Jôel 2:2 - Sơ̆p Hlabơar Nơ̆r 'Bok Kei-Dei

² Wă khan năr măng klăm măng mu gueo, năr hơmơ̆l găm păng tŭk hơ'bơ̆l gom kông. Đei minh adrĕch adrung tih păng pran kơtang truh thoi hơdah pơgê hrôih pơchrang jơ̆p kơpal kông. Đơ̆ng sơ̆ tam biơh đei, mă truh tơ ning-mônh kư̆m ưh kơ đei lu adrĕch bơngai thoi lu sư noh.

Jôel 2:2 Kruisverwysings

Horiso 10:6

Sư tơchĕng lăm jơhngơ̆m khan: “Inh ưh pă tơdrŏ tơdrĕnh; Lăm chăl inh ưh kơ đei tơdrong kiơ truh gleh.”

Horiso 97:2

Hơmơ̆l păng măng mu gom tăp dăr kơ Sư; Tơdrong tơpăt tơdrong hơnơ̆ng pơm hơnă tang-dŏ pơtao Sư.

Le 10:14

Lep jruh jơ̆p-jang lăm dêh Êyiptơ, sư jur 'bĕnh-'bang tơ lăm dêh noh. Lơlap lơlang, ưh tam mă đei ôh lep đơ̆ng sơ̆ khơ̆ ning-mônh đei lơ thoi noh.

Le 10:6

lep gô mơ̆t 'bĕnh lăm hnam ih, lăm hnam đĭch đam ih păng lăm hnam dơnŏ lu bơngai Êyiptơ: Lu đe yă, 'bok, kư̆m ưh tam lah 'bôh ôh đơ̆ng sơ̆ khơ̆ dang ei đei tơdrong truh thoi 'nâu. Na Môis lĕch wih đơ̆ng Pharaôn.

Le 20:21

Na kon pơlei dơ̆ng đơ̆ng ataih, Môis năm jê̆ hơmơ̆l hơ'bơ̆l mă Kră Yang 'Bok Kei-Dei oei lăm noh.

Êsai 5:30

Lăm năr noh lu sư ôr thoi jơwa đak dơsĭ poh-yă, tơdah đe tơmang lăng tơ teh noh măng mu păng răm rai ngăl, mă lu tơdrong hơdah hơmơ̆l găm klơ̆p lê̆ đĭ.

Êsai 8:22

Đơ̆ng noh kŭp kơ̆l lăng tơ teh 'bôh tơdrong pơmat-tat măng mu, 'bôh tơdrong ơh sơ'ngon tơhuŏng lê̆ lu sư kơdih tơ anih măng mu gueo.

Je 13:16

Ư-ang bĕ kơ Kră Yang 'Bok Kei-Dei iĕm, adrol kơ Sư wă ăn măng mu truh, adrol kơ jơ̆ng lu iĕm kơtơih 'bơm kông măng mu gueo. Kơplah lu iĕm chă hơdah ră, Sư tơplih tă tơ măng mu, Sư gô ăn kơ măng mu jing măng klăm hơ'bơ̆l gueo.

Je 13:6

Đunh năr 'biơ̆ đơ̆ng rŏng kơ noh, Kră Yang khan kơ inh: “Iung bĕ năm tơ đak Krong Ơphrat na iŏk dơ̆ng che tơ̆n kơiĕng mă Inh đei athei ih ôn tơ noh ki.

Nhom 1:12

Ơ lu bơngai chă yak drong găn, bơ̆n hăm pă tơ'bưh hah? Lăng bĕ hăm tơdrong kiơ ơh sơ'ngon; Hli kơ thoi inh đei ơh sơ'ngon. Mă? Kră Yang đei pơm pơmat inh boih; Lăm năr Sư hil.

Êsêkiên 32:7

Kơplah Inh pơlôch ih, Inh pĕng klơ̆p lê̆ plĕnh pơm kơ sơnglŏng măng mu. Inh gô pĕng klơ̆p lê̆ măt 'năr hăm hơmơ̆l păng măt khei kư̆m ưh kơ đei hơdah dơ̆ng.

Êsêkiên 34:12

Thoi bơngai wei triu oei hơdai triu păng jô̆ lăng khŭl triu hiong, Inh kư̆m jô̆ lăng khŭl triu Inh; Inh gô dŏng pơklaih lu sư đơ̆ng rim anih mă lu sư tơklah tơklang lăm năr măng mu gueo.

Êsêkiên 38:9

Ih gô năm tơ anăp blah nhen thoi kial hơbŭt, thoi hơmơ̆l gom lê̆ teh noh, ih păng lu linh hăm lơ adrĕch adrung kiơ̆ ih.

Da 12:1

Lăm chăl noh, Mikael, Linh jang tih, noh boih yŏng wă iung wei kơ kon pơlei ih. Kơplah noh gô đei tơdrong gleh truh, iŏk đơ̆ng đei pơjing dêh char truh tơ dang ei tam mă đei tơdrong truh tih thoi noh. Dang ei lăm lu kon pơlei ih, dôm lu bơngai mă đei chih măt lăm sơ̆p hla bơar noh gô klaih păng arih ling-lang.

