Luka 1:76 - Sơ̆p Hlabơar Nơ̆r 'Bok Kei-Dei

⁷⁶ Ơ dăm, gah ih âu đe gô anăn ih bơngai pơtruh nơ̆r 'Bok Kei-Dei mă Kră Yang Tih Hloh, yua kơ ih gô năm hơdrol kơ Kră Yang wă hơmet ming kon bơngai hơdrol kơ Sư truh.

Luka 1:76 Kruisverwysings

Horiso 87:5

Đe gô roi gah Siôn thoi âu: “Lu đe âu đe noh tơpŭ boih Siôn noh; Kră Yang Tih Hloh gô pơm kơ Siôn kơjăp.”

Malachi 3:1

“'Nâu, Inh đei wơh bơngai pơtruh nơ̆r Inh, sư gô pơih trong adrol kơ Inh; păng Kră Yang mă lu iĕm chơchă Sư gô blư truh mơ̆t tơ lăm hnam akŭm 'Bok Kei-Dei, wă khan linh jang khan nơ̆r Sư pơgơ̆p hăm iĕm mă lu iĕm oei chang gô. 'Nâu, Sư truh!” Kră Yang khan thoi noh.

Malachi 4:5

'Nâu Inh gô wơh 'bok khan lê̆ adrol anăn sư Êli gô truh tơ lu iĕm adrol kơ năr tih krưp wă truh trŏ kơ năr hli tơpă đơ̆ng Kră Yang.

Mathiơ 14:5

Yua kơ tơdrong noh na pơtao Hêrôt athei đe rôp tah Yôhan lăm hnam phak. Sư wă pơlôch kơplah noh hloi ră mơ̆n mă-lei sư ưh kơ pơ̆n, hli kơ lu kon pơlei pơla Juđê yua kơ lu bơngai Juđê băt kơ Yôhan bơngai pơtruh nơ̆r 'Bok Kei-Dei tơpă.

Mathiơ 21:26

Dah bơ̆n khan đơ̆ng kon bơngai, lei hli kơ lu kon pơlei klơ̆m bơ̆n păng tơmo, yua kơ đĭ-đăng jơ̆p-jang kơ lu kon pơlei pơla lu sư khan băt kơ Yôhan bơngai pơtruh nơ̆r 'Bok Kei-Dei.”

Mathiơ 3:11

Inh pơm kơ iĕm 'batem păng đak, wă kơ đe băt kơ iĕm tơbral kơdih tơdrong yoch boih. Mă-lei đei minh 'nu 'Bok wă truh đơ̆ng rŏng kơ inh, Sư 'Bok tih tơpă. Dah Sư athei inh chĕp ăn pôm chơkhŏ Sư đĕch, inh kư̆m ưh kơ hơnhŏ 'mơ̆i, ưh kơ pơ̆n ngơk lăng Sư ôh. Sư ei gô pơm kơ iĕm 'batem thoi âu: Sư gô ăn kơ iĕm Yang Bơhngol 'Lơ̆ng pơm kơ iĕm tŭk lê̆ dôm tơdrong kơnê̆ kư̆m thoi ŭnh soh lê̆ hla đuih đăm.

Mathiơ 3:3

Êsai bơngai pơtruh nơ̆r 'Bok Kei-Dei, sư chih khan lê̆ hơdrol gah Yôhan sơ̆ thoi âu: “Đei minh 'nu bơngai bơtho tơ char glă chơngue ning-mônh khan: ‘Bĕ bơ̆n hơmet trong kơ Kră Yang, păng pơm trong Sư mă tơpăt. Wă khan lu bơ̆n tơbral kơdih tơdrong yoch.’ ”

Markôs 11:32

Na dang ei bơ̆n hăm wă khan đơ̆ng kon bơngai?” Mă-lei lu sư kư̆m ưh kơ wă khan đơ̆ng kon bơngai mơ̆n yua kơ lu sư hli kơ kon pơlei pơla, yua kơ đĭ-đăng lu kon pơlei pơla lu sư khan băt kơ Yôhan bơngai pơtruh nơ̆r 'Bok Kei-Dei.

Luka 1:32

Sư pơm tih păng đe krao Sư Kon 'Bok Kei-Dei Kră Yang mă tih hloh. Kră Yang 'Bok Kei-Dei wă ăn kơ Sư pơm pơtao iĕm, kư̆m thoi 'bok pơtao Đawit iĕm sơ̆.

Luka 1:35

Linh jang 'lơ̆ng ei khan kơ sư dơ̆ng: “Gô đei Yang Bơhngol 'Lơ̆ng jur tơ ih, tơdrong mơsêh mơyang mă 'Bok Kei-Dei wă ăn kơ ih. Thoi noh na kon nge mă ih tơpŭ noh, Sư Kon 'Bok Kei-Dei mă 'lơ̆ng tơpăt.

Luka 6:35

Thoi noh na iĕm athei 'mêm, pơm 'lơ̆ng kơ lu bơngai mă pơm kơnê̆ kơ iĕm. Iĕm athei ăn kơ đe mơng jên iĕm păng 'nĕ pă hơmĕng kơ jên noh. Tơ̆ng iĕm pơm thoi noh, 'Bok Kei-Dei gô apah iĕm tih tơpă păng iĕm jing kon Kră Yang Tih Hloh, yua kơ Sư kư̆m pơm 'lơ̆ng kơ lu bơngai kơnê̆ păng lu bơngai mă ưh kơ băt bơnê kơ Sư mơ̆n.

Yo 1:23

Yôhan khan kơ lu sư: “Inh bơngai mă bơtho tơ char glă athei hơmet trong Kră Yang mă tơpăt dang khan tơbral kơdih tơdrong yoch, yua kơ Sư wă truh tơ bơ̆n boih kư̆m thoi Êsai khan lê̆ hơdrol sơ̆.”

Yo 1:27

Sư boih 'Bok mă truh đơ̆ng rŏng kơ inh, Sư 'Bok tih hloh kơ inh tơpă. Mă khan athei inh yaih ăn tơlei chơkhŏ Sư, inh kư̆m ưh kơ hơnhŏ 'mơ̆i, inh ưh kơ pơ̆n ngơk lăng Sư ôh.”

Yo 3:28

Iĕm kư̆m kơtơ̆ng boih tơdrong inh khan kơ iĕm ki, inh ưh kơ sĭ kơ 'Bok Krist ôh. Inh bơngai 'Bok Kei-Dei ăn truh hơdrol wă hơmet trong kơ 'Bok Krist.

Jang 16:17

Adruh ei năm kiơ̆ nhôn đe Pôl, sư pơma 'bơ̆r re khan: “Lu bơngai âu jang tơdrong 'Bok Kei-Dei Kră Yang tih hloh. Lu sư bơtho ăn kơ iĕm tơdrong 'Bok Kei-Dei wă pơklaih iĕm đơ̆ng tơdrong yoch.”