Markôs 11:1 - Sơ̆p Hlabơar Nơ̆r 'Bok Kei-Dei

¹ Lu sư wă jê̆ truh tơ Pơlei Jêrusalem boih, truh 'bơ̆t Pơlei Betphagê păng Pơlei Bethani kơpal kông Ôliwơ. 'Bơ̆t ei Yêsu wơh 'bar 'nu bơngai pơhrăm păng Sư khan:

Markôs 11:1 Kruisverwysings

II Sam 15:30

Đawit tŏk tơ kông ôliwơ; sư yak rah nhơ̆m rah gom lê̆ kơ̆l păng yak tơpang jơ̆ng hoh. Đĭ-đăng bơngai năm kiơ̆ kư̆m dai gom kơ̆l, yak rah nhơ̆m rah.

Sa 14:4

Lăm năr noh; jơ̆ng Sư gô dơ̆ng kơpal kông ôliwơ, kông mă tơklă Jêrusalem gah hơlĕch; păng kông ôliwơ gô pơchah tŏk-bŏk, minh pah gah hơlĕch, minh pah gah bơmơ̆t, dĭng mah jing minh pôm thong jrŭ să; minh puăt kông noh hiŏng tơ gah gơal, minh puăt hiŏng gah yă-nơ̆m.

Mathiơ 21:17

Klaih kơ noh Sư sơlah đơ̆ng lu đe noh năm tơ Pơlei Bethani 'bĭch tơ ei.

Mathiơ 24:3

Đơ̆ng rŏng kơ noh Yêsu năm ngôi tơ kông Ôliwơ, na lu bơngai pơhrăm păng Sư jet Sư kơdrô̆ khan: “Apinh Ih roi kơ nhôn layơ đe wă pơrăm hnam akŭm 'Bok Kei-Dei to păng đei tơdra liơ wă kơ nhôn kơnăl kơ Ih wă jur tơ teh âu păng kơnăl kơ năr tôch wă truh.”

Mathiơ 26:30

Đang Sư pơma thoi noh boih lu sư hơri minh tơdrong 'Bok Kei-Dei, đơ̆ng noh lĕch năm hloi tơ kông Ôliwơ.

Markôs 11:2

“Biĕm mơ̆t tơ pơlei tơpăt anăp biĕm to. Lăp biĕm truh tơ noh biĕm 'bôh minh pôm aseh iĕ đe chô̆ 'bơ̆t noh. Aseh iĕ noh ưh tam đei bu hao ôh đơ̆ng sơ̆. Biĕm yaih dui anhăk aseh iĕ noh tơ âu.

Markôs 13:3

Đơ̆ng rŏng kơ noh Yêsu năm ngôi tơ kông Ôliwơ pah to thong đơ̆ng hnam akŭm tơm ei. Na Pêtrôs, Yakơ, Yôhan, Andrê, lu sư jet Yêsu kơdrô̆ lu sư khan:

Markôs 14:13

Na Yêsu wơh 'bar 'nu bơngai pơhrăm păng Sư năm tơ Pơlei Jêrusalem. Sư khan: “Đơ̆ng âu biĕm mơ̆t tơ Pơlei Jêrusalem, tơ ei biĕm gô tơ'bơ̆p minh 'nu bơngai glơng ge đak na biĕm kiơ̆ hloi sư.

Markôs 6:7

Yêsu krao mơjĭt-'bar 'nu bơngai pơhrăm păng Sư năm tơ Sư; Sư athei năm chă bơtho đe 'bơ'bar 'nu. Sư ăn kơ lu sư gơh pơpuh tơlĕch yang kơnê̆ đơ̆ng akâu bơngai.

Yo 8:1

Đơ̆ng noh Yêsu năm tơ kông Ôliwơ.

Jang 1:12

Đơ̆ng noh na lu bơngai jơ̆ng 'bang Yêsu đơ̆ng kông Ôliwơ brŏk tơ Pơlei Jêrusalem dang minh kơsô̆.