Jôel 3:18 - Sơ̆p Hlabơar Nơ̆r 'Bok Kei-Dei

¹⁸ Lăm năr noh, lu kông gô lĕch ro đak sik 'ngam, đak toh ro lĕch đơ̆ng lu bŏl kông groi, tơ rim thong đak Juđa gô đei đak ro. Minh pôm tu đak gô lĕch đơ̆ng hnam Kră Yang păng ro ruh tơ lăm thŭng hrĕng Sitim.

Jôel 3:18 Kruisverwysings

Jop 29:6

Kơplah jơ̆ng inh yak tong lăm đak toh, Păng đak rơmă ôliwơ lĕch ro thoi glung đơ̆ng tơpăl tơmo hmĕt.

Horiso 46:4

Đei đak glung krong ro sư wă pơm chơt hiôk ăn kơ pơlei Kră Yang 'Bok Kei-Dei. Jơ̆ anih rơgoh, pơlei mă Kră Yang Tih Hloh oei,

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Êsai 30:25

Truh kơ năr 'bet pơlôch băl tih, kơplah noh lu kơđông tih kơjăp pơchah, tơ rim kông kơjung rim groi gô đei lu glung đak ro.

Êsai 35:6

Kơplah noh lu bơngai jopo gô pơplŏng nhen juei. Hơpiĕt lu bơngai kơmlo gô gơh hơri chơt hiôk. Gô đei đak ro tơ char glă, păng lu glung đak gô ro lăm bri brah.

Êsai 44:3

Inh gô tuh ăn đak tơ tơring char rơhing. Ăn đak glung ro tơ anih hrĕng kro, Inh gô tuh Yang Bơhngol Inh tơ adrĕch adrung lu iĕm, Inh gô ăn pŭn hiôk kơ lu kon sâu iĕm.

Êsai 45:8

Ơ lu plĕnh tơ kơpal ti, ăn bĕ hơmơ̆l tuh tơdrong 'lơ̆ng tơpăt thoi 'mi. Ơ teh pơih bĕ mă să, wă kơ găr tơdrong dŏng pơklaih, păng găr tơdrong 'lơ̆ng tơpăt chăt bluh tơmơ̆ng! Inh bơih Kră Yang Tơ'ngla pơjing tơdrong noh.

Êsai 55:1

“Ơ lu bơngai mă rơhing kơ đak, năm bĕ tơ đak! Păng bơngai bu ưh kơ đei jên, năm bĕ răt na sa, năm bĕ răt tơdrô păng đak toh mă ưh kơ kăl hăm jên, ưh kơ đei huach kơ răt.

Êsai 66:11

Wă kơ lu iĕm gô chơt hiôk lăm tơdrong ư-ang Sư thoi kon hơ'lơ̆p phĭ hrăp rơkah rơkai đơ̆ng mŏm toh mĕ sư.”

Je 31:12

Lu sư gô năm hơri hiôk chơt tơ anih kơjung kơpal kông Siôn; muh măt lu sư chơt hiôk đơ̆ng Kră Yang ăn pŭn hiôk rơkah rơkai: 'Ba mi, sik hơmu, đak rơmă ôliwơ, kon triu, bơbe, sem dơrong, Jơhngơ̆m lu sư thoi pơgar đak hngôm hơiuh, ưh pă đei sơ'ngon kơ kiơ dơ̆ng.

Mi 6:5

Ơ kon pơlei pơla Inh, athei 'blŏk bĕ kơ Balak pơtao Môap đei chă đon kơnê̆ păng nơ̆r Balaam kon drŏ-nglo Bêôr tơl lu sư; athei 'blŏk bĕ kơ tơdrong Inh đei pơm đơ̆ng Sitim truh tơ Gilgal, wă kơ ih băt tơdrong 'lơ̆ng tơpăt Kră Yang!

Sa 14:8

Lăm năr noh đak tơdrong arih gô lĕch ro đơ̆ng pơlei Jêrusalem, minh trong noh ro tơ đak dơsĭ gah hơlĕch, minh trong gô ro tơ dơsĭ gah bơmơ̆t, lăm bơyan 'mi hăm bơyan phang tă kơ đei ngăl.

Jo 25:1

Kơplah lu bơngai Isơrael oei 'bơ̆t Sitim lu kon pơlei pơtơm ngôi kư̆ kă hăm lu drŏ-kăn Môap.