Jôel 2:8 - Sơ̆p Hlabơar Nơ̆r 'Bok Kei-Dei

⁸ Lu sư yak năm huay kơ hơtŭt băl, yak kiơ̆ tơklă anăp kơdih kơdih, lu sư kơdâu rok trong anih đei tak hơlă ưh kơ đei lê̆ trong sư kơdih.

Jôel 2:8 Kruisverwysings

II Ho 23:10

Sư ăn kơ lu linh noh chĕp khêl đao dơ̆ng tăp dăr kơ pơtao, iŏk đơ̆ng gah yă-nơ̆m kơ hnam akŭm truh tơ gah gơal kơ hnam akŭm jê̆ chơnang soi.

II Ho 32:5

Sư adrin, man tơiung ming dur mă đĭ păk hơlih lap gleh tơpă; hăm man lu hnam thôt kơpal noh! Sư kư̆m man minh tăl dur plơ̆ng tơ đaih kơ pơlei noh. Sư kư̆m man ming kơjăp Milô pơlei Đawit păng tuh hơjơ̆m lơ khêl đao tơmam tơblah.

Ne 4:17

Lu bơngai mơ'nah man hơmet ming dur, lu bơngai mơ'nah tung hơnong pơdŭ păng lu bơngai hơtŏk tơ kơpal, minh pah ti bơ̆jang minh pah ti chĕp tơmam tơblah.

Ne 4:23

Inh, lu 'nhŏng oh inh, dôm lu bơngai đĭch đam inh, hăm lu linh wei gak kiơ̆ inh hai, ưh kơ đei bơngai bu mă gơh plôh ao lu sư, rim 'nu 'băk khêl đao, hơlă tơmam tơblah sư kơdih.

Jop 33:18

Wă dŏng pơklaih bơhngol lu sư đơ̆ng sơlŭng jrŭ, Wă wei tơdrong arih huay kơ lôch răm kơ đao gưm.

Jop 36:12

Mă-lei tơdah lu sư ưh kơ wă mơ̆ng gô lôch kơ đao gưm. Lu sư gô lôch yua kơ ưh kơ hlôh kơwao.

Tơdrông Pơđơk 30:27

Lep ưh kơ đei pơtao ră, Mă-lei lu sư oei hơdrŭm tơpôl;

Hơri Hiôk 4:13

Đĭ 'long ih jing minh hlak pơgar, Plei 'long gărnăt păng đei plei sa 'ngam 'lơ̆ng. Thoi lu pơkao hêna păng 'long 'bâu phu.

Êsai 5:27

Lăm lu sư ưh kơ đei minh 'nu bơngai bu gleh lap, kơtơih pơ̆k, ưh kơ đei bơngai bu tep kơkôi păng tep blêk; ưh kơ đei bơngai bu tơlei tơ̆n sư tơyaih dah tơlei chơkhŏ sư kơtĕch.

Jôel 2:7

Lu sư kơdâu tơpăt anăp thoi bơngai năm tơblah pran; lu sư hao dur pơlei thoi lu linh tơblah; rim 'nu lu sư năm tơ anăp, lu sư năm ưh kơ đei weh ôh đơ̆ng trong khŭl sư.

Jôel 2:9

Lu sư yak trong tơklă pơlei tih, kơdâu rok kơpal dur, mơ̆t tơ lăm hnam, mơ̆t trong 'măng-'mŏk thoi lu đe tơtông.