Jôel 1:2 - Sơ̆p Hlabơar Nơ̆r 'Bok Kei-Dei

² Ơ lu bơngai kră mơ̆ng bĕ nơ̆r âu! Đĭ-đăng lu iĕm jing kon pơlei pơla lăm teh đak âu, mơ̆ng bĕ! Hăm tam đei tơdrong truh thoi noh lăm chăl lu iĕm, dah lăm chăl 'bok lu iĕm ưh?

Jôel 1:2 Kruisverwysings

Jop 12:12

Bơngai kră jơnei đei tơdrong hơgei, bơngai arih sot đei tơdrong hlôh wao.

Jop 15:10

Lăm lu nhôn âu đei bơngai sŏk ko, bơngai kră krŭng sơnăm đĭ lơ hloh kơ 'bă ih.

Jop 21:7

Liơ lu bơngai kơnê̆ oei arih, Rai arih sot păng rai kĕ pran?

Jop 8:8

“Inh apinh ih hŏk iŏk lu bơngai jơhnơr adrol sơ̆, Chă lăng hơlen bĕ dôm tơdrong lu sư chă 'bôh sơ̆;

Horiso 49:1

Ơ kon pơlei pơla, mơ̆ng bĕ tơdrong âu, Ơ đĭ-đăng bơngai oei kơpal teh. Pơgling đon mơ̆ng bĕ.

Êsai 34:1

Ơ lu dêh char năm mă jê̆ mơ̆ng bĕ, ơ kon pơlei pơla pơđêng đon iĕm mơ̆ng bĕ! Ơ teh đak păng lu tơmam 'bĕnh-'bang kơpal teh ơ dêh char păng lu tơmam lĕch đơ̆ng lăm noh mơ̆ng bĕ.

Êsai 7:17

Kră Yang gô ăn tơdrong truh kơ ih, kon pơlei ih păng hnam 'bă ih, đơ̆ng năr mă Êphraim tơklah đơ̆ng Juđa kư̆m tam mă đei 'bôh thoi noh wă khan sư gô chông ba pơtao Asiri truh.”

Je 30:7

Ô! Năr noh kơnê̆ krưp tih tơpă, mă ning-mônh kư̆m ưh kơ đei năr kơnê̆ dêh thoi noh. Noh boih năr truh răm kơ Jakôp! Mă-lei Inh gô dŏng lu sư klaih đơ̆ng noh.”

Je 5:21

Mơ̆ng bĕ tơdrong 'nâu, ơ kon pơlei bơlŭk păng kơhlôh kơwao. Đei măt ră mă-lei ưh kơ 'bôh, đei đon ră mă-lei ưh kơtơ̆ng.

Da 12:1

Lăm chăl noh, Mikael, Linh jang tih, noh boih yŏng wă iung wei kơ kon pơlei ih. Kơplah noh gô đei tơdrong gleh truh, iŏk đơ̆ng đei pơjing dêh char truh tơ dang ei tam mă đei tơdrong truh tih thoi noh. Dang ei lăm lu kon pơlei ih, dôm lu bơngai mă đei chih măt lăm sơ̆p hla bơar noh gô klaih păng arih ling-lang.

Hôsia 4:1

“Ơ lu kon sâu Isơrael, mơ̆ng bĕ nơ̆r Kră Yang khan yua kơ Kră Yang đei jô̆ hil boih kơ kon bơngai mă oei lăm teh đak âu. Ưh kơ đei bu tơpăt, ưh kơ đei bu băt 'mêm mơnat, păng ưh kơ đei bu băt hlôh kơ Kră Yang 'Bok Kei-Dei.

Hôsia 5:1

“Ơ lu 'bok soi, mơ̆ng bĕ lu tơdrong 'nâu. Ơ bơngai Isơrael, pơgling đon bĕ! Răp mơ̆ng bĕ, ơ bơngai lăm hnam pơtao! Tơdrong sek tơlang âu 'bơm trŏ kơ lu iĕm, yua kơ lu iĕm thoi hơđong hơ'năk lê̆ boih tơ pơlei Mispa; păng thoi hơnhuăl dăng boih tơ kông Tabôr.

Jôel 1:14

Hơmet bĕ kơ tơdrong ơ̆t kơ por, krao akŭm tơpôl lơ. Akŭm bĕ lu kră păng đĭ-đăng lu kon pơlei pơla lăm teh đak năm tơ hnam Kră Yang 'Bok Kei-Dei lu iĕm, păng krao apinh bĕ Kră Yang!

Jôel 2:2

Wă khan năr măng klăm măng mu gueo, năr hơmơ̆l găm păng tŭk hơ'bơ̆l gom kông. Đei minh adrĕch adrung tih păng pran kơtang truh thoi hơdah pơgê hrôih pơchrang jơ̆p kơpal kông. Đơ̆ng sơ̆ tam biơh đei, mă truh tơ ning-mônh kư̆m ưh kơ đei lu adrĕch bơngai thoi lu sư noh.

Am 3:1

Ơ lu kon sâu Isơrael, mơ̆ng bĕ nơ̆r âu, 'nâu boih nơ̆r đơ̆ng Kră Yang khan wă blah lu iĕm, wă tơblah hăm đĭ-đăng lu adrĕch adrung mă inh đei chông anhăk đơ̆ng dêh Êyiptơ.

Am 4:1

Mơ̆ng bĕ ơ lu rơmo akăn dêh Basan, oei tơ kông Samari, iĕm pơjuă lu bơngai dơnuh, pơgŏ pơđep lu bơngai hoh kơ đei, khan kơ lu klo iĕm: Chĕp ba sik tơ âu, lu nhôn huch!

Am 5:1

Ơ adrĕch Isơrael, mơ̆ng bĕ nơ̆r 'nâu, jơ̆ nơ̆r nhơ̆m hmoi yua kơ lu iĕm.

Mi 1:2

Ơ đĭ-đăng kon pơlei, mơ̆ng bĕ! Ơ teh păng đĭ-đăng tơmam mă oei kơpal teh pơgling đon mơ̆ng! Apinh Kră Yang đơ̆ng anih 'lơ̆ng rơgoh Sư. Ăn kơ Kră Yang pơm kơdranh blah lu iĕm.

Mi 3:1

Thoi noh na inh khan thoi âu: Lu yŏng kơdră Jakôp păng lu bơngai pơgơ̆r hnam Isơrael, mơ̆ng bĕ! Hăm trŏ kơ lu iĕm athei băt kơ tơdrong tơpăt?

Mi 3:9

Ơ lu kơdră hnam Jakôp păng lu bơngai pơgơ̆r hnam Isơrael, mơ̆ng bĕ nơ̆r âu, iĕm areh kơ tơdrong trŏ păng wă pơrăm pơrai tơdrong tơpăt hơnơ̆ng.

Mathiơ 13:9

Bu đei đon athei tơchĕng kơdih bĕ.”

Mathiơ 24:21

yua kơ năr noh kơnh đei tơdrong anat anot tih hloh kơ đơ̆ng năr 'Bok Kei-Dei pơjing plĕnh teh sơ̆ khơ̆ dang ei. Mă-lei đơ̆ng rŏng kơ noh kư̆m huay kơ mah dang noh mơ̆n.

Tơdrông Tơ'bôh 2:7

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh ăn kơ sư sa plei 'long kon bơngai arih. 'Long 'noh 'Bok Kei-Dei pơtăm tơ pơgar Sư tơ Pơlei 'Lơ̆ng Sư.’ ”