Markôs 13:3 - Sơ̆p Hlabơar Nơ̆r 'Bok Kei-Dei

³ Đơ̆ng rŏng kơ noh Yêsu năm ngôi tơ kông Ôliwơ pah to thong đơ̆ng hnam akŭm tơm ei. Na Pêtrôs, Yakơ, Yôhan, Andrê, lu sư jet Yêsu kơdrô̆ lu sư khan:

Markôs 13:3 Kruisverwysings

Mathiơ 13:10

Klaih kơ noh lu bơngai pơhrăm păng Sư năm jet Sư: “Yua kơ kiơ Ih wă bơtho pơjuang ngăl?”

Mathiơ 13:36

Yêsu bơtho kơ lu bơngai tơpôl đang boih, na Sư mơ̆t tơ hnam. Lu bơngai pơhrăm năm jet Sư thoi âu: “Apinh Ih tơblang kơ nhôn tơdrong pơtih gia 'ba păng 'nhĕt chăt hơdai noh hei wă khan kiơ.”

Mathiơ 17:1

Tơdrâu năr đơ̆ng rŏng kơ năr noh, Yêsu anhăk pêng 'nu bơngai pơhrăm păng Sư, anăn lu sư Pêtrôs, Yakơ, Yôhan oh Yakơ, lu sư tŏk tơ kông kơjung kơdrô̆ lu sư.

Mathiơ 21:1

Lu đe Yêsu wă jê̆ truh tơ Pơlei Jêrusalem boih, truh tơ Pơlei Betphagê 'bơ̆t kông Ôliwơ. 'Bơ̆t ei Yêsu wơh 'bar 'nu bơngai pơhrăm păng Sư khan:

Mathiơ 24:3

Đơ̆ng rŏng kơ noh Yêsu năm ngôi tơ kông Ôliwơ, na lu bơngai pơhrăm păng Sư jet Sư kơdrô̆ khan: “Apinh Ih roi kơ nhôn layơ đe wă pơrăm hnam akŭm 'Bok Kei-Dei to păng đei tơdra liơ wă kơ nhôn kơnăl kơ Ih wă jur tơ teh âu păng kơnăl kơ năr tôch wă truh.”

Markôs 10:35

Yakơ păng Yôhan, bre kon Sêbêđê, bre sư năm jê̆ 'bơ̆t Yêsu na khan kơ Sư: “Ơ 'Bok Thây, nhi wă kơ Ih ăn kơ nhi tơdrong nhi apinh.”

Markôs 13:4

“Apinh Ih roi kơ nhôn layơ đe wă pơrăm hnam akŭm 'Bok Kei-Dei to păng wă kơ nhôn băt tơdra liơ tơdrong noh gô truh.”

Markôs 14:33

Yêsu anhăk ba lăp pêng 'nu đĕch truh tơ anih Sư krao khan. Anăn lu pêng 'nu noh Pêtrôs, Yakơ, Yôhan. Yêsu mơ-mreh hli dêh yua kơ Sư băt kơdih wă đei tơdrong gleh truh.

Markôs 4:34

Sư bơtho đe, Sư bơtho pơtih gia ngăl, mă-lei dah Sư oei păng lu bơngai pơhrăm păng Sư, Sư bơtho tơblang tôm tơdrong.

Markôs 5:37

Yêsu ưh kơ ăn đe kiơ̆ Sư, Sư ăn lu bơngai âu đĕch kiơ̆ Sư: Pêtrôs, Yakơ păng Yôhan mă oh Yakơ.

Markôs 9:2

Tơdrâu năr đơ̆ng rŏng kơ năr noh, Yêsu anhăk Pêtrôs, Yakơ hăm Yôhan lu sư tŏk tơ kông kơjung kơdrô̆ dôm lu sư âu. Na Yêsu tơwir akâu Sư kơdih 'bơ̆t anăp lu đe pêng 'nu noh.