Ju 1:8 - Sơ̆p Hlabơar Nơ̆r 'Bok Kei-Dei

⁸ Na lu bơngai mă pơhlŭ iĕm noh, lu sư khan lu sư apo 'bôh tơdrong sĭt tơdrong trŏ khan pơm kư̆ kă kư̆m bưh, ưh kơ chu yom kơ yŏng bơ̆n kư̆m bưh, pơma kơnê̆ kơ lu linh jang kư̆m bưh.

Ju 1:8 Kruisverwysings

Bl 3:5

Mă-lei Kră Yang 'Bok Kei-Dei băt layơ măr iĕm sa plei 'long noh, măr iĕm gô hlôh thoi Kră Yang 'Bok Kei-Dei, băt tơdrong 'lơ̆ng păng tơdrong kơnê̆.”a

Le 22:28

Ih 'nĕ kơ pơma kơnê̆ 'bơm Kră Yang 'Bok Kei-Dei păng kư̆m 'nĕ kơ hiap pơtê̆ yŏng pơlei pơla ih.

Tơdrông Pơđơk 30:11

Đei bơngai mơ'nah hiap 'bă lu sư, Păng kư̆m ưh kơ sơkat pŭn hiôk kơ mĕ lu sư.

Tơdrông Pơđơk 30:17

Măt blei hiap 'bă, Kuă kơ chu yom nơ̆r mĕ sư, Sem ak đơ̆ng thŭng gô choh iŏk măt noh, Păng sem grơ̆ gô sa măt noh.

Bôk Bơthô 10:20

Mă khan lăm tơdrong ih tơchĕng, ih 'nĕ kơ hiap pơtê̆ pơtao ôh; mă khan lăm anih ih tep, ih kư̆m 'nĕ kơ hiap lu bơngai mơdrŏng mơng; yua kơ lu sem păr anhăk pơđông roi tơdrong ih pơm tơ ataih.

Jo 16:3

na khan: Lê̆ pă yua kơ đĭ-đăng khŭl kon pơlei 'lơ̆ng rơgoh ngăl păng Kră Yang oei lăm lu sư. Yua kơ kiơ lu iĕm oei wă pơang kơdih tơ kơpal lu bơngai Kră Yang đei akŭm?

Luka 11:25

Lăp sư brŏk, sư 'bôh bơngai đêl sư oei noh thoi hnam đe sơpuih hơmet lê̆ 'lơ̆ng boih mă-lei ưh kơ đei Yang Bơhngol 'Lơ̆ng oei.

Luka 12:11

“Mưh đe rôp iĕm wă sek tơlang iĕm tơ hnam akŭm đe Juđê, dah pơjao iĕm kơ lu 'bok tih sek tơlang, lei iĕm 'nĕ mah tơchĕng kơ tơdrong iĕm wă pơma dŏng akâu iĕm kơdih 'bơ̆t anăp lu sư hŏ,

Luka 19:14

Đe băt kơ sư năm boih na lu tơring tơrang hil areh kơ sư, đe ưh kơ wă kơ sư pơm pơtao kơ lu sư; na lu sư wơh đe pơtruh kơ 'bok pơtao tơm, lu tơring tơrang ưh kơ wă kơ bơngai noh pơm pơtao lu sư.

Jang 23:5

Pôl khan: “Ơ lu 'nhŏng oh, inh ưh kơ băt kơ sư 'bok soi tơm ôh. Inh băt mơ̆n sơ̆p hla bơar 'Bok Kei-Dei chih athei bơ̆n 'nĕ pơma hơwĕng kơ kră pơgơ̆r lu bơ̆n.”

Jang 7:27

Mă-lei bơngai mă đei tơdrong yoch ei tơweh Môis păng khan: ‘Bu athei ih tŏk pơgơ̆r nhôn păng tơdrong sek tơlang kơ nhôn tơ âu?

Jang 7:39

“Mă-lei lu kơdră bơ̆n sơ̆ ưh kơ chu kơ Môis ôh, ưh kơ wă kơ Môis pơgơ̆r lu sư. Lu sư 'maih wih tơ dêh Êyiptơ đĕch.

I Kor 3:17

Yua kơ thoi noh boih na dah bu pơrăm hnam 'Bok Kei-Dei, 'Bok Kei-Dei gô pơrăm akâu sư mơ̆n, yua kơ hnam 'Bok Kei-Dei noh tơmam Sư kơdih tơpă, wă khan iĕm âu boih hnam 'Bok Kei-Dei.

I Tes 4:8

Thoi noh boih na bơngai bu mă ưh kơ chu iŏk nơ̆r nhôn bơtho âu, bơngai 'noh sư ưh kơ chu nơ̆r 'Bok Kei-Dei, yua kơ nhôn bơtho nơ̆r 'Bok Kei-Dei tơpă. 'Bok Kei-Dei ăn kơ iĕm Yang Bơhngol 'Lơ̆ng Sư, na iĕm athei pơm 'lơ̆ng tơpăt.

I Tim 1:10

lu bơngai ngôi pơyô kư̆ kă, lu bơngai tơduă drŏ-nglo tơngôi băl, lu bơngai chă rôp tĕch đe, lu bơngai chă hơlĕnh kơ đe, lu bơngai jâu pơlơ̆m kơ đe, hăm dôm lu bơngai hŭt lê̆ tơdrong 'lơ̆ng tơpăt.

Hêbrơ 13:17

Iĕm athei yom kơ bơngai mă pơgơ̆r iĕm, yua kơ sư adrin wei-lăng tơdrong lui iĕm, dang lĕ kơ wei-lăng bơhngol iĕm. Tơ̆ng sư wei-lăng ưh kơ 'blep, 'Bok Kei-Dei kư̆m chrih kơ sư mơ̆n. Iĕm athei yom kơ sư na sư jang hiôk kơ jơhngơ̆m huay kơ sơ'ngon. Tơ̆ng sư sơ'ngon, noh ưh kơ pơyua iĕm boih.

I Pet 2:17

Bơ̆n athei pơhiôk jơhngơ̆m đe ling-lang, băt 'mêm mơnat kơ lu 'nhŏng oh bơngai lui, chu kơ 'Bok Kei-Dei hli kơ bơ̆n pơm ưh kơ lăp kơ Sư păng bơ̆n athei chu yom kơ 'bok pơtao tơm mơ̆n.