Mathiơ 10:11 - Sơ̆p Hlabơar Nơ̆r 'Bok Kei-Dei

¹¹ “Iĕm truh tơ pơlei ayơ, mă pơlei tih iĕ, iĕm jet lăng tơ ei bơngai bu 'lơ̆ng na iĕm oei hloi tơ hnam bơngai noh truh tơ năr iĕm wă năm tơ pơlei nai.

Mathiơ 10:11 Kruisverwysings

Jop 31:32

Bơngai tơmoi ưh kơ đei tep kơmăng tơ 'nguaih tơ trong; Inh pơih 'măng sơng bơngai tơmoi đơ̆ng ataih;

Mathiơ 10:10

'Nĕ kơ chĕp kơdŭng tah tơmam, dah hrŭk 'bar blah ao, dah chĕp hiă chơkhŏ, dah 'long jra, yua kơ iĕm dang bơngai jang sa apah, iĕm jang tơgŭm đe, đe 'me sa iĕm.

Mathiơ 10:12

Lăp wă mơ̆t tơ hnam, iĕm khan: ‘'Bok Kei-Dei ăn kơ hnam iĕm chơt hiôk.’

Markôs 6:10

Sư khan kơ lu đe ei thoi âu: “Dah iĕm mơ̆t oei tơ hnam ayơ, iĕm oei hloi tơ hnam 'noh đĕch truh tơ năr iĕm wă năm tơ pơlei nai.

Luka 19:7

Đĭ-đăng kơ đe 'bôh tơdrong noh na chă pơma kơdih khan: “Lơliơ Yêsu boih khan mơ̆t sŏng sa tơ hnam bơngai yoch?”

Luka 9:4

Dah iĕm mơ̆t oei tơ hnam ayơ, iĕm oei hloi tơ hnam noh đĕch truh tơ năr iĕm wă năm tơ pơlei nai.

Jang 16:15

Na yă Liđa păng đĭ-đăng hnam dơnŏ sư iŏk 'batem. Sư khan kơ nhôn: “Yah iĕm băt tơchĕng inh lui kơ Kră Yang Yêsu boih, inh apinh iĕm tŏk 'bĭch tơ hnam inh.” Sư pơtơm 'bĭch tơ hnam sư na nhôn tŏk 'bĭch pơdơh tơ hnam sư hloi.