Markôs 3:3 - Sơ̆p Hlabơar Nơ̆r 'Bok Kei-Dei

³ Na Yêsu krao bơngai ti kue ei khan: “Năm tơ âu bĕ, dơ̆ng 'bơ̆t anăp đe tơpôl.”

Markôs 3:3 Kruisverwysings

Êsai 42:4

Sư ưh kơ gleh lap, ưh kơ bơ̆l hăl ôh, dĭng truh kơ pơjing tơdrong tơpăt hơnơ̆ng tơ teh đak âu, lu bŏl đak dơsĭ chang gô hơmĕng kơ khôi juăt sư.

Da 6:10

Kơplah Đaniel kơtơ̆ng tơdrong pơkăm noh pơtao kĭ anăn sư boih, na sư brŏk tơ hnam sư, lu 'măng-'mŏk iĕ gah Jêrusalem sư pơih đĭ. 'Bơ̆t noh, kư̆ rim năr pêng wơ̆t, sư hơtơ̆p kŭl-tăng krao khan, kơkuh bơnê kơ Kră Yang 'Bok Kei-Dei sư. Sư kư̆m pơm thoi sư juăt kơ pơm ki hmă.

Mathiơ 12:10

Lăm hnam akŭm noh đei minh 'nu bơngai ti kue minh pah, na lu sư răp lăng Yêsu hăm ming pơklaih ti sư dah ưh, yua kơ năr noh năr pơdơh Sa'bat. Dah Sư pơklaih lei lu sư wă jô̆ Sư bơngai yoch yua kơ lu sư khan lăm năr pơdơh Sa'bat ưh kơ gơh jang păng ưh kơ gơh pơklaih bơngai jĭ jăn ôh. Na lu sư jet Yêsu khan: “Kiơ̆ tơdrong juăt bơ̆n hăm gơh ming pơklaih đe jĭ jăn lăm năr pơdơh Sa'bat dah ưh?”

Markôs 3:2

Na đe răp lăng Yêsu hăm ming pơklaih sư dah ưh yua kơ năr noh năr pơdơh Sa'bat. Dah Sư pơklaih bơngai ti kue noh, lei đe wă jô̆ kơ Sư bơngai yoch, yua kơ lu sư khan lăm năr pơdơh Sa'bat ưh kơ gơh jang păng ưh kơ gơh pơklaih bơngai jĭ jăn ôh.

Markôs 3:4

Yêsu khan kơ lu bơngai ei thoi âu: “Lăm năr pơdơh Sa'bat, kiơ̆ kơ tơdrong juăt bơ̆n athei pơm tơdrong 'lơ̆ng dah tơdrong kơnê̆, tơgŭm mơnat kon bơngai dah pơlôch bơngai?” Mă-lei lu đe ei thĕng, ưh kơ đei bu pơma tơwih kơ Sư.

Luka 6:8

Mă-lei Yêsu băt hloi kơ lu sư tơchĕng lăm to thoi noh na Sư khan kơ bơngai ti kue ei: “Năm tơ âu bĕ, dơ̆ng 'bơ̆t anăp đe tơpôl.” Na bơngai kue ei iung hloi năm dơ̆ng 'bơ̆t anăp đe tơpôl.

Yo 9:4

“Dang ei oei 'năr, na bơ̆n athei jang tơdrong 'Bă Inh mă wơh Inh. Dah 'năr mơ̆t boih, ưh kơ đei bu gơh jang dơ̆ng.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

Galati 6:9

Mă-lei bơ̆n athei chu kơ Sư khŏm khŏm wă kơ bơ̆n gơh pơm đon 'lơ̆ng. Thoi noh dah bơ̆n huay kơ achăng lê̆ Sư na mưh trŏ kơ năr 'Bok Kei-Dei pơkă ning-mônh Sư gô ăn kơ bơ̆n tơdrong apah na bơ̆n oei hơdai hăm Sư ling-lang. Kư̆m thoi bơ̆n pơtăm găr, dah bơ̆n ưh kơ hŭt lê̆ tơdrong jang bơ̆n, lei trŏ bơyan plei, bơ̆n đei phĕ iŏk tơpă.

Philip 1:14

Lu 'nhŏng oh bơ̆n mă oei tơ pơlei nhôn tơ âu, lu sư 'bôh inh bơtho đe nuih tơpă mă khan inh bơngai đe phak, mă lu sư rai đunh kư̆m rai băt gơnang kơ Kră Yang Yêsu, kư̆m rai nuih kơ bơtho đe tơdrong 'Bok Kei-Dei huay pă hli boih.

I Pet 4:1

Yêsu Krist iŏk kơdih tơdrong pơmat-tat yua kơ bơ̆n, na bơ̆n kư̆m chu iŏk tơdrong pơmat thoi Sư mơ̆n. Bơngai bu chu iŏk tơdrong pơmat, bơngai noh ưh pă pơm yoch boih.