Mathiơ 10:2 - Sơ̆p Hlabơar Nơ̆r 'Bok Kei-Dei

² Na âu jô̆ tôm lu anăn mơjĭt-'bar 'nu lu sư: Simôn mă Yêsu anăn Pêtrôs, sư pơm tih 'biơ̆ kơ bôl sư; oh sư Andrê; Yakơ hăm oh sư Yôhan. 'Bă bre sư Sêbêđê.

Mathiơ 10:2 Kruisverwysings

Mathiơ 17:1

Tơdrâu năr đơ̆ng rŏng kơ năr noh, Yêsu anhăk pêng 'nu bơngai pơhrăm păng Sư, anăn lu sư Pêtrôs, Yakơ, Yôhan oh Yakơ, lu sư tŏk tơ kông kơjung kơdrô̆ lu sư.

Mathiơ 20:20

Hơtai ei akăn Sêbêđê năm tơ Yêsu yak hơdai kon sư bre Yakơ hăm Yôhan. Na sư sơtơ̆p kŭl-tăng kơkuh kơ Yêsu apinh Yêsu tơgŭm sư.

Mathiơ 26:37

Yêsu anhăk ba lăp pêng 'nu đĕch truh tơ anih Sư krao khan. Pêtrôs păng 'bar 'nu bre 'nhŏng oh kon Sêbêđê. Yêsu sơ'ngon dêh yua kơ Sư băt kơdih wă đei tơdrong gleh truh.

Mathiơ 4:18

Kơplah Yêsu năm kiơ̆ ter jih đak dơsĭ Galilê, Sư 'bôh 'bar 'nu 'nhŏng oh, anăn bre sư Simôn păng đe kư̆m anăn sư Pêtrôs, oh sư Andrê; bre sư oei traih jal chă ka lăm đak dơsĭ yua kơ bre sư bơngai juăt kơ chă ka ling-lang.

Mathiơ 4:21

Lu sư yak ataih 'biơ̆ đơ̆ng noh na tơ'bơ̆p dơ̆ng 'bar 'nu 'nhŏng oh nai. Anăn bre sư Yakơ hăm oh sư Yôhan kon Sêbêđê; bre sư oei kơpal thŏng-nan hăm 'bă sư oei hrăk ming jal, na Yêsu krao bre sư.

Markôs 1:29

Yêsu lĕch đơ̆ng hnam akŭm ei năm tơ hnam bre Simôn păng Andrê. Bre Yakơ păng Yôhan kư̆m kiơ̆ Sư mơ̆n.

Markôs 13:3

Đơ̆ng rŏng kơ noh Yêsu năm ngôi tơ kông Ôliwơ pah to thong đơ̆ng hnam akŭm tơm ei. Na Pêtrôs, Yakơ, Yôhan, Andrê, lu sư jet Yêsu kơdrô̆ lu sư khan:

Markôs 6:30

Lu bơngai mă Yêsu wơh năm chă bơtho đe ki, lu sư brŏk akŭm tơ Sư boih, na roi kơ Sư dôm tơdrong lu sư pơm păng bơtho.

Luka 11:49

Thoi noh na 'Bok Kei-Dei mă hơgei tôm tơdrong khan thoi âu: ‘Inh gô wơh lu bơngai pơtruh nơ̆r Inh păng lu bơngai jơ̆ng 'bang Inh năm bơtho lu sư, na 'blep kơ lu sư areh pơm kơnê̆ kơ lu sư phŏ kư̆m pơlôch.’

Luka 22:14

Trŏ jơ sŏng sa, na Yêsu hăm lu jơ̆ng 'bang Sư tơoei sŏng sa hơdai tơ gơ'bang tang-dŏ noh.

Luka 22:8

Yêsu wơh Pêtrôs hăm Yôhan: “Biĕm năm hơmet kơ bơ̆n tơmam sa bĕ, yua kơ trŏ năr giĕng boih.”

Luka 5:10

Bôl mă jang hơdai sư ei kư̆m sơleng kơ đon mơ̆n. Anăn bre sư ei Yakơ păng Yôhan, kon Sêbêđê. Na Yêsu khan kơ Simôn: “Ih 'nĕ pă hli. Đơ̆ng âu tơ anăp kơnh ih gô krao chă kon bơngai wă kơ sư lui kơ 'Bok Kei-Dei.”

