Markôs 1:25 - Sơ̆p Hlabơar Nơ̆r 'Bok Kei-Dei

²⁵ Na Yêsu khă yang kơnê̆ ei thoi âu: “E 'nĕ pă pơma, e jah lĕch đơ̆ng akâu sư âu wăi.”

Markôs 1:25 Kruisverwysings

Horiso 50:16

Mă-lei Kră Yang 'Bok Kei-Dei khan kơ lu bơngai kơnê̆: “Liơ ih oei roi dôm tơdrong juăt Inh? Yua kơ kiơ 'bơ̆r ih pơma gah tơdrong pơgơ̆p Inh?

Mathiơ 9:30

Đang Yêsu pơma thoi noh, na măt bre sư klaih hloi. Yêsu khan tơdrăp kuă ăn bre sư roi kơ đe ră.

Markôs 1:24

“Ơ Yêsu đơ̆ng Pơlei Nasaret, Ih wă pơm kiơ kơ khŭl nhôn? Ih năm tơ âu wă pơrăm khŭl nhôn hă? Inh băt kơ Ih, Ih 'Bok 'Lơ̆ng Tơpăt đơ̆ng 'Bok Kei-Dei.”

Markôs 1:26

Na yang kơnê̆ ei pơm kơ sư pơtơ̆l, pơma pơret, na lĕch jăk hloi đơ̆ng bơngai ei.

Markôs 1:34

Yêsu pơklaih lơ bơngai jĭ jăn păng pơpuh lu yang kơnê̆ mă mơ̆t lăm bơngai. Sư khă lu yang kơnê̆ pơma tơbăt Sư kơ đe kơlih kơ lu yang ei băt kơ Sư.

Markôs 9:25

Yêsu 'bôh đe tơpôl rĭ rai jê̆ Sư na Sư wă jah keh tơdrong 'noh. Na Sư pơpuh hloi yang kơnê̆ ei khan: “Ơ yang kơnê̆ ngăl pơm kơ đe kơmlo păng klĭk, Inh pơpuh e lĕch jăk đơ̆ng sư âu, 'nĕ pă mơ̆t oei lăm akâu sư dơ̆ng.”

Luka 4:35

Na Yêsu khă yang kơnê̆ ei thoi âu: “E 'nĕ pă pơma. E jah lĕch đơ̆ng akâu sư âu wăi.” Na yang kơnê̆ ei hơloh glơ̆m bơngai yang mơ̆t ei 'bơ̆t anăp đe tơpôl, na lĕch jăk hloi đơ̆ng bơngai ei. Na bơngai ei kư̆m huay kơ jĭ ôh.

Luka 4:41

Na Yêsu kư̆m pơpuh lơ lu yang kơnê̆ lĕch đơ̆ng akâu đe. Na yang kơnê̆ ei khan kơ Yêsu: “Ih boih Kon 'Bok Kei-Dei tơpă.” Mă-lei Yêsu khă lu yang kơnê̆ ei kuă ăn pơma, yua kơ lu sư băt kơ Yêsu 'Bok Krist gô wă tơbăt ăn Sư kơ đe.

Jang 16:17

Adruh ei năm kiơ̆ nhôn đe Pôl, sư pơma 'bơ̆r re khan: “Lu bơngai âu jang tơdrong 'Bok Kei-Dei Kră Yang tih hloh. Lu sư bơtho ăn kơ iĕm tơdrong 'Bok Kei-Dei wă pơklaih iĕm đơ̆ng tơdrong yoch.”