Jôel 1:9 - Sơ̆p Hlabơar Nơ̆r 'Bok Kei-Dei

⁹ Tơmam soi pơyơ̆r huch, tơmam soi phe 'ba ưh pă đei boih lăm hnam Kră Yang; lu 'bok soi bơ̆jang soi kơ Kră Yang oei ơh sơ'ngon.

Jôel 1:9 Kruisverwysings

II Ho 13:10

Gah lu nhôn, Kră Yang 'Bok Kei-Dei lu bơ̆n, lu nhôn ưh kơ đei achăng lê̆ Sư; lu 'bok soi bơ̆jang kơ Kră Yang tă kơ kon sâu Arôn păng lu bơngai Lêwi bơ̆jang tơdrong jang lu sư.

Le 28:1

Lăm lu bơngai Isơrael ih athei rơih iŏk Arôn, 'nhŏng ih hăm lu kon drŏ-nglo sư, Nađap, Abihu, Êlêasar; păng Ithamar; pơjao ăn tơdrong jang pơm 'bok soi bơ̆jang kơ Inh.

Êsai 61:6

Gah lu iĕm đe gô krao iĕm 'bok soi Kră Yang, đe gô krao iĕm đĭch đam Kră Yang 'Bok Kei-Dei lu bơ̆n; lu iĕm gô sa tơmam đơ̆ng lu dêh char păng tơdrong hiôk rơnŭk đơ̆ng lu sư.

Nhom 1:16

Yua kơ thoi noh boih inh nhơ̆m hmoi, na đak măt inh lĕch lơ. Yua kơ lu bơngai râu pơlung jơhngơ̆m inh đĭ ataih boih. Kon sâu inh pơmat-tat, yua kơ jei lu ayăt boih.

Nhom 1:4

Lu trong năm tơ pơlei Siôn bơsĕl, yua kơ ưh kơ đei bu năm ngôi lăm năr giĕng tih. Rim 'măng jang đĭ juơ; lu 'bok soi tơtok tơtăm; Lu adruh hle pơmat-tat, lu sư bơih wă pŭ iŏk pơmat-tat dêh.

Hôsia 9:4

Lu sư kư̆m ưh pă đei tuh pơyơ̆r boih sik hơmu kơ Kră Yang, păng dôm tơmam soi lu sư kư̆m ưh kơ pơm kơ Kră Yang hiôk ôh, mă-lei jing thoi 'bĕng mi đe sa nhơ̆m hmoi ơh sơ'ngon kơ bơngai lôch, đĭ-đăng lu bơngai sa 'bĕng noh jing 'mê̆-'mach, yua kơ 'bĕng mi noh 'măn kơ lu sư kơdih đĕch 'bĕng noh ưh kơ truh ôh tơ hnam Kră Yang.

Jôel 1:13

Ơ lu 'bok soi, hrŭk bĕ ao 'bi na nhơ̆m hmoi. Ơ lu bơngai mă bơ̆jang 'bơ̆t chơnang soi, nhơ̆m hmoi bĕ. Ơ lu bơngai mă jang kơ Kră Yang 'Bok Kei-Dei, hrŭk hơbĕn ao 'bi hiah na tep om prăt măng, yua kơ tơmam soi phe 'ba, păng tơmam soi huch pă đei bơih lăm hnam Kră Yang 'Bok Kei-Dei lu iĕm!

Jôel 1:16

Tơmam sa pơtôch boih đơ̆ng anăp lu bơ̆n, păng tơdrong chơt hiôk 'nă hal 'Bok Kei-Dei lu bơ̆n tôch boih đơ̆ng hnam Sư, hăm trŏ?

Jôel 2:14

Bu băt lê̆ adrol, rŏ lăng sư gô tơplih tơdrong tơchĕng, oei lê̆ pŭn hiôk kơ bơ̆n, wă khan ăn kơ bơ̆n oei gơh soi pơyơ̆r phe 'ba păng pơyơ̆r tơmam soi huch sa ăn kơ Kră Yang 'Bok Kei-Dei lu bơ̆n.

Jôel 2:17

Lu 'bok soi mă bơ̆jang kơ Kră Yang, nhơ̆m bĕ 'bơ̆t kơđeng cheng truh tơ chơnang soi, păng khan bĕ thoi âu: “Ơ Kră Yang, apinh Ih 'mêm mơnat kơ kon pơlei pơla Ih, păng 'nĕ ăn lu bơngai dêh đe pơ'brơh kơ kon pơlei pơla Ih, păng 'nĕ ăn kơ đe pơma khan thoi âu: ‘Tơ yơ Kră Yang 'Bok Kei-Dei lu sư?’ ”