Luka 9:10

Lu jơ̆ng 'bang Yêsu wih roi kơ Sư dôm tơdrong sư jang. Na Yêsu anhăk ba kơdrô̆ lu sư tơ Pơlei 'Betsaiđa.

Yo 12:22

Philip năm khan kơ Andrê, na bre sư năm khan kơ Yêsu.

Yo 13:23

Minh 'nu bơngai pơhrăm păng Sư mă Sư 'mêm kơeng tơpă, sư oei jê̆ Yêsu.

Yo 20:2

Thoi noh sư kơdâu năm tơ Pêtrôs hăm bơngai pơhrăm nai dơ̆ng, bơngai mă Yêsu 'mêm păng sư akhan thoi âu: “Yŏng bơ̆n Yêsu, đe iŏk tơ nai boih, mă-lei nhôn ưh kơ băt đe 'măn Sư tơ yơ ôh.”

Yo 21:2

Pêtrôs, Thôm mă đe anăn sư Kon Kơmar, Nathanel đơ̆ng Pơlei Kanna dêh Galilê păng 'bar 'nu kon Sêbêđê păng 'bar 'nu bơngai pơhrăm buăl sư, lu sư akŭm pơđâu tơduă lu sư.

Yo 21:20

Pêtrôs glĕch lăng na 'bôh hloi minh 'nu bơngai kiơ̆ bre sư, bơngai pơhrăm mă Yêsu 'mêm kơeng, bơngai mă sư oei jê̆ Yêsu, jet Yêsu ki, sư khan: “Ơ 'Bok, bu wă plơ̆ plĕch kơ Ih?” Sư jet noh 'bơ̆t kơplah sŏng sa ki.

Yo 21:24

Dôm nơ̆r pơma âu đơ̆ng bơngai pơhrăm păng Yêsu ei, bơngai mă Sư 'mêm kơeng. Sư chih roi ăn kơ bơ̆n lăm sơ̆p hla bơar âu. Păng bơ̆n kư̆m băt dôm tơdrong sư chih pơma tơpăt ngăl.

Yo 6:67

Na Yêsu jet mơjĭt-'bar 'nu bơngai pơhrăm păng Sư: “Bĭ lu iĕm hăm wă achăng lê̆ Inh?”

Yo 6:70

Yêsu khan kơ lu sư: “Inh rơih mơjĭt-'bar 'nu lu iĕm mă-lei minh 'nu lăm lu iĕm dang lĕ yang kơnê̆.”

Yo 6:71

Yêsu pơma thoi noh, Sư pơma jô̆ kơ Juđa kon Simôn đơ̆ng Pơlei Ikariôt. Sư boih lăm mơjĭt-'bar 'nu ei, mă-lei sư wă plơ̆ plĕch kơ Yêsu ning-mônh.

Yo 6:8

Minh 'nu bơngai pơhrăm păng Yêsu nai, anăn sư Andrê, sư oh Pêtrôs, sư khan kơ Yêsu:

Jang 1:13

Lăp lu sư truh tơ Pơlei Jêrusalem boih na lu sư tŏk tơ hnam anih gah kơpal. Na anăn lu sư oei tơ ei: Pêtrôs, Yôhan, Yakơ, Andrê, Philip, Thôm, 'Barthôlêmi, Mathiơ, Yakơ kon Alphê, Simôn mă kiơ̆ khŭl đe Sêlôt sơ̆, Juđa kon Yakơ bơngai nai.

Jang 1:26

Klaih kơ noh lu sư hlang lăng na 'blep trŏ hloi kơ Mathias. Na đe jô̆ sư lăm mơjĭt-'bar 'nu jơ̆ng 'bang Yêsu dơ̆ng.

Jang 12:2

Na sư koh pơlôch Yakơ 'nhŏng kơ Yôhan.

Jang 3:1

Pêtrôs păng Yôhan năm tơ hnam akŭm 'Bok Kei-Dei tơm. Sư pơtơm dih băl đơ̆ng pêng jơ kơsơ̆ wă akŭm krao khan păng đe.

I Kor 15:7

Đơ̆ng noh dơ̆ng Sư tơ'bôh kơ Yakơ păng đĭ-đăng bơngai jơ̆ng 'bang Sư.