Da 9:12

Ih pơsĭt kơ nơ̆r mă pơm tơwih kơ lu nhôn, kơ lu 'bok sek tơlang, đei sek tơlang boih kơ lu nhôn mă đei hlôi tơdrong răm truh kơ lu nhôn yua kơ jơ̆p teh đak tam mă đei tơdrong phak thoi noh, mă đei phak Jêrusalem.

Jôel 1:6

Đei adrĕch pran păng lơ; năm blah boih hăm teh đak Inh; hơnĕnh lu sư nhen hơnĕnh dăm-brang, păng tơ'ngam lu sư nhen tơ'ngam dăm-brang akăn. Lu sư kăp pơrăm bơih tơm hơmu Inh, păng kăp lŏng tơpăk bơih 'long hơra Inh.

Jôel 2:25

Inh gô mong ăn kơ lu iĕm đêl dôm sơnăm đĭ kơ lu lep sa, lu lep tih, lep 'ba, lep iĕ lep tung-nut khŭl linh Inh lơ mă Inh đei wơh truh tơ iĕm.

Jôel 2:31

Măt 'năr gô măng mu, măt khei gô jing thoi pham, adrol kơ năr krưp tih Kră Yang truh.

Jôel 2:5

Lu sư pơplŏng truh tơ wĕch kông, thoi noh kơtơ̆ng thoi re gre aseh, kơtơ̆ng thoi pla ŭnh sa hơnong 'ba; noh thoi minh khŭl linh tih pran kơtang, săp pơrĕng wă năm tơblah.

Jôel 3:4

Ơ pơlei Tirơ păng pơlei Siđôn păng đĭ tơring Philistin, lu iĕm đei tơdrong kiơ păng Inh? Lu iĕm wă blah plơ̆ Inh hă? Tơdah lu iĕm blah plơ̆ Inh, Inh gô ăn tơdrong iĕm blah plơ̆ Inh wih plơ̆ tĕnh hloi tơ kơ̆l lu iĕm,

Am 4:13

Tơpă, sư boih pơjing lu kông păng pơjing kial. Păng roi ăn kơ kon bơngai băt tơdrong sư tơchĕng; sư pơm kơ hơdah jing măng mu păng yak năm lăm anih kơjung hloh kơpal teh. Anăn sư Kră Yang 'Bok Kei-Dei Tih hloh.

Jêphania 1:7

Hreh bĕ 'bơ̆t anăp Kră Yang 'Bok Kei-Dei! Yua kơ năr Kră Yang wă jê̆ boih. Kră Yang đei hơmet boih tơmam soi, Sư đei 'măn klah lê̆ pha boih lu bơngai tơmoi mă Sư krao.

Sa 14:6

Lăm năr noh ưh pă đei hơdah dơ̆ng, dôm lu chră hơdah gô jing iĕ, ưh kơ đei tơngiĕt dah prĕl jur mơ̆n.

Mathiơ 24:21

yua kơ năr noh kơnh đei tơdrong anat anot tih hloh kơ đơ̆ng năr 'Bok Kei-Dei pơjing plĕnh teh sơ̆ khơ̆ dang ei. Mă-lei đơ̆ng rŏng kơ noh kư̆m huay kơ mah dang noh mơ̆n.

Markôs 13:19

yua kơ kơplah ei kơnh gô đei tơdrong tơblah tih hloh kơ đơ̆ng năr 'Bok Kei-Dei pơjing plĕnh teh sơ̆ khơ̆ dang ei. Mă-lei đơ̆ng rŏng kơ noh kư̆m huay kơ mah dang noh mơ̆n.

Both 32:7

'Blŏk bĕ kơ năr sơ̆ ki. Tơchĕng bĕ kơ lu bơngai chăl adrol sơ̆. Jet bĕ 'bă iĕm lu sư gô tơl. Apinh bĕ lu kră iĕm, lu sư gô roi tơbăt ăn kơ iĕm.

Hêbrơ 12:18

Tơ̆ng bơ̆n gơnang kơ Yêsu Krist tơpă, bơ̆n huay kơ hli kơ 'Bok Kei-Dei thoi lu bơngai Isơrael sơ̆ ôh. Lu bơngai Isơrael sơ̆ lu sư hli kơ 'Bok Kei-Dei pơm tơ'bôh kơ lu sư đei ŭnh pla tih tơ kông Sinai păng đei 'nhui găm măng mu đei kial hơbŭt.

Ju 1:13

Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.

Tơdrông Tơ'bôh 9:2

Lăp sơnglŏng ei iŏk khuă pơih 'măng sơlŭng jrŭ noh boih, na đei hloi 'nhui tŏk đơ̆ng sơlŭng noh tơ plĕnh kơŭl hyôi thoi đơ̆ng tơnuh ŭnh tih, măt 'năr anê̆ rơwơ̆ng mah glĭp măng mu.