Lêwi 14:21 - Sơ̆p Hlabơar Nơ̆r 'Bok Kei-Dei

²¹ Mă-lei tơdah bơngai 'noh dơnuh hin ưh kơ kĕ đei dôm tơmam noh ôh, ăn kơ sư rôp minh pôm kon triu tơno, yua lăm tơdrong soi sơmah huai đơ̆ng tơdrong hơch 'bơm pơm yoch, pơyơ̆r 'ma 'ngiĕo, wă pơm tơmam soi wă rơgoh đơ̆ng yoch sư păng minh lăm mơjĭt kĭ tơpŭng bơlah, hrâu hăm đak rơmă ôliwơ, pơm tơmam soi phe 'ba păng minh puăt lit đak ôliwơ.

Lêwi 14:21 Kruisverwysings

Lêwi 5:7

Tơdah sư chă ưh kơ kĕ đei minh pôm kon triu akăn dah bơbe akăn, yua kơ yoch sư đei pơm bơih, na sư athei anhăk ba kơ Kră Yang minh hơgrop sem pơgâm dah kơtơp kon, minh pôm wă yua lăm tơmam sư huai đơ̆ng yoch, minh pôm wă yua lăm tơmam soi 'buh.

Lêwi 12:8

Tơdah sư chă ưh kơ kĕ đei minh pôm kon triu, sư athei rôp 'bar tŏ sem pơgâm dah 'bar tŏ kon kơtơp. Minh pôm 'măn kơ tơmam soi 'buh, minh pôm yua pơm kơ tơmam soi huai đơ̆ng yoch, 'bok soi gô soi sơmah huai yoch sư, na sư gô rơgoh.

Tơdrông Pơđơk 17:5

Bơngai bu pơjăm bơngai dơnuh hin, noh pơjăm Kră Yang Tơ'ngla pơjing sư; Bơngai bu chơt hiôk kơ tơdrong pơmat truh ưh kơ klaih ôh đơ̆ng phak.

II Kor 8:12

Mă tơ̆ng iĕm 'maih ra jên hơdai bôl ră, mă iĕm ưh kơ đei, noh huay ôh, 'Bok Kei-Dei kư̆m hiôk mơ̆n.

II Kor 8:9

Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.

Luka 6:20

Klaih kơ noh Yêsu hue lăng lu bơngai lui kiơ̆ Sư na khan: “Pŭn dêh lu iĕm bơngai dơnuh hin, yua kơ 'Bok Kei-Dei wă pơgơ̆r iĕm.

Tơdrông Pơđơk 22:2

Bơngai mơdrŏng bơngai dơnuh kư̆m lei-lăi. Bre sư đơ̆ng Kră Yang pơjing ngăl.

Jop 34:19

Kră Yang ưh kơ pơư kơ lu bơngai pơgơ̆r, Kŭm ưh kơ lăng kơ bơngai mơdrŏng hloh kơ bơngai dơnuh; Yua kơ đĭ-đăng lu sư đơ̆ng tơpang ti Kră Yang pơjing ngăl.

I Sam 2:8

Sư rô̆ tơiung bơngai dơnuh đơ̆ng 'mui teh; Sư pơdơ̆ng tơiung lu bơngai kơ'bah đơ̆ng lăm 'mui tơnuh, Wă kơ lu sư dơ̆ng hơdai hăm lu bơngai yŏng pơgơ̆r. Păng kư̆m ăn oei lăm anih đe pơyom. Jrăng plei teh noh đơ̆ng Kră Yang, Păng kơpal jrăng noh sư pơdơ̆ng bơih plei teh.

Lêwi 14:22

Kŭm thoi noh mơ̆n, kiơ̆ kơ sư đei athei chĕp ba 'bar tŏ kon sem pơgâm dah kon sem kơtơp, sem minh pôm âu pơm tơmam soi huai đơ̆ng yoch, sem minh pôm noh pơm tơmam soi 'buh.

Lêwi 5:11

Tơdah sư ưh kơ kĕ đei wă pơyơ̆r minh hơgrop sem pơgâm dah sem kơtơp kon ôh. Na yua kơ tơdrong yoch sư đei pơm sư athei pơyơ̆r minh lăm mơjĭt êphaa tơpŭng rơgoh 'lơ̆ng wă pơm tơmam soi huai đơ̆ng yoch, 'nĕ kơ tuh đak rơmă ôliwơ păng đak rơmă 'bâu phu kơpal yua kơ 'nâu jơ̆ tơmam soi huai đơ̆ng yoch.

Lêwi 1:14

Tơdah tơmam sư pơyơ̆r ăn kơ Kră Yang tơmam soi 'buh hăm sem păr, athei iŏk pơyơ̆r sem pơgâm bri dah kon sem kơtơp.

Lêwi 14:10

Truh năr mă tơhngam, sư gô rôp 'bar tŏ kon triu tơno ưh kơ đei jĭ kiơ, b minh pôm kon triu akăn mă tơ'bưh kơ đêl, ưh kơ đei jĭ kiơ, iŏk pêng lăm mơjĭt tơpŭng hĕch, tuh hrâu đak rơmă ôliwơ.c

Lêwi 27:8

Tơdah bơngai pơyơ̆r pơkă pơkăm noh dơnuh dêh, ưh kơ kĕ ăn jên kiơ̆ kơ hơgăt. Athei anhăk ba sư tơ anăp 'bok soi sư gô hơgăt kiơ̆ kơ bơngai noh kĕ đei.

Êsêkiên 46:7

Gah tơmam soi pơyơ̆r phe 'ba minh êpha hơdai hăm rơmo dăm. Minh êpha pơyơ̆r hăm triu tơno, hăm kon triu kon mơ̆ng kơ đei, gah lu tơmam pơyơ̆r phe tơpŭng wă hrâu hăm lu đak rơmă rim êpha minh hin.