Kôlôsê 4:10 - Sơ̆p Hlabơar Nơ̆r 'Bok Kei-Dei

¹⁰ Aritak, sư oei lăm hnam phak hơdai hăm inh, sư kư̆m hơdai jet gia iĕm. Markôs, oh 'Barna'ba pôm yă 'bok, sư kư̆m hơdai jet gia iĕm mơ̆n. Dah sư đei năm tơ iĕm, iĕm sơng iŏk sư hŏ, kiơ̆ thoi inh khan kơ iĕm boih.

Kôlôsê 4:10 Kruisverwysings

Jang 12:12

Đơ̆ng rŏng kơ sư tơchĕng boih, sư năm tơ hnam Mari mĕ Yôhan. Yôhan noh đe kư̆m anăn sư Markôs. Tơ ei đei lơ bơngai oei akŭm krao khan.

Jang 12:25

Gah bre 'Barna'ba păng Sôl dơ̆ng, bre sư ăn jên kơ kră pơgơ̆r lu bơngai lui boih, na bre sư đơ̆ng Pơlei Jêrusalem brŏk tơ Pơlei Antiôs. Bre sư kư̆m anhăk ba minh 'nu bơngai măt sư 'bar anăn, Yôhan Markôs.

Jang 13:13

Đơ̆ng Pơlei Papôih Pôl păng lu buăl sư tŏk thŏng-nan năm tơ Pơlei Perga lăm dêh Pamphili. Mă-lei Markôs achăng lê̆ bre buăl sư brŏk tơ Pơlei Jêrusalem dơ̆ng.

Jang 13:5

Bre sư truh tơ Pơlei Salêmin dêh Chiprơ ei boih, bre sư bơtho tơdrong 'Bok Kei-Dei tơ lu hnam akŭm đe Juđê. Yôhan mă đe kư̆m anăn Markôs sư kư̆m năm hơdai păng bre sư wă tơgŭm bre sư mơ̆n.

Jang 19:29

Na đĭ-đăng kon pơlei pơla kơtơ̆ng tơdrong noh, lu sư kư̆m hil areh mơ̆n. Na sư krao pơret dih băl wă kơ đe pơlei năm tơkan tơ sư. Na lu sư năm rôp 'bar 'nu buăl Pôl, anăn bre sư Guơs păng Aritak. Bre sư bơngai đơ̆ng dêh char Masêđôn. Lu kon pơlei pơla chông ba bre sư tơ hnam akŭm đe kon pơlei juăt sek tơlang tơdrong bơngai.

Jang 20:4

Lu bơngai âu kư̆m năm kiơ̆ sư mơ̆n, lu anăn sư: Sôpatê kon Piru, sư đơ̆ng Pơlei Bêrê; bre Aritak păng Sêkônđa đơ̆ng Pơlei Têsalônik; Guơs đơ̆ng Pơlei Dibơ; Timôthê đơ̆ng Pơlei Litrơ; păng bre Tisĭk, Trôphĭm đơ̆ng dêh char Asi.

Jang 27:2

Nhôn tŏk minh pôm thŏng-nan, thŏng-nan ei đơ̆ng Pơlei Adramit ki na wă năm tơ lu pơlei dêh char Asi. Aritak sư bơngai đơ̆ng Pơlei Têsalônik, dêh char Masêđôn kư̆m năm hăm nhôn mơ̆n. Na thŏng-nan nhôn ei năm đơ̆ng Pơlei Sêsarê.

Jang 4:36

Đei minh 'nu bơngai anăn sư Yôsep mă-lei lu bơngai jơ̆ng 'bang Yêsu anăn sư 'Barna'ba wă khan bơngai pơlung đe, pơhiôk jơhngơ̆m đe. Sư adrĕch adrung Lêwi sơ̆ mă-lei mĕ sư tơpŭ tơ dêh Chiprơ.

Rom 16:7

Inh đei nơ̆r jet gia bre Andrônik păng Junnia, bre sư 'nhŏng oh inh; sơ̆ bre sư kư̆m oei tơ lăm hnam phak hơdai hăm inh. Lu jơ̆ng 'bang Yêsu Krist kư̆m ư-ang kơ bre sư mơ̆n. Bre sư lui kơ Yêsu Krist hơdrol kơ inh.

II Tim 4:11

Dang ei đei minh 'nu Luka đĕch oei păng inh. Ih pơtơm ba Markôs mơ̆n hŏ na biĕm năm tơ inh tơ âu yua kơ sư gơh tơgŭm inh tơpă gah jang tơdrong 'Bok Kei-Dei.

Phil 1:23

Âu Êpapra sư kư̆m oei lăm hnam phak thoi inh mơ̆n kơlih kơ sư lui kơ Kră Yang Yêsu Krist păng dôm lu bơngai rơngei jang hơdai păng inh, anăn sư Markôs, Aritak, Đêmas, Luka, dôm lu sư âu kư̆m đei nơ̆r jet gia ih mơ̆n.

I Pet 5:13

Lu bơngai lui tơ Pơlei Babilôn nhôn, 'Bok Kei-Dei rơih iŏk lu sư thoi sư rơih lu iĕm mơ̆n, lu sư đei nơ̆r jet gia pơma dơnuh păng iĕm. Markôs sư dang kon inh, sư hơdai lei-lăi jet gia iĕm mơ̆n.