Jo 6:3 - Sơ̆p Hlabơar Nơ̆r 'Bok Kei-Dei

³ Na sư athei pơkơ̆m ưh kơ gơh et sik dah huch tơmam kiơ suai; kư̆m ưh kơ huch sik kiơ mă đe pơm hrâu păng plei hơmu, dah sa hơmu oei adrih, dah sa plei hơmu mă kro boih kư̆m ưh kơ gơh.

Jo 6:3 Kruisverwysings

Lêwi 10:9

Layơ mă ih păng lu kon drŏ-nglo ih mơ̆t lăm Bơsŭn Anih Akŭm 'nĕ kơ et sik hơmu păng huch tơmam kiơ mă pơm kơ iĕm suai kơnh hli kơ iĕm lôch. Tơdrong noh jing tơdrong juăt tơtă ling-lang lăm đĭ jơhnơr lu iĕm.

Am 2:11

Inh đei pơjing tơiung lu bơngai khan lê̆ adrol lăm lu kon pơlei iĕm păng pơjing dôm lu bơngai Nasiril lăm lu kon tơdăm iĕm. Kră Yang khan: Ơ kon sâu Isơrael, hăm trŏ thoi ei?

Am 2:12

Mă-lei lu iĕm ăn pơgŏ boih lu bơngai Nasiril huch sik păng khă lu bơngai khan lê̆ adrol: Lê̆ pă khan lê̆ adrol!

Jo 6:4

Lăm đĭ năr sư pơjao akâu, ưh kơ gơh sa kiơ đe pơm hăm plei hơmu, mă găr truh tơ kơđoh akar sư.

Luka 1:15

Yua kơ ning-mônh sư gô pơm tih 'bơ̆t anăp 'Bok Kei-Dei. Sư ưh kơ gơh et sik dah dôm tơmam kiơ pơm ăn suai. Sư 'bĕnh blai Yang Bơhngol 'Lơ̆ng mă đơ̆ng đe tơpŭ kơ sư truh tơ ning-mônh.

Luka 21:34

“Na kơplah iĕm oei arih dang ei, iĕm athei kơchăng kơdih 'nĕ kơ nŏng kơ et sik, hli kơ suai. Păng 'nĕ pă hăt kơ tơdrong ala teh, hli kơ năr noh truh kơplah iĕm ưh kơ kơchăng, tabơla haih pă tam thoi bơngai 'leh 'năk. Na tơdrong noh wă truh tơ jơ̆p-jang teh đak ning-mônh kư̆m thoi noh mơ̆n.

Êphêsô 5:18

Bơ̆n 'nĕ kơ et sik suai hli kơ bơ̆n jing bơngai kư̆ kă; bơ̆n athei ăn kơ Yang Bơhngol 'Lơ̆ng pơgơ̆r bơ̆n lăm tôm tơdrong.

I Tes 5:22

Dah tơdrong glăi iĕm săi tŭk.

I Tim 5:23

Krô hmă ih jĭ klak, ih 'nĕ pă nhă đak 'blăng ngăl hŏ, ih athei et 'biơ̆ sik hơmu tŏ sĕt wă kơ huay pă jĭ dơ̆ng.

Hêbrơ 9:10

Lu tơdrong juăt noh sơ̆ khă gah tơdrong sa et tơmam giĕng, tơdrong hum 'nhao. Dôm tơdrong giĕng lu sư pơm giĕng tơ 'ngoaih akâu đĕch. Mă-lei khan wă kơ đe kiơ̆ khŏm khŏm truh tơ 'Bok Kei-Dei tơplih tơdrong so ăn tơdrong 'nao.

Lu 13:14

Sư ưh kơ gơh kơ sa tơmam kiơ đơ̆ng lăm pơgar hơmu, kư̆m 'nĕ kơ huch sik đak hơmu dah tơmam kiơ suai; kư̆m athei 'nĕ kơ sa tơmam kiơ mă ưh kơ rơgoh; sư athei răk dôm tơdrong mă inh pơkă kơ sư boih.”

Lu 13:4

Ih athei kơchăng, 'nĕ kơ huch sik đak hơmu dah tơmam kiơ suai păng kư̆m 'nĕ kơ sa tơmam kiơ mă ưh kơ rơgoh,