu.

Mathiơ 10:4 Kruisverwysings

Mathiơ 26:14

Đơ̆ng noh đei minh 'nu bơngai anăn sư Juđa Ikariôt, bơngai đơ̆ng mơjĭt-'bar 'nu pơhrăm păng Yêsu, sư năm tơ lu 'bok soi tih.

Mathiơ 26:15

Sư khan: “Dah inh đei rôp ăn kơ iĕm Yêsu, iĕm apah inh dôm yơ?” Na đe noh jô̆ ăn kơ sư jên, pêng-jĭt hlak jên hu so sơ̆.

Mathiơ 26:2

“Iĕm băt mơ̆n oei pă 'bar năr truh kơ năr đe pơm Giĕng Năm Brih. Na đe wă rôp jao Inh Kon Bơngai ăn kơ đe pơ̆ng pơlôch tơ 'long pơglang.”

Mathiơ 26:47

Kơplah Yêsu oei pơma 'bôh blư kơ Juđa truh, bơngai mă đơ̆ng lăm mơjĭt-'bar 'nu pơhrăm păng Yêsu. Đei lơ bơngai kiơ̆ sư chĕp tak đao mơ'nah chĕp 'long tơnôn, yua kơ lu 'bok soi tih, lu đe kră sek tơlang đe Juđê wơh lu sư năm rôp Yêsu.

Mathiơ 27:3

Lăp Juđa bơngai mă plơ̆ plĕch Yêsu, sư băt kơ đe wă pơlôch Yêsu tơpă, na sư mah hmach kơ plơ̆ plĕch Yêsu, na sư năm tơwih ră kơ lu 'bok soi, lu đe kră, pêng-jĭt hlak jên đơ̆ng đe apah noh.

Markôs 14:10

Klaih kơ noh đei minh 'nu bơngai anăn sư Juđa Ikariôt, bơngai đơ̆ng mơjĭt-'bar 'nu bơngai pơhrăm păng Yêsu, năm tơ lu 'bok soi tih wă jao Yêsu kơ lu sư.

Markôs 14:43

Kơplah Yêsu oei pơma 'bôh blư kơ Juđa truh, bơngai mă đơ̆ng lăm mơjĭt-'bar 'nu bơngai pơhrăm păng Yêsu. Đei lơ bơngai kiơ̆ sư chĕp tak đao, mơ'nah chĕp 'long tơnôn yua kơ lu 'bok soi tih, lu thây bơtho tơdrong juăt đe Juđê păng lu đe kră sek tơlang wơh lu sư năm rôp Yêsu.

Luka 22:3

Kơplah noh yang Satan mơ̆t lăm jơhngơ̆m Juđa mă đe kư̆m anăn Ikariôt, bơngai minh 'nu đơ̆ng lăm mơjĭt-'bar 'nu bơngai pơhrăm păng Yêsu.

Luka 22:47

Kơplah Yêsu oei pơma na blư hloi kơ lu bơngai lơ truh tơ Sư. Juđa, bơngai mă đơ̆ng lăm mơjĭt-'bar 'nu bơngai pơhrăm păng Yêsu ră, sư anhăk ba lu bơngai wă năm rôp Yêsu. Na Juđa năm hloi tơ Yêsu wă chŭm Sư kiơ̆ thoi đe Juđê juăt kơ kơkuh dih băl.

Yo 13:2

Yêsu hăm lu bơngai pơhrăm păng Sư sŏng sa hơdai. Yang Satan pơhlŭ Juđa Ikariôt, kon Simôn, na Juđa wă plơ̆ plĕch kơ Yêsu boih.

Yo 6:64

Mă-lei lăm lu iĕm mơ'nah ưh kơ wă lui kơ Inh.” Yêsu băt hơdrol tơpă; lu bơngai ayơ mă ưh kơ wă lui kơ Sư, Sư băt mơ̆n; bơngai ayơ wă plơ̆ plĕch kơ Sư, Sư kư̆m băt mơ̆n.

Yo 6:71

Yêsu pơma thoi noh, Sư pơma jô̆ kơ Juđa kon Simôn đơ̆ng Pơlei Ikariôt. Sư boih lăm mơjĭt-'bar 'nu ei, mă-lei sư wă plơ̆ plĕch kơ Yêsu ning-mônh.

Jang 1:13

Lăp lu sư truh tơ Pơlei Jêrusalem boih na lu sư tŏk tơ hnam anih gah kơpal. Na anăn lu sư oei tơ ei: Pêtrôs, Yôhan, Yakơ, Andrê, Philip, Thôm, 'Barthôlêmi, Mathiơ, Yakơ kon Alphê, Simôn mă kiơ̆ khŭl đe Sêlôt sơ̆, Juđa kon Yakơ bơngai nai.