Lu 9:5 - Sơ̆p Hlabơar Nơ̆r 'Bok Kei-Dei

⁵ Na Sư brŏk tơ hnam 'bă sư tơ pơlei Ôphra pơlôch 'nhŏng oh sư kơdih lu kon drŏ-nglo Jêrup Baal, tơpơh-jĭt 'nu tơ kơpal tơmo. Lăp oei pă minh 'nu Jôtham, kon drŏ-nglo adruch Jêrup Baal oei arih, yua kơ oh sư noh kơdâu ôn.

Lu 9:5 Kruisverwysings

I Pot 1:12

Thoi noh, na dang ei năm tơ âu bĕ, inh tơbăt kơ ih trong wă kơ ih pơklaih tơdrong arih ih kơdih păng pơklaih tơdrong arih kon drŏ-nglo ih Sôlômôn.

I Pot 1:21

Dah ưh lăm minh năr ei kơnh ih yŏng pơtao inh lôch oei hơdai 'bok yă, lei đe gô jô̆ kơ nhi Sôlômôn pơm yoch”

II Pot 10:17

Lăp sư mơ̆t lăm Pơlei Samari bơih, sư pơlôch pơđĭ lu bơngai lăm adrĕch Ahap lăm Pơlei Samari dĭng mah adrĕch 'nei goh hloi, thoi nơ̆r Kră Yang khan kơ Êli bơih.

II Pot 10:7

Lu đe ei đei iŏk kơthơ noh, na rôp hĭ tơpơh-jĭt 'nu kon drŏ-nglo pơtao, pơlôch đĭ, đơ̆ng noh tah lê̆ kơ̆l lu sư lăm bai, ba truh tơ Jêhu tơ Pơlei Jêsreel.

II Pot 11:3

Sư oei hăm Jehôseba, ôn tơ hnam Kră Yang lăm tơdrâu sơnăm kơplah Athalia pơgơ̆r dêh char Juđa.

II Ho 21:4

Kơplah Jêhôram tŏk pơm pơtao pơtrơp đơ̆ng 'bă sư, wă sư pran kơjăp boih sư iŏk đao gưm pơlôch đĭ lu oh sư hăm lu yŏng pơgơ̆r Isơrael.

Mathiơ 2:16

Lăp pơtao Hêrôt băt kơ lu 'bok pơjâu hnhoi sơnglŏng ưh pă wih tơ sư, sư ơh dêh. Na sư athei lu linh sư năm pơlôch đĭ lu kon drŏ-nglo 'nao tơpŭ truh tơ 'bar sơnăm lăm tơring Betlehem. Sư pơlôch lu kon nge 'nao tơpŭ truh tơ 'bar sơnăm noh sư băt đơ̆ng lu bơngai hnhoi sơnglŏng roi kơ sư ki.

Mathiơ 2:20

“Iung bĕ, chông ba Yêsu hăm mĕ Sư wih dơ̆ng tơ dêh Isơrael, lu bơngai wă pơlôch Sư sơ̆ lôch đĭ boih.”

Lu 6:11

Linh jang 'lơ̆ng Kră Yang năm ngôi tơ ala yơ̆p 'long kôih tơ pơlei Ôphra, lăm dêh char Jôas, adrĕch bơngai Abierit kơplah noh Giđêôn kon drŏ-nglo Jôas, oei pơjuă ba tơ anih đe hơmet đak hơmu wă ôn kơ lu bơngai Miđian.

Lu 6:24

Giđêôn pơm minh pơm chơnang soi kơ Kră Yang tơ noh. Păng anăn anih noh Kră Yang Ăn Hiôk-Hian. Chơnang noh oei đei truh tơ năr 'nâu tơ pơlei Ôphra, lăm dêh lu bơngai Abierit.

Lu 8:30

Giđêôn đei pơjing tơpơh-jĭt 'nu kon drŏ-nglo yua kơ sư đei akăn lơ.

Lu 9:18

Mă-lei dang ei iĕm iung blah hnam dơnŏ 'bă inh pơlôch tơpơh-jĭt 'nu lu kon drŏ-nglo sư tơ kơpal tơmo tih, na pơk Abimêlek kon drŏ-nglo hăm drŏ-kăn kơnhŏng sư pơm pơtao pơgơ̆r kon pơlei Sichem yua kơ sư noh 'nhŏng oh lu iĕm.

Lu 9:2

Iĕm athei apinh lăng đĭ lu bơngai pơgơ̆r pơlei Sichem, na khan: Hơyơ tơdrong mă 'lơ̆ng hloh kơ iĕm: Tơpơh mơjĭt 'nu kon drŏ-nglo Jêrup Baal pơgơ̆r lu iĕm dah iŏk lăp minh 'nu đĕch pơm pơtao lu iĕm? Kŭm athei 'blŏk inh âu adrĕch akâu akar lu iĕm.

Lu 9:6

Đĭ-đăng bơngai lăm pơlei Sichem păng Bêt Milô, pơgơ̆p hơdai băl 'bơ̆t tơnơm 'long kôih păng gơ̆ng tơmo tơ pơlei Sichem, na pơk ăn kơ Abimêlek pơm pơtao.