Jôsuê 3:3 - Sơ̆p Hlabơar Nơ̆r 'Bok Kei-Dei

³ Pơkă kơ kon pơlei: Tơdah lu iĕm 'bôh lu 'bok soi, adrĕch Lêwi tung Hom tơdrong pơgơ̆p Kră Yang 'Bok Kei-Dei lu iĕm, iĕm athei iung weh đơ̆ng anih iĕm oei kiơ̆ đơ̆ng rŏng.

Jôsuê 3:3 Kruisverwysings

II Sam 6:13

Lăp lu bơngai tung Hom pơgơ̆p Kră Yang 'Bok Kei-Dei năm tơdrâu yak na Đawit pơyơ̆r minh pôm rơmo tơno păng rơmo kon bek pơm tơmam soi.

II Sam 6:3

Lu sư tah Hom pơgơ̆p Kră Yang 'Bok Kei-Dei kơpal gre 'nao, iŏk đơ̆ng hnam Abinađap oei kơpal groi. Usa păng Ahiô, kon tơdăm Abinađap, chĕp gre 'nao noh.

I Pot 8:3

Kơplah lu kră pơlei Isơrael truh, lu 'bok soi tung hloi Hom Pơgơ̆p Kră Yang.

Je 33:18

Lu 'bok soi bơngai Lêwi kư̆m ưh kơ khăi ôh wă dơ̆ng soh pơyơ̆r tơmam soi 'buh, păng tơmam soh pơyơ̆r phe 'ba păng tơmam soi pơyơ̆r nai 'bơ̆t anăp Inh.

Jo 10:33

Thoi noh, kon pơlei bơngai Isơrael yak năm đơ̆ng kông Kră Yang, pêng năr kơ trong; hom tơdrong pơgơ̆p Kră Yang yak adrol kơ lăm pêng năr kơ trong 'nâu, wă chă anih ăn kơ kon pơlei pơdơh.

Jo 4:15

Đang kơ Arôn păng lu kon drŏ-nglo sư chô̆ chôm đĭ tơmam lăm anih rơgoh boih, na đe pôk bơsŭn noh yak, na lu kon sâu Kôhat năm tung iŏk lu tơmam noh; lu sư ưh kơ gơh kơ hơtŭt 'bơm ôh tơmam rơgoh noh, kơnh lu sư lôch. Tơmam lăm Bơsŭn Anih Akŭm, tơmam noh mă lu kon sâu Kôhat athei tung.

Mathiơ 16:24

Klaih kơ noh Yêsu khan kơ lu bơngai pơhrăm păng Sư: “Dah bơngai bu wă kiơ̆ Inh, sư athei tŭk đĭ tơdrong sư kơdih păng tôi kơdih 'long pơglang chu lôch yua kơ wă kiơ̆ Inh.

Mathiơ 8:19

Lăp lu sư wă yak đei minh 'nu thây bơtho tơdrong juăt đe Juđê apinh Sư: “Ơ 'Bok Thây, mă Ih năm tơ yơ yơ, inh wă kiơ̆ Ih ngăl.”

Both 31:25

Na Môis athei lu bơngai Lêwi tung Hom Tơdrong Pơgơ̆p Kră Yang;

Both 31:9

Môis chih khôi juăt 'nâu, pơjao ăn kơ lu 'bok soi, kon drŏ-nglo bơngai Lêwi lu bơngai tung Hom Tơdrong Pơgơ̆p Kră Yang păng pơjao ăn kơ đĭ-đăng lu kră bơngai Isơrael.

Jôsuê 3:4

Mă-lei yak ataih băl sơlam lu iĕm hăm Hom tơdrong pơgơ̆p Kră Yang noh dang 'bar-rơbâu hơgăt; 'nĕ kơ yak jê̆, wă kơ lu iĕm băt kơ trong yak; yua kơ lu iĕm ưh tam lah yak trong noh.

Jôsuê 3:6

Jôsuê khan lu 'bok soi: Lu iĕm athei tung Hom Pơgơ̆p Kră Yang năm adrol kơ lu kon pơlei. Lei na lu 'bok soi tung hom tơdrong pơgơ̆p Kră Yang yak adrol kơ kon pơlei.

Jôsuê 3:8

Ih athei khan kơ lu 'bok soi tung Hom Pơgơ̆p: Lăp lu iĕm truh 'bơ̆t jih đak Krong Jôrđăn lu iĕm jur dơ̆ng tŏk-bŏk đak krong.

Jôsuê 4:10

Lu 'bok soi tung Hom Pơgơ̆p dơ̆ng tŏk-bŏk đak Krong Jôrđăn dĭng truh keh tôm tơdrong mă Kră Yang đei athei Jôsuê khan ăn kơ kon pơlei, kiơ̆ thoi Môis đei pơkă kơ Jôsuê, kon pơlei yak hăt hot hlôi kơ đak krong.

Jôsuê 6:6

Thoi noh Jôsuê kon drŏ-nglo Nun, krao lu 'bok soi na khan: Tung bĕ Hom Pơgơ̆p păng tơpơh 'nu 'bok soi năm adrol kơ Hom Pơgơ̆p Kră Yang, chĕp tơpơh tŏ tơgiĕp.

Tơdrông Tơ'bôh 14:4

Lu sư bơngai rơgoh 'lơ̆ng ngăl ưh kơ đei kiơ̆ lu bơngai ưh kơ lui pơm yoch ôh. Lu sư thoi bơngai drŏ-nglo mă ưh kơ pơ̆n ngôi jê̆ bơngai drŏ-kăn, thoi bơngai drŏ-kăn mă ưh kơ pơ̆n ngôi jê̆ hăm bơngai drŏ-nglo. Kon Triu 'Bok Kei-Dei năm tơ yơ lu sư kiơ̆ tơ noh, yua kơ 'Bok Kei-Dei huai iŏk lu sư đơ̆ng khŭl kon bơngai, na lu sư dang tơmam đe pơyơ̆r ăn kơ 'Bok Kei-Dei păng pơyơ̆r ăn kơ Kon Triu.

I Sam 6:15

Lu bơngai Lêwi iŏk tung tơjur Hom Pơgơ̆p păng hôp tah rup yang păng maih noh dan kơpal tơmo tih noh. Lu bơngai pơlei Bêt Sêmes pơyơ̆r tơmam soi 'buh ăn kơ Kră Yang lăm char noh.