Êphêsô 4:11

Na jô̆ gah tơdrong Sư asong kơ lu bơngai mă Sư 'mêm, Sư asong ăn tơdrong jang Sư, mơ'nah pơm jơ̆ng 'bang Sư, mơ'nah chă pơtruh nơ̆r Sư, mơ'nah pơm 'bok bơtho năm chă bơtho đe, mơ'nah pơm 'bok bơtho wei-lăng lu bơngai lui kơtă pơlei.

Hêbrơ 3:1

Ơ lu 'nhŏng oh, iĕm jing bơngai 'lơ̆ng tơpăt boih păng iĕm đei anăn 'Bok Kei-Dei wă krao tơmơ̆t tơ Pơlei 'Lơ̆ng Sư ning-mônh. Na inh wă kơ iĕm tơchĕng 'biơ̆ gah tơdrong Yêsu mă tơpă, yua kơ 'Bok Kei-Dei pôk Sư pơm jơ̆ng 'bang wă tơbăt ăn kơ bơ̆n tơdrong 'Bok Kei-Dei. Păng 'Bok Kei-Dei kư̆m pôk Sư pơm 'bok soi tơm jang tơdrong 'Bok Kei-Dei gah tơdrong lui bơ̆n.

I Pet 1:1

Inh Pêtrôs jơ̆ng 'bang Yêsu Krist chih hơpong kơ lu kon 'Bok Kei-Dei mă oei tơklah jơ̆p kơ dêh tơmoi: Tơ dêh Pôntơ, dêh Galati, dêh Kapadôs, dêh Asi păng dêh Bithini.

II Pet 1:1

Inh Simôn Pêtrôs, bơngai đĭch đam Yêsu Krist, kư̆m pơm jơ̆ng 'bang Sư mơ̆n. Inh chih hơpong kơ lu bơngai mă 'Bok Kei-Dei hăm 'Bok Dŏng Pơklaih bơ̆n Yêsu Krist krao lui kơ Sư thoi nhôn, yua kơ Sư pơm tơpăt kơ đĭ-đăng.

II Yo 1:1

Inh kră wei-lăng bơngai lui chih hơpong kơ iĕm 'nhŏng oh. Yua kơ 'Bok Kei-Dei rơih iŏk iĕm na inh 'mêm kơ iĕm tơpă. Bơ̆n jing 'nhŏng oh bơngai lui. Mă-lei ưh kơ sĭ kơdrô̆ inh ôh 'mêm kơ iĕm, dôm lu bơngai băt tơdrong 'Bok Kei-Dei tơpă sư kư̆m 'mêm kơ iĕm mơ̆n.

III Yo 1:1

Inh kră wei-lăng bơngai lui chih kơthơ âu. Hmach kơ ih, Guơs. Inh 'mêm kơ ih tơpă kơlih kơ ih bơngai lui 'lơ̆ng.

Tơdrông Tơ'bôh 1:1

Tơdrong âu, tơdrong 'Bok Kei-Dei ăn kơ Yêsu Krist tơ'bôh kơ lu đĭch đam Sư, tơdrong mă tĕnh truh mă gô 'bôh tơpă. Sư wơh linh jang 'lơ̆ng Sư năm tơ'bôh kơ Yôhan bơngai mă đĭch đam Sư.

Tơdrông Tơ'bôh 1:9

Mă gah inh âu, anăn inh Yôhan 'nhŏng oh iĕm. Đĭ-đăng kơ bơ̆n pôm đon hăm Yêsu Krist, đĭ-đăng kơ bơ̆n mă iĕm mă inh tă ngăl đei tơdrong gleh truh, đĭ-đăng kơ bơ̆n đei minh 'nu Yêsu Krist pơgơ̆r wei-lăng. Bơ̆n adrin lui kơjăp mă khan đe areh kơ bơ̆n, thoi lĕ kơ inh đe phak oei tơ bŏl đak mă đe anăn bŏl đak Patmôs, yua kơ inh ră roi kơ đe nơ̆r 'Bok Kei-Dei păng tơdrong Yêsu.

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”

Tơdrông Tơ'bôh 22:8

Anăn inh Yôhan bơngai mă kơtơ̆ng păng 'bôh dôm tơdrong noh. Inh kơtơ̆ng păng 'bôh nhên tôm thoi noh boih na inh 'nap kơkuh kơ linh jang 'bơ̆t jơ̆ng sư.