Le 5:2 - Sơ̆p Hlabơar Nơ̆r 'Bok Kei-Dei

² Mă-lei Pharaôn tơl: Kră Yang noh bu? Mah athei inh chu kơ nơ̆r Sư, ăn kon pơlei Isơrael năm? Inh ưh kơ băt Kră Yang ôh; kư̆m ưh kơ ăn kon pơlei năm mơ̆n.

Le 5:2 Kruisverwysings

II Pot 18:35

Đĭ-đăng yang jơ̆p-jang dêh char lăm teh đak 'nâu, yang ayơ mă pơklaih bơih dêh char lu sư đơ̆ng tơpang ti inh? Lei na Kră Yang hăm gơh dŏng pơklaih Pơlei Jêrusalem đơ̆ng tơpang ti inh hă?”

II Ho 32:14

Lăng lăm lu yang dôm dêh char mă lu 'bok inh đei pơrăm đĭ boih, hăm đei yang bu mă gơh dŏng pơklaih kon pơlei sư đơ̆ng ti inh? Lei liơ mă iĕm hơmĕng dêh khan Kră Yang 'Bok Kei-Dei lu iĕm gơh dŏng pơklaih lu iĕm đơ̆ng ti inh?

II Ho 32:15

Thoi ei na, dang ei lê̆ pă ăn kơ Hesekia pơhlŭ lu iĕm, pơthơr chông lu iĕm, lu iĕm 'nĕ pă lui kơ sư, yua kơ ưh kơ đei yang char kiơ mă dêh ayơ gơh pơklaih kon pơlei sư đơ̆ng ti inh, dah đơ̆ng ti lu 'bok inh sơ̆; tơma kiơ Kră Yang 'Bok Kei-Dei lu iĕm khan gơh dŏng pơklaih lu iĕm đơ̆ng ti inh!’ ”

II Ho 32:19

Lu sư khan kơ Kră Yang 'Bok Kei-Dei pơlei Jêrusalem thoi lu yang kon pơlei đơ̆ng ti kon bơngai pơm.

Ne 9:10

Pơm boih tơdrong mơsêh hlĭch păng tơdrong hlĭch chrơp wă blah Pharaôn, hăm lu đĭch đam sư păng kon pơlei pơla lăm teh đak sư; yua kơ Ih băt: Lu sư pơgŏ pơjuă pơđep 'bok lu nhôn kơnê̆ dêh, đe oei ang truh tơ dang ei.

Jop 15:25

Noh yua kơ sư yơ̆r ti blah plơ̆ Kră Yang 'Bok Kei-Dei, Pơm thoi nuih pran wă tơblah Kră Yang mă Mơsêh Mơyang tih.

Jop 15:26

Năm kơdâu bruh tơ̆m tơ Kră Yang hăm khêl hơ'bơ̆l, arăng.

Jop 21:15

Kră Yang Tih Hloh noh kiơ, mă lu nhôn athei kơkuh kơ Sư? Krao khan apinh Sư đei lơi yua kiơ kơ lu nhôn?”

Horiso 10:4

Lu bơngai kơnê̆ pơang, ưh kơ wă chă Kră Yang. Đĭ tơdrong sư tơchĕng khan ưh kơ đei Kră Yang ôh.

Horiso 12:4

Lu bơngai noh khan: “Yua kơ đơ̆ng hơpiĕt gô jei bơ̆n; 'Bơ̆r lu bơ̆n kơdih: Bu pơm yŏng bơ̆n?”

Horiso 12:5

Yua kơ đe pơjuă lu bơngai răm-'băm păng lu dơnuh hin ôr krao, Kră Yang khan: “Dang ei Inh gô iung, Inh gô ăn kơ lu sư oei hiôk-hian kiơ̆ thoi lu sư krao apinh.”

Horiso 14:1

Lu bơngai kơtul khan lăm jơhngơ̆m; “Ưh kơ đei Kră Yang 'Bok Kei-Dei.”* Lu sư ôm răm, pơm dôm tơdrong kơnê̆.

Le 3:19

Tơpă, Inh băt mă đơ̆ng iĕm iŏk jơhngơ̆m apinh pơgŏ pơtao Êyiptơ, sư kư̆m ưh kơ ăn iĕm năm!

Le 7:17

Kră Yang khan: Đơ̆ng tơdrong 'nâu, ih gô băt Inh boih Kră Yang: Na iŏk 'long jra Inh teh tơ đak krong Nil, đak krong gô jing pham.

Tơdrông Pơđơk 30:9

Hli kơ inh tôm mah kơnh sơngah kơ Ih, Păng khan: “Kră Yang Sư bu?” Păng hli kơ inh dơnuh hnang kơnh chă tơtông. Păng kơnh pơm kơnê̆ pơjăm anăn Kră Yang 'Bok Kei-Dei inh.

Je 42:13

Lei tơdah lu iĕm ưh kơ wă chu nơ̆r Kră Yang 'Bok Kei-Dei lu iĕm, tơdah lu iĕm oei khan: ‘Lu nhôn ưh kơ wă oei lăm teh đak âu,

Je 48:26

Pơhuch bĕ kơ lu sư dĭng suai, yua kơ pôk hơtŏk lu sư kơdih wă blah Kră Yang. Môap gô tơgrŏl lăm hăk lu sư kơdih, đe gô hiĕk ăr kơ lu sư.

Da 3:15

Na dang ei, dah iĕm kơtơ̆ng jơwa keng, brŏ, 'lal păng đĭ lu tơmam reh, na iĕm athei drap bon tơ teh wă kơkuh kơ rup yang mă inh đei man, lei huay mă-lei dah iĕm ưh kơ drap bon kơkuh, jơ noh hloi boih đe gô klơ̆m lu iĕm tơ lăm ŭnh kơdơ̆r to. Na yang kiơ gơh pơklaih iĕm đơ̆ng ti inh?

Yo 16:3

Lu sư gô pơm kơ iĕm thoi noh kơlih kơ lu sư ưh kơ băt kơ 'Bă Inh păng ưh kơ băt kơ Inh mơ̆n.

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

II Tes 1:8

Lu sư yak lăm anê̆ ŭnh. Sư wă phak lê̆ lu bơngai mă ưh kơ băt kơ 'Bok Kei-Dei păng ưh kơ wă lui yom kơ tơdrong 'nao 'lơ̆ng Kră Yang bơ̆n Yêsu Krist.

Lu 2:10

Đĭ-đăng jơhnơr ei lĕch kiơ̆ yă 'bok lu sư; na đei minh jơhnơr nai iung dơ̆ng mă ưh kơ băt kơ Kră Yang păng kư̆m ưh kơ 'bôh dôm tơdrong mơsêh Kră Yang đei pơm yua kơ lu bơngai Isơrael.

I Sam 2:12

'Bar 'nu kon drŏ-nglo Hêli jing bơngai kơnê̆ tơpă, bre sư ưh kơ băt hli yom kơ Kră Yang.

I Sam 25:10

Nabal tơl lu đĭch đam Đawit: Đawit noh bu? Kon drŏ-nglo Jese noh bu? Lu đĭch đam klĕnh đơ̆ng yŏng tơ'ngla lăm năr 'nâu lơ dêh!