Lu 7:5 - Sơ̆p Hlabơar Nơ̆r 'Bok Kei-Dei

⁵ Thoi noh, Giđêôn chông ba kon pơlei jur nhă đak. Na Kră Yang khan kơ Giđêôn: Dah bơngai bu jur nhă liah păng hơpiĕt thoi kŏ, na lu bơngai noh ih lê̆ sư minh pah pha, bĕ lu bơngai bu jur nhă mă chhŏng đak hăm tơpang ti ih lê̆ lu sư pha.

Lu 7:5 Kruisverwysings

I Pot 17:13

Mă-lei Êli khan kơ sư: “Ih 'nĕ kơ hli, ih athei brŏk pơm hloi thoi ih khan 'noh, mă adrol ih athei yua tơpŭng 'noh pơm ăn kơ inh minh pôm 'bĕng iĕ, đơ̆ng noh ba ăn kơ inh tơ âu; đơ̆ng rŏng kơ 'noh ih pơm ăn kơ ih păng kon drŏ-nglo ih.

Horiso 110:7

Sư gô nhă đak hơbong ro rok trong, yua kơ thoi noh sư gơh ngơk kơ̆l.

Lu 7:4

Kră Yang khan kơ Giđêôn: “Kon pơlei kư̆m oei lơ dêh. Chông ba lu sư jur nhă tơ đak glung; Inh wă pơlong lăng lu sư tơ anih noh. Dah bơngai bu Inh gô khan; ‘Bơngai âu sư gô năm hơdai ih,’ na sư gô kiơ̆ ih; mă-lei bơngai bu Inh khan: ‘Bơngai 'nâu sư ưh kơ gơh năm hăm ih’ na bơngai noh sư ưh kơ gơh năm.”

Lu 7:6

Đei lăp pêng-hrĕng 'nu bơngai, kŭp nhă chhŏng păng tơpang ti. Na dôm 'nu bơngai noh tă kơ nhă pơtăm kŭl-tăng ngăl.