Jôel 3:5 - Sơ̆p Hlabơar Nơ̆r 'Bok Kei-Dei

⁵ yua kơ lu iĕm đei iŏk boih hu păng maih Inh, chĕp ba boih dôm tơmam gĭt đơ̆ng Inh na tah tơ lăm hnam yang lu iĕm.

Jôel 3:5 Kruisverwysings

II Pot 12:18

Jôas, pơtao đe Juđa, iŏk đĭ dôm tơmam 'lơ̆ng rơgoh lu 'bok kơdră sư sơ̆ 'bok Jêhôsaphat, Jêhôram, păng Ahasia, lu sư noh pơtao đe Juđa, tơmam noh lu sư hlôi 'măn lê̆ 'lơ̆ng rơgoh, Jôas kư̆m iŏk tơmam 'lơ̆ng rơgoh sư kơdih păng iŏk đĭ maih lăm hnam mong tơmam lăm hnam akŭm kơkuh kơ Kră Yang păng đơ̆ng hnam pơtao, na pơyơ̆r ăn kơ Hasael pơtao đe Aram, yua kơ tơdrong noh, na Hasael chu weh đơ̆ng Pơlei Jêrusalem.

II Pot 16:8

Ahas kư̆m iŏk hu, maih đơ̆ng lăm Hnam akŭm kơkuh kơ Kră Yang păng đơ̆ng lăm hnam mong tơmam lăm hnam pơtao, chĕp ba tơmam noh ăn kơ pơtao đe Asiri.

II Pot 24:13

Thoi nơ̆r Kră Yang hlôi khan, pơtao Babilôn iŏk lê̆ đĭ dôm lu tơmam kăp đơ̆ng lăm hnam akŭm kơkuh kơ Kră Yang păng dôm lu tơmam gĭt đơ̆ng lăm hnam pơtao, teng iŏk lu tơmam yua lăm hnam akŭm kơkuh kơ Kră Yang mă Sôlômôn pơtao đe Isơrael hlôi pơm hăm maih.

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.

Je 23:7

Kră Yang khan: “Lei na gô đei năr truh tơ anăp, kơplah noh đe ưh pă đei pơma pơkăm pơkă thoi âu dơ̆ng: ‘Sĭt tơpă thoi Kră Yang arih, Kră Yang mă đei pơklaih adrĕch adrung Isơrael đơ̆ng char Êyiptơ.’

Je 50:28

Mơ̆ng bĕ, nơ̆r krao ôr đơ̆ng lu bơngai kơdâu klaih hlôi đơ̆ng dêh char Babilôn, Roi tơbăt lăm pơlei Siôn. Tơdrong Kră Yang, 'Bok Kei-Dei lu bơ̆n, Sư pơm 'mong hnam Sư.

Je 51:11

Maih bĕ 'brơ̆m tah 'bĕnh kơ jŏ chĕp bĕ khêl, Kră Yang pơdrŭt jơhngơ̆m lu pơtao char Mêđi, Iung blah dêh char Babilôn, Trŏ kơ Kră Yang pơlôch pơrăm sư. 'Nâu boih Kră Yang pơm tơwih. Sư pơm 'mong kơ hnam Sư.

Êsêkiên 37:12

Na, khan lê̆ adrol bĕ, khan kơ lu sư: ‘Kră Yang khan thoi âu: Ơ kon pơlei Inh, Inh gô pơih bơsat lu iĕm, wă hơtŏk lu iĕm đơ̆ng lăm bơsat păng Inh anhăk ba lu iĕm brŏk tơ teh đak Isơrael.

Da 11:38

Mă-lei sư gô oei dơ̆ng tơ anih sư kơdih na sư gô kơkuh kơ yang lu kơđông, sư gô iŏk Hu, Maih, Tơmo gĭt păng dôm lu tơmam 'lơ̆ng rŏ, na kơkuh kơ yang mă 'bok yă sư ưh kơ băt.

Ob 1:17

Mă-lei gô đei dôm lu bơngai gơh klaih oei tơ kông Siôn, kông noh jing 'lơ̆ng rơgoh pơm anih akŭm păng hnam Jakôp gô đei yua jang sa sư kơdih.