Mathiơ 1:21 - Sơ̆p Hlabơar Nơ̆r 'Bok Kei-Dei

²¹ Sư gô tơpŭ kơ minh 'nu kon drŏ-nglo, ih anăn Sư Yêsu, yua kơ Sư wă dŏng pơklaih bơngai bu mă lui kơ Sư đơ̆ng tơdrong yoch.”

Mathiơ 1:21 Kruisverwysings

Bl 17:19

Kră Yang 'Bok Kei-Dei khan dơ̆ng thoi âu: “Sĭt tơpă, Sara, akăn ih, gô pơjing kơ minh 'nu hơ'lơ̆p drŏ-nglo, na ih gô krao anăn sư Isăkc Inh gô pơgơ̆p pơkă hăm sư, wă pơgơ̆p pơkă ling-lang hăm adrĕch adrung sư.

Bl 17:21

Mă-lei Inh gô pơgơ̆p pơkă hăm Isăk truh sơnăm anăp dang âu, Sara gô tơpŭ kơ ih Isăk.”

Bl 18:10

Na Kră Yang khan: “Lăm minh sơnăm dơ̆ng, Inh gô năm tơ âu, wă ngôi tơ ih, ưh kơ pơngiĕl ôh păng kơplah noh Sara, akăn ih, gô đei minh 'nu hơ'lơ̆p drŏ-nglo.” Sara oei ngôi tơ rŏng kơ Kră Yang 'bơ̆t anăp 'măng bơsŭn, kơtơ̆ng dôm lu nơ̆r noh.

Je 23:6

Lăm chăl Sư pơgơ̆r khŭl bơngai Juđa gô đei dŏng pơklaih; păng bơngai Isơrael đei arih hiôk hơđơ̆ng. 'Nâu anăn đe gô krao Sư: ‘Kră Yang boih 'lơ̆ng tơpăt lu nhôn.’ ”

Je 33:16

Lăm lu năr noh; adrĕch Juđa gô đei dŏng pơklaih; Jêrusalem gô oei hiôk-hian păng gô krao anăn Kră Yang boih tơpăt hơnơ̆ng lu nhôn.’ ”

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Mathiơ 1:25

Mă-lei sư ưh kơ đei ngôi hơdai hăm Mari truh tơ năr Mari tơpŭ kơ kon nge 'noh. Na Yôsep anăn kon nge 'noh Yêsu.

Luka 1:13

Mă-lei linh jang 'lơ̆ng ei khan kơ sư: “Ih 'nĕ kơ hli. 'Bok Kei-Dei kơtơ̆ng nơ̆r ih krao khan apinh sư wă kơ đei kon. Na akăn ih ning-mônh gô tơpŭ kơ minh 'nu kon drŏ-nglo. Na ih anăn sư Yôhan.

Luka 1:31

Ih gô anăp, klaih kơ noh tơpŭ kơ minh 'nu kon drŏ-nglo. Ih anăn Sư Yêsu.

Luka 2:11

Măng 'nâu tơ pơlei Đawit, đe tơpŭ kơ minh 'nu 'Bok Dŏng Pơklaih, 'Bok Kră Yang, Krist.

Luka 2:21

Lăp nge Yêsu truh tơhngam năr boih na đe kăt tơdra akar Sư păng anăn hloi Sư Yêsu kiơ̆ kơ linh jang 'lơ̆ng pơkă ăn kơ sư hơdrol kơ nge sư tam đei lăm klak mĕ Sư sơ̆.

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Yo 4:42

Lu bơngai lui đơ̆ng rŏng khan kơ duch ei thoi âu: “Nhôn lui kơ Sư dang ei ưh kơ sĭ nhôn băt đơ̆ng ih ôh. Nhôn lui kơ Sư dang ei yua kơ nhôn kơtơ̆ng Sư bơtho na nhôn băt hloi kơ Sư 'Bok Dŏng Pơklaih kon bơngai tơpă.”

Jang 13:23

'Bok Kei-Dei ăn Yêsu Kon Sâu Đawit wă dŏng pơklaih lu bơngai Isơrael, kiơ̆ kơ Sư pơkă sơ̆.

Jang 3:26

'Bok Kei-Dei wơh Kon Sư năm tơ bơ̆n đe khŭl Isơrael hơdrol 'mơ̆i wă pơklaih đĭ-đăng kơ bơ̆n đơ̆ng tơdrong yoch ăn kơ bơ̆n hiôk ling-lang.”

Jang 4:12

Pă đei bu nai dơ̆ng gơh pơklaih bơ̆n đơ̆ng tơdrong yoch. 'Bok Kei-Dei ăn Kon pôm Sư Yêsu Krist đĕch wă pơklaih bơ̆n.”

Jang 5:31

'Bok Kei-Dei atŏk Yêsu anih gah 'ma kơ Sư, ăn Yêsu pơm 'Bok Pơgơ̆r bơ̆n. Sư kư̆m pơm 'Bok Dŏng Pơklaih bơ̆n mơ̆n, wă kơ bơngai Isơrael bơ̆n tơbral tơdrong yoch bơ̆n kơdih kơdih na 'Bok Kei-Dei pơklaih yoch bơ̆n.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.

I Yo 3:5

Iĕm băt mơ̆n Yêsu Krist jur tơ ala teh âu sơ̆ wă pơklaih bơ̆n đơ̆ng tơdrong yoch. Păng Sư ưh kơ lah pơm yoch ôh.

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.

Lu 13:3

Linh jang 'lơ̆ng Kră Yang jur năm 'bơ̆t bơngai drŏ-kăn 'noh na khan: Ih bơngai hơwŏng ưh kơ đei kon, mă-lei ih gô anăp păng gô tơpŭ minh 'nu kon drŏ-nglo.

I Sam 1:20

Na truh tơ Hana anăp na tơpŭ kơ minh 'nu kon drŏ-nglo. Krao anăn sư Samuel,b yua kơ sư đei khan, inh đei apinh bơih sư đơ̆ng Kră Yang.