Lu 10:9 - Sơ̆p Hlabơar Nơ̆r 'Bok Kei-Dei

⁹ Kon pơlei Ammôn kư̆m tŏk kơ đak Krong Jôrđăn, năm blah lu bơngai Juđa, lu bơngai Bênjamin păng lu bơngai Êphraim; lu bơngai Isơrael đei tơdrong pơmat-tat tih tơpă.

Lu 10:9 Kruisverwysings

II Ho 14:9

Sêra, bơngai Êthiôpi năm blah bơngai Juđa chông ba minh-rơbâu rơbâu linh păng pêng-hrĕng tŏ gre aseh, lu sư năm truh tơ pơlei Marêsa.

II Ho 15:5

Kơplah noh kon pơlei Isơrael ưh kơ đei rơnŭk ôh, chă nơnăm mơ̆t lĕch, yua kơ đĭ-đăng bơngai đei tơdrong rŭng răng tih tơpă.

Both 28:65

Oei lăm teh đak noh, iĕm ưh kơ đei hiôk rơnŭk ôh, ưh kơ đei anih wă ăn kơ kơnơl jơ̆ng iĕm pơdơh ôh. Tơ anih noh Kră Yang gô ăn kơ jơhngơ̆m iĕm hli tơrơ, măt hơ'nhôi, jơhngơ̆m đon ơh sơ'ngon.

Lu 10:10

'Nâu lu bơngai Isơrael krao apinh Kră Yang, na khan: Lu nhôn đei pơm yoch hăm Ih lu nhôn achăng lê̆ Kră Yang 'Bok Kei-Dei lu nhôn păng kơkuh kơ lu yang Baal.

Lu 10:8

Iŏk đơ̆ng sơnăm noh, 'bar khŭl adrĕch 'nâu pơgŏ pơđep pơjuă bơhlơ̆r lu sư lăm mơjĭt-tơhngam sơnăm. Lu sư pơjuă pơđep kon pơlei Isơrael oei tơ gah hơlĕch kơ đak Krong Jôrđăn lăm char Gileat tơ tơring sơ̆ char bơngai Amôrit

Lu 11:4

Đơ̆ng rŏng kơ 'noh kon pơlei Ammôn tơblah hăm lu bơngai Isơrael.

Lu 2:15

Mă lu sư năm tơ yơ yơ Kră Yang kư̆m ăn kơ lu sư đei tơdrong gleh pơmat 'blep thoi Kră Yang khan pơkă kơ lu sư. Lu sư đei tơdrong gleh pơmat tih dêh.

Lu 6:2

Lu bơngai Miđian blah lu bơngai Isơrael jei lu sư; yua kơ lu bơngai Isơrael hli kơ lu bơngai Miđian na lu bơngai Isơrael kơdâu ôn oei tơ kông kŏ, lăm sơlŭng lăm hơgơp tơmo dah chă ôn tơ lăm lu pơlei kơjăp.

I Sam 13:6

Đe Isơrael mơn 'bôh lu sư hli hơmơt dêh. Yua kơ lu bơngai ayăt tŭn gơhret rai jê̆ bơih. Na lu đe Isơrael kơdâu ôn tơ lăm hơgơp tơmo, lăm bri kơdrơ̆ng lăm sơlŭng păng lăm trôm teh.

I Sam 28:15

Samuel jet Sôl: Yua kơ kiơ ih pơhrơ inh krao inh tŏk wă pơm kiơ? Sôl tơl: Inh đei tơdrong truh tih, yua kơ lu bơngai Philistin tơblah păng inh. Na Kră Yang 'Bok Kei-Dei achăng lê̆ inh, Sư ưh kơ tơl nơ̆r inh dơ̆ng yua 'bơ̆r lu bơngai khan lê̆ adrol, dah đơ̆ng apo. Thoi noh na inh khŏm krao ih tŏk, wă kơ ih roi tơ'bôh ăn kơ inh băt inh athei pơm kiơ.