Jôsuê 19:8 - Sơ̆p Hlabơar Nơ̆r 'Bok Kei-Dei

⁸ Đĭ-đăng pơlei iĕ oei jum dăr kơ pơlei tih ei truh tơ Balat Ber, wă khan Rama pah gơal, noh boih teh jang sa adrĕch Simêôn, kiơ̆ kơ adrĕch adrung lu sư.

Jôsuê 19:8 Kruisverwysings

I Ho 4:33

Đei lu pơlei iĕ oei tăp dăr kơ pơlei tih 'nâu truh tơ Baal noh boih anih lu sư oei păng lu sư đei chih răk đĭ adrĕch adrung lu sư,

Jôsuê 19:7

Ain, Rimmôn, Ether păng Asan: Đĭ-đăng puăn tŏ pơlei tih hăm pơlei iĕ lu sư.

Jôsuê 19:9

Teh jang sa lu bơngai Simêôn iŏk minh đơ̆ng lăm teh lu bơngai Juđa; yua kơ teh lu bơngai Juđa jang sa să dêh; thoi noh lu bơngai Simêôn đei teh jang sa tŏk-bŏk lu Juđa.

I Sam 30:27

Đawit asong ăn kơ lu bơngai kră mă oei tơ Bethel, Ramôt tơ Negep păng Jatir.