Ju 1:5 - Sơ̆p Hlabơar Nơ̆r 'Bok Kei-Dei

⁵ Dôm tơdrong lu kră sơ̆ iĕm băt boih, mă inh wă tơ'blŏk kơ iĕm dơ̆ng. Sơ̆ 'Bok Kei-Dei dŏng pơklaih lu bơngai Isơrael đơ̆ng dêh Êyiptơ, mă-lei đơ̆ng rŏng kơ noh, Sư kư̆m đei pơlôch lu bơngai Isơrael mơ'nah ưh kơ chu lui.

Ju 1:5 Kruisverwysings

Horiso 106:26

Na Kră Yang yơ̆r ti pơkăm khan: “Sư gô pơrăm lu sư pơ̆k lôch tơ lăm char 'blach,

Le 12:51

Kŭm lăm năr 'noh Kră Yang chông tơlĕch pơklaih kon pơlei Isơrael, kiơ̆ kơ khŭl linh, lĕch đơ̆ng dêh Êyiptơ.

Rom 15:15

Mă-lei inh pơ̆n bơtho iĕm yua kơ Sư rơih iŏk inh wă kơ inh jang tơdrong Sư, bơtho lu bơngai tơmoi khŭl iĕm. Thoi noh na inh pơ̆n chih kơ iĕm 'bar pêng tơdrong kơ âu boih wă kơ iĕm 'blŏk hơdơ̆r kơ tơdrong Sư.

Both 1:32

Mă-lei lu iĕm oei ưh kơ lui kơ Kră Yang 'Bok Kei-Dei lu iĕm 'mơ̆i.

Hêbrơ 3:16

Kơplah noh sơ̆ đei lơ bơngai kơtơ̆ng nơ̆r 'Bok Kei-Dei boih, mă-lei lu sư ưh kơ chu. Lu bơngai noh boih Môis anhăk đơ̆ng dêh Êyiptơ.

II Pet 3:1

Ơ lu 'nhŏng oh mă inh 'mêm kơeng, kơthơ âu, kơthơ mă 'bar inh chih hơpong kơ iĕm. Inh chih 'bar 'măng kơ âu ưh kơ đei chih tơdrong nai ôh; inh chih tă tơ'blŏk kơ iĕm tơdrong 'Bok Kei-Dei ngăl, wă pơlung iĕm wă kơ iĕm pơm đon 'lơ̆ng tơpăt.

I Yo 2:20

Gah iĕm, Yêsu Krist mă 'lơ̆ng tơpăt, Sư ăn kơ iĕm Yang Bơhngol 'Lơ̆ng na đĭ dôm iĕm băt nhên tơpă gah tơdrong 'Bok Kei-Dei.

I Yo 2:21

Inh chih ăn kơ iĕm kơthơ âu ưh kơ sĭ khan iĕm ưh kơ băt tơdrong 'Bok Kei-Dei ôh. Inh chih ăn kơ iĕm kơthơ âu yua kơ iĕm băt tơdrong 'Bok Kei-Dei tơpă păng iĕm kư̆m băt tơdrong 'Bok Kei-Dei ưh kơ hơlĕnh ôh.