Jôsuê 7:8 - Sơ̆p Hlabơar Nơ̆r 'Bok Kei-Dei

⁸ Ơu! Ơ Kră Yang! Lei inh wă gơh pơma liơ dơ̆ng? Kon pơlei Isơrael đe đĭ druh blah.

Jôsuê 7:8 Kruisverwysings

Esơra 9:10

Dang ei, ơ Kră Yang 'Bok Kei-Dei lu nhôn! Nhôn wă gơh pơma kiơ dơ̆ng yua kơ tơdrong truh boih? Yua kơ lu nhôn đei sơngah boih kơ nơ̆r Ih tơtă.

Horiso 44:10

Ih pơm ăn kơ lu nhôn kơdŭn 'bơ̆t anăp lu ayăt, Păng lu areh kơ nhôn, tơgar iŏk tơmam đơ̆ng lu nhôn

Horiso 89:43

Tơpă Ih plơ̆ lê̆ pla đao sư, Ưh kơ đei tơgŭm sư wă kơ kĕ dơ̆ng tơblah,

Habakuk 2:1

Inh gô dơ̆ng 'bơ̆t anih gak, 'bŭ jơ̆ng inh lăm kơđông kơjăp, răp lăng Kră Yang Sư pơma khan kơ inh tơdrong kiơ păng inh wă drơ̆ng Sư thoi yơ kơ tơdrong inh apinh Sư noh.

Jôsuê 7:7

Jôsuê khan: Ô Kră Yang inh, liơ mă Kră Yang ăn kon pơlei âu tŏk hlôi kơ đak Krong Jôrđăn, wă jao ăn lu nhôn răm lăm ti lu bơngai Amôrit pơlôch đĭ. Ô kuă kơ kiơ lê̆ lăi lu nhôn hiôk oei gah to kơ đak Krong Jôrđăn!

Jôsuê 7:9

Tơdah kon pơlei Kanaan păng đĭ-đăng kon pơlei oei lăm char âu, gô kơtơ̆ng tơdrong âu, lu sư gô wang nhôn păng sŭt lê̆ anăn lu nhôn đơ̆ng teh âu, lei Ih wă pơm thoi yơ, yua kơ Anăn Ih Tih hloh.

I Sam 4:3

Wă kon pơlei mă oei arih brŏk tơ kơđông linh, lu đe kră Isơrael khan: Yua kơ kiơ năr 'nâu Kră Yang ăn kơ đe Philistin tơblah pơrăm lu bơ̆n? Lu bơ̆n năm tung iŏk Hom Pơgơ̆p Kră Yang đơ̆ng Silô; brŏk tơ âu Sư gô oei hơdai bơ̆n dŏng pơklaih lu bơ̆n đơ̆ng ti lu bơngai ayăt kơ bơ̆n!