Jo 8:2 - Sơ̆p Hlabơar Nơ̆r 'Bok Kei-Dei

² Khan bĕ kơ Arôn; kơplah ih pơdơ̆ng ŭnh kơđeng, lei dan tơpơh tŏ ŭnh nhơk pơchrang hơdah tơ gah anăp kơ jơ̆ng ŭnh jrĕnh.

Jo 8:2 Kruisverwysings

Horiso 119:105

Nơ̆r Ih jing ŭnh kơđeng kơ jơ̆ng inh. Nhơk pơchrang ăn kơ trong inh.

Horiso 119:130

Tơdrong bơtho tơblang nơ̆r Ih pơchrang ăn hơdah. Sư ăn tơdrong hlôh wao kơ lu bơngai tơpăt.

Le 25:37

Ih kư̆m athei pơm tơpơh tŏ brai kơđeng đe wă tơ̆k ŭnh kơđeng na pơchrang hơdah tơ anăp.

Le 37:23

Sư pơm tơpơh tŏ ŭnh kơđeng kơ sư, chơkep tơmam pĭt ŭnh păng pơnhan chhĕr mong rơnok, sư pơm hăm maih rơgoh.

Le 39:37

jơ̆ng ŭnh kơđeng maih rơgoh hăm akâu ŭnh kơđeng, hơmet pơm keh đĭ boih, hăm lu tơmam yua lăm noh; păng đak rơmă pơlei ôliwơ yua wă tơ̆k ŭnh kơđeng;

Le 40:25

Na sư tơ̆k ŭnh kơđeng 'bơ̆t anăp Kră Yang kiơ̆ thoi nơ̆r Kră Yang đei pơkă kơ Môis.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Lêwi 24:4

Arôn gô wei ŭnh kơđeng dan kơpal jơ̆ng kơđeng hăm maih. Wă kơ ŭnh kơđeng khơ̆ng hơnơ̆ng 'bơ̆t anăp Kră Yang.

Jo 8:1

Kră Yang khan kơ Môis thoi âu:

Jo 8:3

Arôn pơm kiơ̆ hloi sư dan tơpơh tŏ ŭnh kơđeng wă pơchrang hơdah tơ gah anăp kơ jơ̆ng ŭnh jrĕnh, thoi nơ̆r Kră Yang đei pơkă khan kơ Môis.

Mathiơ 5:14

“Lu iĕm thoi lĕ kơ hơdah jơ̆p kơ kon bơngai lăm teh đak, thoi minh pôm pơlei oei kơpal kông ưh kơ đei layơ hlơp.

Yo 1:9

Bơngai mă hơdah dang măt 'năr ei, Sư pơchrang hơdah kơ đĭ-đăng bơngai wă kơ đĭ-đăng bơngai băt tơdrong 'Bok Kei-Dei. Bơngai mă hơdah ei, hơtai ei sơ̆ Sư jur tơ ala teh âu tơ'bôh kơ đe tơdrong hơdah Sư.

II Pet 1:19

Mă ưh kơ sĭ kơtơ̆ng kơdrô̆ tơdrong 'noh đĕch ôh, bơ̆n kư̆m kơtơ̆ng dôm tơdrong lu bơngai pơtruh nơ̆r 'Bok Kei-Dei khan lê̆ hơdrol sơ̆ mơ̆n. Sư kư̆m roi gah tơdrong 'Bok Krist mơsêh mơyang wă pơgơ̆r ning-mônh, na dang ei bơ̆n băt nhên tơpă boih. Iĕm athei 'blŏk hơdơ̆r kơ tơdrong lu sư khan lê̆ hơdrol noh ling-lang, yua kơ tơdrong noh thoi lĕ kơ ŭnh pơchrang hơdah prăt măng truh tơ pơgê, na sơnglŏng wŏng-tar tơ pơgê gô pơchrang lăm jơhngơ̆m đon iĕm.

Tơdrông Tơ'bôh 1:12

Na inh hue lăng tơ rŏng wă kơ băt bu pơma kơ inh noh hei. Lăp inh hue lăng inh 'bôh tơpơh tŏ jơ̆ng kơđeng maih.

Tơdrông Tơ'bôh 1:20

Gah tơdrong tơpơh tŏ sơnglŏng mă ih 'bôh Inh chĕp tơ ti 'ma Inh 'noh hei păng tơpơh tŏ jơ̆ng kơđeng maih noh, na dang ei Inh wă roi tơblang ăn kơ ih. Tơpơh tŏ sơnglŏng noh wă khan tơpơh 'nu kră wei-lăng hnam akŭm 'Bok Kei-Dei. Tơpơh tŏ jơ̆ng kơđeng maih noh wă khan tơpơh tŏ hnam akŭm 'Bok Kei-Dei.”

Tơdrông Tơ'bôh 4:5

Păng 'bôh kơchêr kơchar kơmlat lĕch đơ̆ng tang-dŏ 'Bok Pơtao mă oei tŏk-bŏk. Păng inh kơtơ̆ng grơ̆m glaih tơdrăng. 'Bơ̆t anăp tang-dŏ 'Bok Pơtao ei, đei tơpơh tŏ ŭnh kơđeng sư khơ̆ng ling-lang. Kơđeng ei wă pơtih gia kơ Yang Bơhngol 'Lơ̆ng Sư. Yang Bơhngol 'Lơ̆ng minh 'nu đĕch, mă-lei dang tơpơh 'nu.