Jôel 1:7 - Sơ̆p Hlabơar Nơ̆r 'Bok Kei-Dei

⁷ Lu sư kăp pơrăm bơih tơm 'long hơmu Inh, sư kăp tơpăk bơih tơm 'long hơra Inh. Sư lŏng lê̆ kơđoh sư, na pơrăm lê̆ dơng, truh dơng sư jing kok.

Jôel 1:7 Kruisverwysings

Horiso 105:33

Sư kư̆m pơrăm pơgar hơmu păng plei 'long hơra. Sư gơ̆ lê̆ lu 'long tơ lăm char noh.

Le 10:14

Lep jruh jơ̆p-jang lăm dêh Êyiptơ, sư jur 'bĕnh-'bang tơ lăm dêh noh. Lơlap lơlang, ưh tam mă đei ôh lep đơ̆ng sơ̆ khơ̆ ning-mônh đei lơ thoi noh.

Le 10:15

Lep 'bĕnh-'bang jơ̆p-jang kơpal teh tơ lăm dêh Êyiptơ. Păng đei lăm dêh char jing găm ngăl, kăp sa đĭ lu hla 'nhĕt 'nhot sa tơ anih tơmăn glă păng plei 'long sa mă đơ̆ng 'mi prĕl oei lon; jơ̆p tơ lăm dêh Êyiptơ ưh pă đei hla 'nhĕt 'nhot hla 'long tơ mir, tơmăn glă gơh bluh dơ̆ng boih.

Êsai 24:7

Sik hơmu 'nao đĭ hrơ̆, tơm hơmu đĭ jô kro, lu bơngai juăt đei jơhngơ̆m chơt đĭ tơtok tơtăm.

Êsai 32:12

Tŭr bĕ kơtơh nhơ̆m hmoi, yua kơ chŭn mir 'lơ̆ng, 'long hơmu đei plei trem pă đei boih

Êsai 5:6

Inh gô lê̆ sư Jing bri, ưh kơ đei hơleh dơng seh hơmet sư; na 'nhĕt jơla gô chăt krênh tơm sư. Inh gô khan kơ hơmơ̆l 'nĕ pă 'mi jruh tơ pơgar noh.

Je 8:13

Kră Yang khan: “Tơpă Inh gô iŏk lê̆ đĭ mir pơgar lu sư, tơm hơmu ưh pă đei plei; tơm hơra kư̆m ưh pă plei; hla lu sư gô kro hơlŭng, Dôm tơmam mă Inh đei ăn kơ lu sư boih, Inh gô pơdrâu iŏk đơ̆ng ti lu sư!”

Hôsia 2:12

Inh gô pơrăm lê̆ lu tơm 'long hơra păng tơm 'long hơmu sư, noh sư khan: 'Nâu tơdrong apah đơ̆ng lu pơyô inh ăn kơ inh. Inh gô ăn kơ lu 'long sa plei gô jing thoi bri, păng lu sem bri gô sa.

Jôel 1:12

Tơm hơmu đĭ jô, tơm hơra đĭ kro, tơm 'long gărnăt, 'long gol, dôm tơnơm 'long tơ mir đĭ jô kro boih; tơdrong chơt hiôk kon bơngai đĭ hiong boih.

Am 4:9

Inh yua boih kial tŏ păng hơdrông sa 'ba wă bơtho lu iĕm. Đei lơ mir pơgar 'nhot, pơgar hơmu, 'long hơra, 'long ôliwơ lu iĕm đĭ kơ lep sa pơgoh. Mă-lei lu iĕm kư̆m ưh kơ wă wih brŏk tơ Inh 'mơ̆i Kră Yang khan thoi noh.

Habakuk 3:17

Mă khan 'long hơra ưh pă pơkao dơ̆ng, Păng tơm hơmu kư̆m ưh pă plei; Tơm 'long ôliwơ kư̆m pă đei plei hmĕt pơm đak rơmă păng kư̆m pă đei chŭn mir ayơ mă oei đei chăt tơmam sa 'ba sŏng; Mă khŭl triu păng đei lăm hơdrong, Sem dơrong rơmo bơbe pă đei lăm war.

Malachi 3:11

Inh gô găn lu hơdrông kơnu wă kơ lu sư huay kăp kuer sa pơkao plei 'long đơ̆ng teh iĕm; păng lu tơm 'long hơmu lăm mir pơgar plei pơkao sư huay kơ hơlŭng adrol kơ bơyan sư, Kră Yang khan thoi noh.