Jôel 3:15 - Sơ̆p Hlabơar Nơ̆r 'Bok Kei-Dei

¹⁵ Măt 'năr măt khei jing măng mu, lu sơnglŏng pă hơdah dơ̆ng.

Jôel 3:15 Kruisverwysings

Bôk Bơthô 12:2

Adrol kơ măt 'năr, măt khei, lu sơnglŏng ưh pă hơdah dơ̆ng păng hơmơ̆l đông hơlơ̆k đơ̆ng rŏng kơ 'mi.

Êsai 13:10

Lu sơnglŏng păng khŭl sơnglŏng rang tơ kơpal plĕnh ti ưh pă pơchrang hơdah dơ̆ng bơih. Măt 'năr lĕch ră mă kư̆m oei măng mu, măt khei kư̆m ưh pă pơchrang hơdah dơ̆ng mơ̆n.

Êsêkiên 32:7

Kơplah Inh pơlôch ih, Inh pĕng klơ̆p lê̆ plĕnh pơm kơ sơnglŏng măng mu. Inh gô pĕng klơ̆p lê̆ măt 'năr hăm hơmơ̆l păng măt khei kư̆m ưh kơ đei hơdah dơ̆ng.

Jôel 2:10

Teh đak tơdrŏ 'bơ̆t anăp lu sư, plĕnh kư̆m pơpơ̆, măt 'năr măt khei jing măng mu, lu sơnglŏng ưh pă pơchrang hơdah dơ̆ng.

Jôel 2:31

Măt 'năr gô măng mu, măt khei gô jing thoi pham, adrol kơ năr krưp tih Kră Yang truh.

Mathiơ 24:29

“Đơ̆ng rŏng kơ tơdrong anat noh boih măt 'năr gô măng mu, măt khei ưh kơ hơdah, sơnglŏng gô huŏng đơ̆ng plĕnh.

Markôs 13:24

“Đơ̆ng rŏng kơ tơdrong anat noh boih măt 'năr gô măng mu, măt khei ưh kơ hơdah.

Tơdrông Tơ'bôh 8:12

Linh jang mă puăn hlôm keng, đei minh pah lăm pêng pah măt 'năr, đei minh pah lăm pêng pah măt khei, đei minh pah lăm pêng pah lu sơnglŏng jing măng mu minh pah. Đĭ lu sư jing ưh pă gan hơdah boih; 'noh jĭ kơ'năr ră, rai kơmăng rai loi.