Markôs 2:12 - Sơ̆p Hlabơar Nơ̆r 'Bok Kei-Dei

¹² Sư iung hloi iŏk anhŭn sư lĕch brŏk 'bơ̆t anăp đe tơpôl lơ. Thoi noh na đĭ-đăng lu bơngai oei kiơ̆ ei 'bôh hlĭch tơpă păng ư-ang kơ 'Bok Kei-Dei khan: “Đơ̆ng sơ̆ bơ̆n tam 'bôh ôh tơdrong thoi âu iih?”

Markôs 2:12 Kruisverwysings

Mathiơ 12:23

Lu bơngai tơpôl lăng hlĭch na chă tơkhan dih băl: “Băt 'Bok âu boih kơlĕ, đe khan Sư Kon Sâu 'bok pơtao Đawit đơ̆ng 'Bok Kei-Dei ăn pơm pơtao bơ̆n?”

Mathiơ 15:31

Lu bơngai tơpôl ei 'bôh tơdrong noh hlĭch tơpă: Bơngai kơmlo mah gơh pơma, bơngai kue jo kư̆m klaih 'lơ̆ng, bơngai măt tol gơh 'bôh hơdah, na lu sư ư-ang kơ Kră Yang 'Bok Kei-Dei bơngai Isơrael juăt kơkuh đơ̆ng sơ̆.

Mathiơ 9:33

Na Yêsu pơpuh yang kơnê̆ ei lĕch đơ̆ng akâu bơngai noh na bơngai noh gơh pơma hloi. Đĭ-đăng lu bơngai tơpôl oei kiơ̆ ei lăng hlĭch, na lu sư khan: “Dêh char Isơrael bơ̆n đơ̆ng sơ̆ ưh kơ đei bu gơh pơm tơdrong mơsêh mơyang thoi âu ôh ii?”

Mathiơ 9:8

Lu đe oei kiơ̆ ei 'bôh tơdrong noh, lu sư hli na ư-ang kơ 'Bok Kei-Dei khan: “Bơngai âu 'Bok Kei-Dei ăn wă pơklaih yoch păng jĭ jăn kon bơngai tơpă.”

Markôs 1:27

Thoi noh na đĭ-đăng bơngai 'bôh Sư pơm thoi noh, lu sư sơleng kơ đon na sư tơjet dih băl khan: “Sư bơtho tơdrong kiơ âu kih? Sư bơtho tơdrong 'nao dah kiơ, na Sư gơh pơpuh yang kơnê̆, na yang kơnê̆ chu Sư?”

Markôs 2:11

“Inh khan kơ ih, jah iung bĕ chĕp anhŭn ih brŏk tơ hnam.”

Luka 13:13

Đơ̆ng noh Yêsu pel hloi akâu sư na kơtă ei 'mrah jing gơh dơ̆ng tơpăt hloi. Na sư hloi pơma pơư pơang 'Bok Kei-Dei.

Luka 17:15

Đei minh 'nu lăm lu sư băt kơ tơdrong jĭ sư klaih boih, na sư wih dơ̆ng tơ Yêsu păng pơma re khan: “Bơnê kơ Kră Yang 'Bok Kei-Dei.”

Luka 5:26

Đĭ-đăng lu bơngai oei kiơ̆ ei sơleng kơ đon tơpă na pơma ư-ang kơ 'Bok Kei-Dei. Lu sư kư̆m hli dêh na khan: “Bơ̆n 'bôh tơdrong hlĭch tơpă năr âu iih?”

Luka 7:16

Đĭ-đăng lu bơngai kiơ̆ ei hli ngăl, na lu sư ư-ang kơ 'Bok Kei-Dei khan: “Bơngai pơtruh nơ̆r 'Bok Kei-Dei mơsêh tơpă năm tơ bơ̆n boih.” Lu sư kư̆m khan dơ̆ng: “Dang ei 'Bok Kei-Dei wă tơgŭm lu bơngai Isơrael tơpă.”

Yo 7:31

Kư̆m đei lơ bơngai mơ'nah lui kơ Sư tơpă. Na lu đe ei khan: “Bơngai âu pơm lơ tơdrong mơsêh mơyang tơpă. Nhôn tơchĕng băt kơ Sư 'Bok Krist tơpă boih âu.”

Yo 9:32

Đơ̆ng blŭng-a sơ̆ 'Bok Kei-Dei pơjing plĕnh păng teh ưh tam đei bu gơh pơklaih bơngai măt tol đơ̆ng nge mĕ sư tơpŭ sơ̆ mă gơh 'bôh hơdah dơ̆ng.

Jang 4:21

Lu bơngai sek tơlang khă sư pă minh 'măng dơ̆ng na tơlĕch bre sư. Lu đe 'bok sek tơlang, sư tơchĕng tơduă sư khan: “Ưh pă gơh phak bre sư thoi yơ boih. Bơ̆n athei tơlĕch bre sư đĕch, yua kơ kon pơlei pơla đĭ ư-ang kơ 'Bok Kei-Dei pơklaih bơngai hơwen hơwo noh boih.”