Markôs 2:7 - Sơ̆p Hlabơar Nơ̆r 'Bok Kei-Dei

⁷ “Yua kơ kiơ bơngai 'nâu pơma thoi noh? Sư pơma blông kơ 'Bok Kei-Dei. Bu mă gơh pơklaih yoch bơ̆n? Pôm 'Bok Kei-Dei đĕch gơh pơklaih yoch bơ̆n.”

Markôs 2:7 Kruisverwysings

Jop 14:4

Bu gơh pơm đơ̆ng bơngai pơm kơnê̆ 'mê̆-'mach mă jing 'lơ̆ng rơgoh? Ưh kơ đei bu!

Horiso 130:4

Mă-lei Ih đei jơhngơ̆m huay kơ jô̆ yo wă kơ đe hli yom kơ Ih.

Êsai 43:25

Noh, Inh kơdih 'mơ̆i sŭt lê̆ tơdrong iĕm pơm yoch păng Inh ưh pă 'blŏk dơ̆ng tơdrong yoch iĕm.

Da 9:9

Kră Yang 'Bok Kei-Dei Ih đei tơdrong mơnat ăn păng huay kơ jô̆ yo, Ih Kră Yang 'Bok Kei-Dei lu nhôn; mă khan lu nhôn ưh kơ chu Ih.

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

Mathiơ 26:65

'Bok soi tơm kơtơ̆ng Yêsu pơma thoi noh boih, na sư hek hloi ao sư kơdih yua kơ sư ơh tơpă. Na sư khan: “Bơ̆n mah kăl kơ kiơ chă bơngai nai wă jâu Sư dơ̆ng? Iĕm kơtơ̆ng boih Sư pơma thoi noh hei, Sư pơma blông kơ 'Bok Kei-Dei dêh.

Mathiơ 9:3

Lu thây bơtho tơdrong juăt đe Juđê kơtơ̆ng sư pơma thoi noh na lu sư mơmơnh lăm to khan: “Sư pơma blông kơ 'Bok Kei-Dei.”

Markôs 14:64

Iĕm kơtơ̆ng boih Sư pơma thoi noh hei, Sư pơma blông kơ 'Bok Kei-Dei dêh. Na iĕm tơchĕng lăng bơ̆n wă pơm kiơ kơ Sư?” Na đĭ-đăng kơ bôl khan: “Bơngai âu trŏ kơ pơlôch.”

Markôs 2:6

Kư̆m đei lu thây bơtho tơdrong juăt đe Juđê oei lăm ei. Lu sư kơtơ̆ng Yêsu pơma thoi noh na lu sư chă mơmơnh lăm đon khan:

Markôs 2:8

Yêsu băt hloi kơ lu sư pơma mơmơnh lăm đon lu sư, jô̆ kơ Sư tơdrong 'noh, na Yêsu khan kơ lu sư: “Yua kơ kiơ iĕm pơma mơmơnh lăm đon thoi noh lĕ?

Luka 5:21

Lu thây bơtho tơdrong juăt đe Juđê păng lu bơngai kiơ̆ tơdrong Pharisi kơtơ̆ng Sư pơma thoi noh na lu sư mơmơnh lăm to khan: “Bơngai bu âu pơm pơma blông kơ 'Bok Kei-Dei dêh? Bu mă gơh pơklaih yoch bơ̆n? Pôm 'Bok Kei-Dei đĕch gơh pơklaih yoch bơ̆n.”

Luka 7:49

Lu bơngai sŏng sa hơdai Yêsu tơ ei kơtơ̆ng thoi noh na lu sư mơmơnh lăm to khan: “'Nâu bơngai bu khan gơh pơklaih yoch đe?”

Yo 10:33

Lu bơngai Juđê khan: “Nhôn ưh kơ klơ̆m Ih ôh gah tơdrong pơm 'lơ̆ng, mă-lei nhôn wă klơ̆m păng tơmo yua kơ Ih pơma tih kơ 'Bok Kei-Dei. Ih kon bơngai đĕch, mă Ih khan Ih atŏ păng 'Bok Kei-Dei.”

Yo 10:36

Na lơliơ iĕm khan Inh pơma tih kơ 'Bok Kei-Dei Inh khan Inh Kon 'Bok Kei-Dei, yua kơ 'Bă Inh ăn kơ Inh jang tơdrong Sư tơpă păng wơh Inh jur tơ ala teh âu.